حلوة العصافير بلا طابع
و هذه حلوة أخرى بنفس العجينة
الم
قاديرفرينة + كيلة سكر + كيلة زيت+ كيلة بيض + زاست قارص + فاني + 1 كيس خميرة كيميائية+ شكولا بودر.
للتزين: معجون المشمش + نواة كوكو.
الطريقة
الحاجة الاولى: شعلي الفور وخليه يسخن
الحاجة الثانية:
غربلي الفرينة 3 مرات وخليها (كل ما غربلتي الفرينة كل ما القاطو جا خفيف و بنين)
خلطي البيض مع السكر مليح ، زيديلو الزيت، الزاست و لا فاني و خلطي .
زيدي غربلي الفرينة مع الخميرة و حطيها حتى تتحصلي على عجينة طرية (يليق ما تنشفيهاش بزاف غير قد ما تتلم برك).
اقسميها على 2.
النص التاني زيديلو الشكولا (أو كاكاو)
اقسمي القسم الابيض على 2 و الشكو على 2
حطي عجينة الشكو و عليها البيضا ثم الشكو ثم البيضا بشكل خبزة
بيديك حليها فالسنيوة المدهونة مليح بالزبدة و المرشوشة بالفرينة
دخليها للفور ربع ساعة و نحيها
ادهنيها بالمعجون المحلول في شوية ماء سخون (أو عسيلة) و ذري عليها النواة كوكو
أو أفرغي عليها علبة شكولاطة سوداء مذابة فوق حمام مائي و زينيها بخطوط من الجلاصاج الأبيض مثل الميلفاي و اتركيها تنشف
قطعيها مقروطات و قدميها
الله الله على المبدعة المتألقة أم منذر دوما بخرجاتها المطبخية التي تسحر معدتنا
بارك الله فيك ربي يشدلك فالصحة ويشدلنا فيك وتورينا كل جديد ان شاء الله
موفقة
جاري رفع الصور
باركـ الله فيكـ ~~
الله يباركـ عليكـ دائماً مميزه
الله لايحرمنآ من مشاركاتكـ ومواضيعكـ الراااااائعهـ~~
