اتعلمي الرشتة مع layla11 2024.

البارح عرضت صديقتي باش نجزوز العشوة معا بعض
وبما انها العطلة حبيت نشدها للعشا باش الاولاد يفوتو وقت معا بعضاهوم ويلعبو راكو عارفين الغربة
تحوسو غير علا مناسبات باش نعلوم اولادنا يكونو اجتهاعيين
المهم قررت فالدقيقة الاخيرة اندير رشتة خاصة انها تزامنت معا راس العام الجديد
وجيتو في بالي قلت والله نصور ويالوكان بالزربة باش يستفيدو اخواتي لانو الكتير من العضوات
لاحضت انهن عروشات او مخطوبات
الخطوة الاولى هي العجين
سميد يكون رطب +ماء عادي من الحنفية +ملح و الماء نزيدو بالكمية يعني اجي حاكمة روحها
كاين الي يجروها ماتصدقش تتعجن
احكميها وحليها بلحلال مليح قبل ماديريها فالمشينة ادا دؤتيها خشينة رايحة تفسدهالك وتعراض
المشينة وماتحلكش رقيقة

[IMG][/IMG]

[IMG][/IMG]

قطعيها مستطيلات وديري مايزينة في شاش وغطيها مليح مليح بيها
اي فوتي الميزينة كيما اديري الفون دو تا
وحليها في اخر رقم للمشينة انا عندي 9 وزيدي ديريلها المايزينة خاصة المبتدات باش ماتلسقلكش
كي تخرجيها فالمشينة

[IMG][/IMG]

من بعد حطي درا نقي فوق طاولة وحلي العجين وحطي فوقو وماتلسقيهومش بعديهوم علا بعضاهوم

وادا ماعندكش ليتسع حطي برك سلكي راسك

[IMG][/IMG]

[IMG][/IMG]

خليها تنشف مليح لكن ماشي حتى تولي كرطونة لالا كي تمسيها تحسي بلي ماشي طرية لكنها لينة قليلا

[IMG][/IMG]

والي اول مرة اديرها تقطعها مستطيلات صغار باش اجيها ساهلة فالعمل

تم تخرجيها في جهة الرشتة الي هي الجهة الاخيرة فالمشينة الي سنانها ضيقين
اهنايا تشوفي ادا ماخليتيهاش تنشف كفاية رايحة اجيك خشينة ماتتقطعش مليح
وادا تشفتيها بزاف رايحة تتكسرلك

[IMG][/IMG]

اهنايا كي خرجتها ادا حسيتيها معجنة قليلا خليها تزيد تنشف قليلا وزيديلها النشا وخلطيها قليلا
وخليها باش ماتروحلكش باطل

[IMG][/IMG]

اهنايا درتها مباشرة فالكسكاس المهم انك ماديريش كمية كبيرة رايحة تتعجن وتروحلك باطل

[IMG][/IMG]

وهاهي واجدة وادا تخبلتلك اي حسيتيها دخلت في بعضاها حليها عير بلعقل سلكيها

[IMG][/IMG]

[IMG][/IMG]

[IMG][/IMG]

وادا حبيتي تخبيها ديريها فالكيس تاع الكونجلاسيو وكونجليها وكي تحبي اطيبي
اجبديها وزيديلها تفويرة فقط

[IMG][/IMG]

واهنايا طيبتها ترشيها بقليل من الماء ماشي بزاف باش تطرا فقط وخليها تشرب قليلا وديريها فالكسكاس
وخليها تفور من الاحسن تفوريها فوق المرق باش اجي بنينة

[IMG][/IMG]

[IMG][/IMG]

انا حطيت البصل حبة كبيرة+ملح +زيت +فلفل+قرفة وحميصة وقليتهوم مليح +الماء
كي يطيب نص اطياب +الكورجات واللفت ادا كاين

[IMG][/IMG]

وبالطبع ماتحلاش الا باواني التقليديية انتاعنا

[IMG][/IMG]

واسمحولي ماصورتش الطبق كامل لانها جات قبل مانوجدها
نتمنى نكون افدتكوم ولو قليلا