بعد تفكير طويل قررت نديرلكم الكاشير
لتحضير الكاشير استعملت:
100 غ دجاج مسلوق في الماء و الملح
3 مغارف كبار روز مسلوق في الماء و الملح
6 مغارف كبار زيت – 3 بيض
1 جومبو دجاج – 3 فصوص ثوم
كاس سميد رقيق – 3 حبات فرماج
شرائح زيتون اخضر – ملون غذائي احمر
مغرف صغيرة من:الملح-الحرور-راس الحانوت-فلفلة حمرا مطحونة حارة
في الوعاء الخاص بالميكسور
درت: الروز+الدجاج+التوابل+الزيت+الثوم+جومبو
وطحنتهم بالميكسور
ثم ضفتلهم السميد+الفرماج+البيض بالتدريج
دائما بواسطة الميكسور نخفق جيدا حتى ينطحنو مليح
ثم نضيف الملون الاحمر
واخيرا نضيف شرائح الزيتون و نخلطهم مليح
جبت ساشي تاع سباقيتي
عمرتها بالخليط غلقتها مليح
عمرت نصف الكوكوت بالماء و درت فيها الكاشير
ثم على النار مدة 30د
طفيت النار و جبدت الكاشير و درته في الثلاجة يبرد
وهذه هي النتيجة النهائية
بهذا الكاشير تحصلت على المركز الأول و شحن رصيد 1000 دج
tabakha mahira rabi ykhalik ya hanunti
barovo و ألف مبروك مرة ثانية
ههههههههه
شكرا لكن جميعا
عقوبة ليكم خواتاتي
يعطيك الصحة وتسلم الايادي الي خلات الكاشير بيتوتي مش فيه مواد حافظة وغيره
ننتظر جديدك حبيبتي
يعطيك الف عافية
سلام
ان شاء الله نكون عند حسن ظنكم
ربي يحفظك أختي أم يوسف
أبدعتِ
تستاهلي المركزالاول وبجدارة
افدتينا انا ولادي يحبوه بزاف
ان شاء الله نجرب طريقتك قريبا
