بوزلوف بالزيتون فالفور
المقادير
·للتغلية: نغليه فالماء و الملح و الفلفل، الرند، فصوص ثوم كاملة، حبة بصل بلا تقطاع
·المرقة: ثوم مرابي+ مغيرفة كبيرة زبدة+ معدنوس مقطع رقيق+ فلفل كحل و ملح+ شوية كمون+ مغيرفة كبيرة تومات كونسونتري+ زيتون اخضر بايت ليلة كاملة فالماء+ قارص .
الطريقة
-
كي يغلي الراس و الكرعين مليح و يطيبو نحيهم من المرقة و نخليهم يبردو شوية و نحيلهم العظام
-
نزيدلهم المعدنوس المقطع، الثوم، الملح، الفلفل،الكمون و الطوماطيش
-
نخلطهم مليح و نخليه يشرب ليزيبيس
-
نحطلو شوية ماء مغلي و ادا حبيتي زيدي الماء اللي غلى فيه في مكان الماء و الزيتون
-
قطعي عليه الزبدة من فوق و دخليه الفور حتى يتجمر
عصبان
المقادير
·كرشة + المصارن ولواحقهم + البصل وثوم وطوماطيش ومعجون طماطم وملح وفلفل اسودومعدنوس و قصبر و نعناع للي يحبو + روز و حميصة منفخة، شوية زيت او سمن.
الطريقة
1.نغلي المصارن ولواحقهم وننقطعهم رقييييق ونتبلهمبالبصل وثوم وطماطم ومعجون طماطم وملح وفلفل اسودومعدنوس و قصبر و نعناع للي يحبو
2.نزيدلهم الروز و الحميصة، شوية زيت و نخلطهم مليح
3.نخيط الكرشة بعد ما نقيناها و من الأحسن نغسلوها عدة مرات بالملح و الفرينة و القارص حتى تولي ناصعة البياض
4.نخيطها اجياب ونحشي بيها الخليط واللي تبقى من الكرشة نقطعه مع الخليط
5.نكمل نخيطها و نثقبها بواسطة الإبرة من كل الجهات ثم نضعها تغلي في ماء مملح حتى تطيب مليح
6.نحظر المرق بالبصل المفروم+ توابل + سمن و زيت + طماطم مصبرة و نقليها مليح
7.نمرق و نضيف الحميصة و العصبان
و نخليها تطيب مليح و تعقد
و نخليها تطيب مليح و تعقد
زينيها بالمعدنوس و قدميها
بكبوكة بالجلبانة و القرنون
المقادير
·كرشة و امعاء + قرنون+ جلبانة + ربطة قصبر + راس ثوم + 1 فلفلة حارة + زيت + عكري + فلفل أسود + ملح+ رشة كروية + رشة كمون+ ليمونة.
نقطع الكرشة و المصارن بعد ما نغسلهم و نقيهم و نحطلهم الزيت، الفلفل، الملح ، و نغمرها بالماء و نخليها تطيب
في نص الطياب نحطلها الجلبانة و القرنون و المعدنوس و نخليها تكمل طيابها حتى تعقد المرقة
نقدمها مزينة بالمعدنوس و القارص
كبدة مشرملة
نقطع الكبدة، نملحها و نقليها في زيت سخونة
نحط الزيت في طنيجرة صغيرة و نحط معاها الثوم مرابي ، الملح و الفلفل لكحل و الكمون و نقليها 10د
نمرقها بالماء و نديرلها العكري و نخليها كي تغلي نحط الكبدة و نخليها اطيب على نار قليلة بزاف و تعقد
نحطلها مغيرفة كبيرة خل و نزيد نخليها تغلي واحد 5د و مبعد نحيها
نحطلها المعدنوس و نقدمها
الله يبارك
أطباق يشهو
يعطيك الصحة
أطباق يشهو
يعطيك الصحة
السلام عليكم و رحمة الله تعالى و بركاته
بزاف فور ربي يخليك و ياريت الوصفات لهاد الاطباق حتى و ادا كان بعضها معروف لكن اود ان اتعرف على طريقتك من فضلك
ربي يحفظك
بزاف فور ربي يخليك و ياريت الوصفات لهاد الاطباق حتى و ادا كان بعضها معروف لكن اود ان اتعرف على طريقتك من فضلك
ربي يحفظك
يعطيك الصحة ام منذر
يعطيك الصحة غاليتي، هايلين، دبري راسك أعطيني الطريقة، راهم يبانو روعة و أكيد البنة حاجة فور…..
اممممممم شهيتيني يعطيك الصحة اعطيني طريقة بوزلوف بالزيتون بكبوكة واش نقلك على مطلوع تاعك جربتو روعة روعة يسلمو اديكي
شكرا على الردود الطيبة
راني حطيت الوصفات
نشالله يعجبوكم
مشكوووووورات
راني حطيت الوصفات
نشالله يعجبوكم
مشكوووووورات
شكرا كتير اختي ام مندر ربي يحفضك
الله يبارك عليك يا الشطورة ربي يحفظك
اختي ام مندر لو سمحتي اعطيني طريقة تاعك في البركوكس في اقرب وقت بالصور
