الى الاخت ام كوثر 2024.

السلام عليكم ورحمة الله وبركاته جزاك الله خيرا على كل ما تقدميه من الوصفات وبارك الله فيك اود ان اسالك راني رايحة للعمرة في هذا رمضان ان شاء الله وراني حابة نصنع الحنفيات والخشخاش داير كيما القروش ونديرهم في المجمد لحين عودتي هل نعسلهم وندخلهم للمجمد ولا حتى نجي نعسلهم والصابلي نديرلو القلاصاج وندخلو المجمد ولا حتى نجي نوريني بارك الله فيك والعقوبة لكل مؤمن ان شاء الله

ربي يتقبل منك وادعي لنا معاك
ان شاء الله تدخل ام كوثر وتفيدك وتفيدنا معاك

السلام عليكم ورحمة الله وبركاته شكرا لك على المرور اختي مريم رفيدة ان شاء الله ربي لا يحرم مؤمن من زيارة بيته الحرام وراني رايحة ندعيلكم كامل افراد المنتدى ولجميع المسلمين والعقوبة لكم كامل

السلام عليكم ورحمة الله وبركاته الله يعطيك الصحة اختي ام يوسف على الاجابة انت ولا الاخت ام كوثر رانا قاع خوتات هنايا باش نستفادوا من بعض ورب يدوم المحبة نورتيني الله ينورلك دربك ونقولك مكاش ليعوني راني رايحة انا واختي والوالدة رب لا يحرمك من زيارة بيته الحرام انت وكل عضوات المنتدى وكل مؤمن والدعاء امانة بلا ما توصي

السلام عليكم
ااااسفة اختي على الاطالة في الرد
وكما جاوباتك اختي ام يوسف
الحنييات قطريهم مليح من الزيت خليهم يباتو في كسكاس
غدوة وزعيهم في بورت مونجيواحكمي الغلق وديريهم في المجمد
نهار ترجعي بالسلامة ديكونجيليهم وعسليهم بعسل عادي مش سخون لانهم يتفتتوا مايستحملوش عسل بزايد
حطي من فوق برك
اما حلويات اللي تتغطى بالشوكولا او القلاساج تان كفكيف
خبيهم ومنهار تحتاجيهم قلاسيهم
اي سؤال انا في الخدمة
وعمرة مقبولة وذنب مغفور ولعقوبة لينا كامل

السلام عليكم ورحمة الله وبركاته الشكر الجزيل على رحابة الصدر والله يبارك فيك والعقوبة لك ولجميع عضوات المنتدى وللمؤمنين جميعا ريحتوني ربي يبارك فيكم