واش راكم لبنات ان شاءا لله راكم بخير
كل وحدة تدخل تقوللنا :
– وقتاش عرسها او قداش مازاللها ان شاء الله
-ووين عادت في الجهاز
-وواش حالتها النفسية
-وهل لاقية روحها مع الكوزينة ولاماكان ماكان
تقرعيجة خفيفة ننحيو بيها شوي ضغط
علابالي راكم كي حالتي 
ربي يسهللكم كامل ان شاء الله
– وقتاش عرسها او قداش مازاللها ان شاء الله
ان شاء الله في أوت الجاي
-ووين عادت في الجهاز
درت حوايج قلال ماكثرتش
بقاولي شوي قنادر تاع الصيف وحاجات نلحقهم وفيها براكة
-وواش حالتها النفسية
منكدبش عليكم منلي تفيكسات لادات تاع العرس وانا قلقانة وحاسة بالضغط
-وهل لاقية روحها مع الكوزينة ولاماكان ماكان
شوي شوي نطيب في الويكاند مع الخدمة ملقيتش حسابي
ان شاء الله تشاركونا يالعرايس
موضوع رائع ساندريلا
ربي يسهلك حبيبتي
ربي يسهلك حبيبتي
وقتاش عرسها او قداش مازاللها ان شاء الله
ان شاء الله مور رمضان
ان شاء الله مور رمضان
-وين عادت في الجهاز
راني كي الفار نلم في العش ومكترتش لانو كل شهر تخرج حاجة جديدة -وواش حالتها النفسية راني كي المهبولة تخلطت عليا الدعوة وااااااااااااااااااااش داني -وهل لاقية روحها مع الكوزينة ولاماكان ماكان نحمد ربي ونشكرو والفضل يرجع للميمتي ربي يطول في عمرها من كان عمري 9سنوات علمتني ندخل الكوزينة
ربي يهني كل وحدة
مشكورة اختي سندريلا على الفكرة
كيما راكي تحكي صح انا وحدة حابة نفرغ قلللللللللللبي
ههههههههه
–
ان شاء الله في شهر ماي 2024
–
انا كملت التصديرة بقاولي اللمسات الاخيرة
و تقريبا كملت الجهاز تبقى ديما تتفكري بعض الامور الصغيرة لي متعطلش مي نحبوا حنا نحيو كلشي من الطريق هههههه
و دركا بدا التخما نتاع التحضير للعرس
–
عموما نقول الحمد لله بصح من نهار قالولي على لا دات و انا النوم رحل عليا و الدموع يجيو يجروا غير نبدا نخمم فيهاا و التخمام لخاطر راني بديت نحسب في الايام و الشهر ولا يطيررررررررر
–
بالنسبة للكوزينة نقدر نقول الحمد لله و نتكل على روحي اي وحدة مراهيش متعودة على الكوزينة تكون حاكمتها الرهبة منها مي غير توالف البنت شويا خلاص و ربي يخليلي جداتي و يطول في عمرها هي علمتني
نطلب من ربي يهنينا و يهني كامل لبنات يا رب
كيما راكي تحكي صح انا وحدة حابة نفرغ قلللللللللللبي
ههههههههه–
وقتاش عرسها او قداش مازاللها ان شاء الله
ان شاء الله في شهر ماي 2024
–
ووين عادت في الجهاز
انا كملت التصديرة بقاولي اللمسات الاخيرة
و تقريبا كملت الجهاز تبقى ديما تتفكري بعض الامور الصغيرة لي متعطلش مي نحبوا حنا نحيو كلشي من الطريق هههههه
و دركا بدا التخما نتاع التحضير للعرس
–
وواش حالتها النفسية
عموما نقول الحمد لله بصح من نهار قالولي على لا دات و انا النوم رحل عليا و الدموع يجيو يجروا غير نبدا نخمم فيهاا
و التخمام لخاطر راني بديت نحسب في الايام و الشهر ولا يطيررررررررر–
وهل لاقية روحها مع الكوزينة ولاماكان ماكان
بالنسبة للكوزينة نقدر نقول الحمد لله و نتكل على روحي اي وحدة مراهيش متعودة على الكوزينة تكون حاكمتها الرهبة منها مي غير توالف البنت شويا خلاص و ربي يخليلي جداتي و يطول في عمرها هي علمتني
نطلب من ربي يهنينا و يهني كامل لبنات يا رب
ربي يهني كل وحدة فينا والله ماغلطو ناس زمان كي قالو عرس ليلة تدبيرو عام
ماشاء الله على عرايس حواء الجزائر
ربي يهنيكم ويكمللكم على خير
في انتظار انظمام البقية
متحرموناش من تواريخ زواجكم
باذن الله سنحتفل معكن هنا في المنتدى
ربي يهنيكم ويكمللكم على خير
في انتظار انظمام البقية
متحرموناش من تواريخ زواجكم
باذن الله سنحتفل معكن هنا في المنتدى
ان شاء الله مور رمضان نهار نفكسي لادات نعرض قاع حباباتي يا رب ادعولنا فقط بالهنا والسعد المليح
بالبراكة عليكم يا عرايس ربي يكملكم بالخير و الهنا ان شاء الله
وقتاش عرسها او قداش مازاللها ان شاء الله
مور رمضان ان شاء الله
-ووين عادت في الجهاز
هادا وين بديت نلم شويا
-وواش حالتها النفسية
الله اعلم بها تلفتلي قاااااع
-وهل لاقية روحها مع الكوزينة ولاماكان ماكان
شويا منكدبش هههههههههههههههه
