المقادير :
04مقادير طحين
مقدار زبدة توريق مذابة او سمن
قليل من الملح
ماء وماء الزهر لجمع العجينة
الحشو
03مقادير لوز او جوز او فول سوداني محمص ومبشور طبعا
مقدار سكر عادي
قشور ليمون
مغرف كبيرة زبدة
عصير ليمونة
ونجمعها بقليل من ماء ورد
الحشو لا يجب ان تكون سائلة كثيرر
سر نجاح الوصفة عندما نقوم بخلط زبدة او سمن مع طحين نقوم بنخلها جيدا والذي بقي على المنخل بيدنا نقوم بحكه على منخل ينزل بسهولة ولم يتبقى لك سوى جمعها بماء زهر مخلط بالماء
ونقوم بتقسميها ل10كورات
نضعها 05كور في كيس ونقفل عليه ونفس الشيء بالنسبة للخمس اخرى
نتركها ترتاح حوالي ساعة
من ثم نأخذ نشاء (طحين الذرة) ونقوم بحل كل كرة لوحدها ثم نضعها على بعضها البعض ونقوم بحلها على حسب قطر صينينة التي ستستعملينها
ومن ثم نقوم بوضع الحشوة فالوسط ونفس الشيء بالنسبة للخمس كور متبقية ونقوم بتحديدها من الفوق مربعات او شكل وردة كما فعلت انا
ونذوب قليلا من سمن ونسقيها به ونتركها من الافضل ليلة كاملة لترتاح العجينة وفالغد ندخلها الى فرن 170درجة وعندما تنضج نسقيها بالعسل ونرشها بالفستق
.
.
.
.
.
.
.
.
.
.
.
.
.
.
.
.
.
.
.
هنا وضعت عليها شوية سمن وتركتها ليلة كاملة باش ترتاح عجبنة
.
هنا صورتها وهي فالفور قاعدة تطيب
.
هنا طريقة اخرى للتزيين
.
.
.
ملاحظة مهمة:
لمن اراد الحصول على بقلاوة مقرمشة ماشي رطبة
يستعمل عسل ثقيل ماشي الخفيف لانو بعد مدة العسل الخفيف يرجعلك بقلاوة طرية وانا نموت عليها مقرمشة ممممممممممم
تحسي فالطبقات تتكسر وحدة وحدة خخخخخ
شهيتكم على بالي
بالنسبة لدرجة فرن ديري 160درجة ونورمالمون تتطلب حوالي ساعة لاقل كي تكون سنيوة صغيرة
كي تلاحظي جوانب تاعها حمارو او ولاو ذهبيين نحيها وشعلي من الفوق بصح عسيها لا تتحرق من الفوق
ملاحظة " دائما بالنسبة لاول تجربة ديري صينية صغيرة
باش منها تتعلمي ومنها تكتسبي مهارة وتتجنبي بزاف اخطاء
وان شاء الله نزيد نحط طريقة تشكيلها على شكل وردة 
بالنسبة لطريقة حفظها
خذي بورت مونجي وفرشي من تحت المنيوم او بلاستيك غذائي ديري طبقة من بقلاوة بعد تعسيلها طبعا
وزيدي ديري ورقة المنيوم او كيس غذائي وهكذا حتى تتعمر لابوات تاعك وغلقيها مليح وحطيها فالكونجيلاتور
نهار تحبي تستعمليها خرجيها قبل بوقت وحطيها في ليكيسات واستمتعي باحلى بقلاوة من صنع يديك عسولة
بالنسبة للسمن لالا ماحطيتيش لاني حطيتيهم فوق بعضهم ورشيت عليها نشاء باش تتورق كي تطيب وحليتهم كقرصة وحدة
مليحة سهلة وماتتعبش وذوق مممممممم
