صبغة شعري أو بالأحرى ليماش راهي تروح راهي واصلة شوية تحت مشكلتي راني حامل في ثلاث أشهر منقدرش نصبغ شعري ومع صيف قرب وخرجات راني كارها من شعري إلي عند كاش واحدة من الأخوات صبغة طبيعية مجربتها من قبل تقولي عليها بالون أشقر كيما ألي راهي باقية فيها شوية مذابكم تفيدوني بيها مع علم إني قريت واحدة إلي بالبابونج بصح معرفتش واش هو الكاولين وكم عدد مرات نستعملو و لا قولولي إلا نقدر ندير الحنة. 
كأني غير مرغوبة
اختي نقولك المراة الحامل يستحسن ان تبتعد عن اي خلطة سواء كانت كيماوية او طبيعية لانه كاين حتى بعض الاعشاب الي تاثر على الحمل مكانش كما الجمال الطبيعي تقدري تكوني حسناء بلا ما تصبغي وربي يسلكك على خير ان شاء الله
اختي مرحبا بيك بيناتنا ربي يكون معاك ويسهلك في حملك
صراحة انا جامي جربت صبغت شعري ما عنديش فكرة
ابحثي في النت ان شاء الله تستفيدي ويساعدوك عضوات المنتدى
نخاف نقولك نحصل هههههههه و الله ديري زيت زيتون و البيض و شوية ديكاباج متكثريش لانك حامل و شوفي النتيجة بصح متحصليش فيا و متقلقسش روحك شهور و تفوت المهم صحتك
السلام عليكم بارك الله فيكم على النصائح ربي يجازيكم
السلام عليكم و رحمة الله تعالى و بركاته
ما عنديش فكرة
ربي يسرلك ولادتك
ما عنديش فكرة
ربي يسرلك ولادتك
نصيحة من عندي ماتديري والو اثناء الحمل يستحسن عدم استعمال اي شي وادا الصبغة اللي بقات في شعرك قلقاتك قصي شعرك باش ماتبانش هكدا كنت ندير انا كي كنت حامل
مالا نقولك والله العظيم غير صبغت شعري مارون قلاصي من لا مارك نتاع اندريا دوتي وانا بالحمل في شهري 9 وزيدت و عادي و ماصرا والو ماعندها حتى تاثير