الي كل ام تساعدني 2024.

انا هاد النهرات نزيد لكن راني خايفة وداير في بالى رايح نموت وكل ما يحكمني السطر نرجع نترعد قلولي وقلو لكل وحد حامل واش حسيتوا كي قريب تزيدوا والله يخليلكم ولادكم ويكمل لكل حامل ادعولي

حبيبتي ربي يسلكك على خير.والخوف راهو يجيك من التخمام بزاف فالزيادة حاولي تنساي.وماديريش في بالك حكاية الموت.قولي كيما زيدو النسا كامل انا تاني نزيد.وكي ينوضلك ستر حبيبتي حاولي تقراي القران على قد ما قدرتي و اذكري ربي سبحانو.وما تعيطيش باه ما تروحش قوتك كامل .ردي لداخل باه تخلي قوتك لزيادة.ومامبا نص ساعة ونتي زيدتي و تتهناي.وان شاء الله ربي يسهلك في زيادتك يا رب.والله نصحتك كي ختي.

يا اختي رانا الكل في الهوا سوا
انا مازالي باه نزيد شهر و نص
وخايفة بزاف ساعات نقول بقالي شهر ونص ونموة
حتى تبدلو طبايعي خلاااص تع واحد قاعد يودع
لكن ساعات نقول لازم نكون كوغاجوووز على جالت بنتي وراجلي
ومنكونش ضعيفة
ونقول النسا كامل يولدو نورمال ويزيدو يعاودو كاللي ماصرا والو
حنا كي عادت اول مرة يزيد التخمام
حاولي تصلي اكثر وتقراي قران والدعاء
وربي يعطيك وقفة ساهلة
وترجعيلنا باخبار مفرحة عليك وعلى البيبي

يعطيك الصحة ام اياد وانت سها88 راح ندير بنصيحتكم

ربي يسهلك زيادتك حنونة
رانا الكل خفنا قبل مانزيدو
بصح ديري في بالك بلي راح تتعذبي شوية ومن بعد راح تنساي كلش وقت ماتشوفي وليدك ولا بنيتك قدامك
وكون مجاتش الام تتعذب على جال وليدها مكانش ربي وصانا بالوالدين
وخاصة الام
وزيد ديري في بالك بلي شحال من وحدة زيدة قبل ومستحيل راح يكونو الكل خير منك
غير شوية صبر برك راح تفرحي بوليدك وتهزيه قدامك وتنساي كلش

ماتنسايش حبيبتي كي تزيدي فرحينا

بمجرد التفكير بلقاء ورؤية الجنين انسى كل الوساوس