الى كل عروس راهي تالفتلها في الجهاز بواش تبدا و شحال تدي
اليوم ان شاء الله كل مرة نحط موضوع على الجهاز واش لازم تدي معاها
طبعا بالشي اللي تقدر عليه كل وحدة و ربي يهني كل وحدة
اولا نبداو
الفراش
#صالون ماروكان…ولا صالو تاع كوير. c plus classe بالنسبة ليا و كل واحد و مقدورو و ذوق ديالو…
#زربية تاع الصالون تكون متناسقة فاللون.
#نابرو تاع الصالون.
#ريدو تاع الصالون.
#فاز تاع النوار الصالون.
#لي بوف. #كوفرولي شباب تاع ليلة لولة (والأفضل اللون الأبيض او السكري او الذهبي) وتاني ديريه في المناسبات الجميلة وكي يكونو عندك ضياف…
#ريدو تاع الشمبرا يجي متناسق اللون مع الكوفرولي تاع اليلة اللولة (الشورى)
#كوفرولي واحد آخر اي لون آخر حسب الذوق … ويكون سامبل شوية على ليلة الدخلة و اشتريه للمناسبات…
#كوفيرليات تاع شتاء والصيف( بلون كاسي ، فيولي غامق ، قرونا ،،اسود،، لون اخر)
#تروسوات مثلا تاع المسلول ولا لكروشي كل وحدة واش تحب…
#عدد 2 طقم ملاية(دراوات) مطرزين وأشكالهم جميلة ومتنوعة(ملاية + 2كيس مخايد + 1 كيس مسند تسحقيهم في أيامات شهر العسل والمناسبات الخاصة للزوجين…
#دراوات ملاح مزركشة متنوعة تاع كل يوم.
#دراوات سامبل (اغطية تحتية)تاع كل يوم.
#الكوفرطات 3من هادوك المحفرين تاع دوبل فاص.
#1كووات (طقم كامل) (الكوات وأكياس المخدات….
2# كووات منفردة…
***#العدد على حساب #المقدور وحسب #الحاجة
#اغلفة مخايد تاع لداخل و تاع برة شتا و صيف.
#مخايد احتياط 4 ضد الحساسية.
#مخايد مربعين لتزيين الفراش.
#مخدتين للتصديرة ( مدورين).
#بساطات .
#مطارح.
.
#النابات مختلفة الاحجام(لاكومرند، لاكوافوز…) — ديري نوعين بش تقدري تبدلي–
#التلايق تاع الخزانة.
#لينابرو وليبياس تاع المفاتح..
#فازات للتزيين مع الورد تاعهم.
#كادر واحد كبير وجميل.
#لي تابي تاع البيبان.
#لي تابي تاع الكوزينة.
#لي تابي تاعsalle de bain
#زربية للشمبرة على حساب لون
#دي سوندو لي
#وما تنسايش بلي لمطبخ بزاف مهم و من أهم الأمور الي لازم عليك تلتاي بيها لاخاطر راح تجوزي فيها معظم وقتك.. وراح توجدي فيها أحب شيء لراجلك لي هو الطعام ههههه… اللي كلما زادت بنتو و شباحو.. كلما زدتي مكانة في قلب زوجك…
وانا ننصحك باش تهتمي بكوزينتك أشد اهتمام.. وتزينيها قدما تقدري…
#ونقول و نزيد نعاود كل وحدة و مقدورها…
السلام عليك
جزاك الله خيرا
إن شاء الله يستفادو منه الأخوات
جزاك الله خيرا
إن شاء الله يستفادو منه الأخوات
فكرتيني في أيام الخطوبة والجري والتحضير تاع عرسي .. رب يعينكم .
اسعدني مروركم
شيء جميل …..لكن الاجمل الحياة الزوجية تكون سعيدة و هنيئة…..ربي يفرحك و يسعدك حبيبتي….و العاقبة للعازبات اللي بقاو.
شكرا كاين شي صوالح فكرتيني بيهم كنت كامل ناسيتهم الله يعطيك الصحة حبيبة
الله يسعد و يهني ايامك حبيبتي طموح
اسعدي مروركي عزيزتي
اسعدي مروركي عزيزتي
مشكورة اختي و في انتظار الجهازات لي باقيين
ان شاء الله يا حلوة
نورتي سجى الليل
نورتي سجى الليل
