لبنات عندي الم امام الاذن كي نمضع ولا نحرك فكي واش هاذا من الاذن ولا من الفك ولا مشكل في ضرسه ما فهمتش هاذا صرالي اليوم برك يخي المفروض الاذن توجع لداخل
بلاك رقدتى على مخدة عالية
ربي يحفظك ختي لالا الام حاساته من داخل ساعات نحسه من رقبتي ساعات تحت وذني ماشي في العضلات
ربما الضرس خاصة تاع العقل هو يعمل هدا الم
شوفي الطبيب وربي يكون في العون بشفى عليك اختى
شوفي الطبيب وربي يكون في العون بشفى عليك اختى
ربي يجيبلك الشفاء يا ختي
انا وذني دايرة فيا حالة بالتصفار ماحبتش تسكت خلاص
واليومين هاذو حاسة روحي نسمع بيها كي شغل الصوت مضبب شوية يعني مش صافي
اما التصفار لا يحبس لا ليل لا نهار
وساعات توجع الصباح خاطر عندي التهاب في الوذن الوسطى و ماحبش يروح عييت نداوي فيها بصح والو
السلام عليكم
بالشفا عليك اخيتو
وين عندك الالم بالضبط 1 أو 2 أو 3
منذ متى؟؟ و فقط كي تمضغي؟؟ و اعراض اخرى مصاحبة : حكة.. افرازات اذن كثيفة.. الم داخل الفم عند البلع… اي شي
احتمال يكون التهاب الاذن الخارجية او التهاب الحلق او التهاب اللوزتين او ضرس مسوس
ربي يشافيك ختي ان شاء الله
تساعدك طبيبتنا الاخت وزني ذهب
تساعدك طبيبتنا الاخت وزني ذهب
عندي الالم في 1 و 2 وراه اليوم كي نشرب ما بارد نحس ضرستي تسطر احتمال تكون منها…نحس بالم بسيط ويزيد مع المضغ كانه الفك يوجع ماشي ضرسه في حد ذاتها ..راني من البارح
ربي يحفظكم لبنات كاملين على التفاعل
ربي يشافيك ويشافيني انا راني كل يوم تخرجلي خرجه والله في هاذ ال10 ايام رحت مرتين لطبيب مرة على صداع في خلف راسي استمر معايا اكثر من اسبوعين عطاني سولبيريد وماغنيزيوم وقال تقلاق رجع السولبيريد كثرلي الحليب في صدري وبني ما يرضعش بزاف جاني التهاب في صدري حمورة والم تخلعت رحت لجينيكووغ عطاتني انتي بيوتيك غير بديت في الدوا جاني الام هاذا وحبست السولبيريد ورجعلي الصداع من الخلعه تاع صدري
