مرحبا بنات واش راكم ان شاء الله لباس
المهم حبيت نتشاركوا مع بعض في كيف الاعتناء بشعرك وشعر بنوتك اهم شي هههههههه
المهم انا بنتي عمرها عام ونص ماشاء الله وكان شعرها حريرررررررررررررررررر وفجأة تغير وصار فيه ناشف ومتغير كليا عما كان عليه
وجربت جبتلها زيت املا لكن ريحته مقرفة كرهته وماجاش على شعرها دوك راني مع زيت سانسيلك خرج عليها بزاف الحمدلله والشامبوهات كنت نغسلها بنيفيا او جونسون ولكن لقيتهم عاديين مايديروا والو قلت نجربلها شامبوا للكبار
شريتلها هادا
ماسك ويخلي الشعر حرير يهبل وريحة واااااااااااو
يلا الي عندها كاش منتج مليح ويفيد ماتبخلش علينا يلا نتشاركوا كلنا باش بناتنا يكونو ديما منورات ان شاء الله
الكبرى شعرها اسود ورطب والصغرى اشقر ومجعد مستحيل نخليه مفتوح بلا مانسرحو بالسشوار
ةالمشكلة عندها حساسية الجلد اي شمبوان يديرلها القشرة واذا نزل على جسمها كارثة حقيقية
جربت زيت املا زيت الحية زيت سانسيلك نخاع الثور وما كان حتى تغيير حبيت نجربلها وصفات
نصحوني قالولي مازالت صغيرة على المواد الكميائية وهي بدات تتعقد شعرتو خفيفة بزاف يصلح غيرمكريبي
وكي نجي نسرحو………كيفاش ندير
اهلا رفيدة حنونة والله صح يعقد البنات خاصة تشوف صحباتها يخليو شعرواتهم مطلوقيت ومسرحين مسكينة تغيير وهادا الي خايفة يصير لبنتي مع ان الكل يقولي شعر بنتك شباب ورطب ولكن كي مانحكمولهاش مايكونش مفرود على كتفها لالا يترولا ويطلع اما نخاع الثور هادا ماجربتوش بصراحة منين تشريه حنونة وهل مضمون واصلي زيت الحية جربتها المرة الاولى كانت مليحة ومن بعد تغيرت مابقاتش تعمل نفس المفعول
و كي يعود حر مليح ما يخليش الريحة في الشعر
و اللي ما تحبوش تديرو حمام زيتي فقط
راهو يرطب و يطول الشعر
أنا نستعملو ماللي كنت صغيرة و درك بنتي شفت شعرها بدا ينشف
كي نديرهولها تحسن ماشاء الله
ملي كان كي لحرير و لى يترولا و يطلع فالسما سيرتو ملقدام
راني نديرلها كل سمانة حمام زيت مختلف
مرة: زيت زيتون+ صفار بيضة+ عسل حر+ قطرات خل
مرة: مايوناز + زيت اللوز
باش ولى يرجع كيما كان
و هاد المرة اسمعت طبيبة قالت بلي لانيمي هي لي دير هاكدا للبنات الصغار، قلت نديها نجوزلها و نشوف