مساء الخير حبيباتي و الله توحشتكم بزاف
المهم انا عندي سؤال محيرني
انا ولدت يوم 02/02/2015 و جبت احلى اياد عبد المجيب و بعملية قيصرية مرضت من بعدها و بقيت حتى شهرين و انا فراش …. هاذ الاسبوع نروح لداري و نبدا حياتي نورمال مع زوجي و رحت لطبيبة باش ندي حبوب منع الحمل و لكن عطاتني meliane و زادتني حبوب للحليب ….سؤالي هو اني مرانيش حابة نوقف الرضاعة و من جهة خايفة من غلطة الحمل لاني عاد جرحي اخضر كيما يقولو …. اليوم ديت اول حبة لاني كنت في بيتي مع التنظيف و خفت زوجي تبنلو عليا ههههههههههههههههه عفوا على التوضيح و لكن صار اللي كان في بالي …سؤالي هو هل ممكن اني نواصل الرضاعة بالحبوب نورمال ؟؟؟؟ و هل الحمل ممكن اذا ما اخذتش الحبوب ؟؟؟ و اذا اخذت غير حبة و حبست هل فيها مشكلة؟؟؟ مع العلم انو الدورة ماجاتش قاع …. سمحولي اذا طولت عليكم و لكن انا بحاجة ماسة لمساعدتكم ارجوكم
حبيبتي حبوب منع الحمل عادي مع الرضاعة ممكن تنقس الحليب شوي انت كولي مليح وما تخميش والحبوب كمليهم ما تحبسيش وانشاء الله يفيدوك الاخوات اكثر
نسيت ما قتلكش مبروك عليك وربي يصلحو يا رب
كيما قالتلك الأخت الحبوب ممكنة مع الرضاعة إستشيري الطبيبة في نوعية الحبوب للمرأة المرضعة لكي لا ينقص الحليب
ربي يصلحه وينبته نباتا حسنا شوفي حنونتي انا كنت مثلك تماما واعطاتني الطبيبة حبوب منع الحمل microval لانها ماتأثرش على الحليب وبالنسبة للدروة عادي ذوك تجيك لانها عادة بعد الولادة والرضاعة والحبوب تتخربط شوي من بعد تتريقل ان شاء الله
لا علم لي اختي الف مبروك على اياد ربي يخليهولك
الف مبروك اياد الصغير ابني تاني اسمه اياد ربي يصلحهم
الدورة عادي تتخربط مع الولادة والرضاعة خاصة من بعد تتعدل بالشوية
اما حبوب منع الحمل فطبيبتك راح تمدلك اخف وحدة الي تتماشى مع الرضاعة
يتربي في عزكم
الدورة عادي تتخربط مع الولادة والرضاعة خاصة من بعد تتعدل بالشوية
اما حبوب منع الحمل فطبيبتك راح تمدلك اخف وحدة الي تتماشى مع الرضاعة
يتربي في عزكم
شكرا على الردود ربي يحفظكم و يحفظ اولادكم بصح اذا كانت اخف هاذ الحبوب مانحملش ياك؟؟؟
الحمد لله على سلامتك
الحبوب إذا واضبتي عليه بإنتظام مترفديش بيهم بإذن الله
يعني خذيهم في نفس الوقت من كل يم مثلا تاخذي وحدة كل يوم على الثامنة مساء أبقي واضبي على هذا المنوال
الحبوب إذا واضبتي عليه بإنتظام مترفديش بيهم بإذن الله
يعني خذيهم في نفس الوقت من كل يم مثلا تاخذي وحدة كل يوم على الثامنة مساء أبقي واضبي على هذا المنوال
شكرا حبيبتي مليكة و هاذا نايمنعش اني نرضع؟؟؟؟؟
