السلام عليكم ورحمة الله تعالى وبركاته
مساء الخير حبيباتى
أنا اليوم حبيت نحكى لحبيباتى على مشكلتى (ماشي كبيرة بصح متعبتنى) نتمنى نلقى منكم حل أو حتى دعوة
راكم في مقام خواتاتى ومعزتكم كبيرة والله هو العالم
خواتاتى مشكلتى هى مع الأرق وقلة النوم -والحمد لله- يعنى الليل كامل وانا متغمض لى عين نقعد غير نتقلب في فراشي ونقعد نفكر نطلع ونهبط حتى الساعات الاخيرة من الليل
رغم أننى الحمد لله معنديش مشاكل كبيرة ومكانش حوايج شغلين بالى
ونقعد بنفس الحالة حتى الرابعة ونص الخامسة باه نغفا وامبعد لازم نوض على السادسة على جال لقراية
صار لى هكذا تقرييا من رمضان اللى فات في الاول مكنتش مديرة بالي كانت جينى عادى
بصح ضوك وليت نحس بفشلة وصداع ميفرقنيش و أحياننا عينيا يحماروا ويوليو يحرقوا
وليت نغيس بزاف ومنتولهش وبالاحرى وليت غبية ونهار منجي نكملوا حتى نكره حياتى وفي الليل نعيا ونحب نرقد بصح الله غالب مهم حاولت لا جدوى
وهذا الشيء أثر لى على حياتى اليومية وعلى قرايتى ووليت اكثر عصبية
قالولى اشربي حليب قبل ماترقدي اشربي نعناع جربتهم كامل والو ما صلح معايا حبست القهوة رغم انى نعشقها
قالولى عيى روحك وليت نمشي في النهار بزاف وصوالحى كامل نقضيهم وانا ماشية حتى للجامعة نركب الكار غير نص الطريق باه نعيا
وكى نقعد في الدار نقولهم خلونى نسيق نفرز نطيب المهم نعي روحي بصح مصلحتش
والله ياحبيباتى عيتنى هذي الوضعية تاعى وضوك رانى نحضر مذكرة تخرج بصح دون أى تركيز ومنقدرش نبدل أي مجهود
وليت وين لقيت مخدة نطيح وطبعا بلا نوم يعنى الفشلة مسيطرة عليا
ورغم أننى منرقدش في النهار يعنى مشكلتى مع النوم بصفة عامة لا ليل لا نهار
وجربت ايضا القرأن والصلاة وقراءة كتاب ومشاهدة تلفاز والجلوس أمام الحاسوب لكن لم تنفع
خفت نروح لطبيب ويعطيلى ادوية منومة ونولفها
خواتاتى اذا عندكم حل أفدونى به أو دعـــــــــــوة تكفينى
وبارك الله فيكن على قراءة مشكلتى
قبلاتى على جبين كل واحدة فيكم
لاباس عليك حنونة
ان شاء الله تتبدل احوالك من احسن الى احسن
جربي الحفظ في الليل يعييك وتنامي
يعني 2×1
تحفظي وتعيي روحك
+
قيام الليل
واش عاملة في مدكرة التخرج بلاك نقدرو نعاونوك؟
ربي يفرج عليك و يبعد عليك عين الحساد طمنينا عليك مين داك
مشكورة ياغالية على الرد
بارك الله فيك وعليك
ان شاء الله ياغالية نثبت البرنامج على الحاسوب ونحل حساب
نبعثو لك حبوبة
ربي يسعدك ويخليك
وعليكم السلام
اللهم امين ربي
يخليك لينا حبوبتى
والله يا أختى من ناحية العيا نعى بصح رقاد مكانش ههههه
ان شاء الله غاليتى راح نجربها وكيما قلتى انتى نستغل الوقت هذاك
بارك الله فيك وعليك
بالنسبة لمذكرة التخرج العنوان تاعى هو
Traitement des eaux usées et des boues
في station d’epuration sétif
شكرااا مليون مضاعف ملايين عزيزتى
ثبتِك الله على آلسُنهْ وَ آلقُرآنْ
ايه شفتى حالة معقدة هههههههه
والله ياغالية بالنسبة للدوا خايفة منو بزاف نولى مدمنة ههههه
مشكورة ياغالية على الاهتمام والرد
رَفَع الْلَّه قَدْرَك فِي الْدُنَيــا وَالْآخــــرَّة وَأَجْزَل لَك الْعَطـــاء
و الله مشكل
اظن ان النظام تع رمضانما قدرتيش تبدليه
جربي تشربي hiptagyl سرو
ماش مضر بزاف
كنا نشربوه بعد المتحانات بش نريحو
و ن شاء الله ترتاحي
و ننصحك خذي اسبوع مالادي و ريحي تروحلك الفشلة و تسقدي رقادك
