https://www.dzhawaa.comhttps://
غير تدخلي فالسابع اعرفي بلي في اي دقيقة قادرة تولدي
املا وجدي كابتك و كابة البيبي وحطيها في جهة باينة باش اللي معاك يعرفوا بلاصتها اونكا او ………….
و لازم تكوني دايما نقية من المنطقة الحساسة
وجدي حوايج البيبي:
من الأحسن تشريلو غير قد ماتلبسيه فالسبيطار و الباقي حتى تخرجي بالسلامة
ليكولار (الألوان) من الأحسن يكون الأبيض و لا الباج هاد الزوج يمشيو مع الطفلة و الطفل (مهما تطور العلم فلا نعلم الغيب)
أولا شري كابة البيبي و ديري فيها:
تريكو دبو و واحد دومي مونش و واحد بلي مونش مع باربوتاز كاملة و بوني
ليكوش و ليلانجات
و تفريشة
و guant باش تمسحيلو وجهوا
سيسات الا حبيتي و بيبرون صغير اونكا و ماقدرتيش ترضعيه (سيزاريان الى قدر ربي) تديريلو فيها التيزانة تكون (سبيسيال بيبي مالفارماسي كيما ليراهي فالصورة)
تارموماتر و موش بيبي
دوكا كابتك
أول حاجة الوثائق تاعك (الكارني تاع البيبي، ليكوغرافي تاع الشهر التاسع، كارني دفامي و بطاقة زمرة الدم تاعك)
و انت لازم تكوني لابسة جبة باش تقدري تطلعي فوق الطابلة و تكوني موجدة:
جبة أو ميامي لتقدري ترضعي بيها، بينوار، خمار، لي كيلوت و ليبوند (ملأحسن ليبوند هادوك الكبار) Couche spéciale après accouchement
بانتوف
فيزو و تقاشر حتى ويلا كنت فالصيف باغسكو قادرة تحكمك الحمى الباردة ورا الولادة
حزام تاع الكرش باش ماتخرجش كرشك (Ceinture après accouchement )
ليدرا و غلاف مخدة و سربيتة
بوشات صغيرة فيها ديودوران، كحل، بروسة، بروسادون و دونتيفريس و مراية و صابون و طاسة صغيرة
و في كابتك ديري ساشي صغير
باش دخليها معاك لصال داكوشمون ديري فيها:
كوش وحدة تاع البيبي و 2 سرابت جوتابل (يمسحولو بيهم الدم كي يخرجوه و يرموهم)
و حوايجو اللي يلبسهوملو هما (برك)
و ماتنسايش فاش يلفوه
و انت ديري ليك 2 بوند كبار و كيلوت و فيزو و شال باش دريه تم تم
و اذا استطعت ان تأخذي حقن التخدير الموضعي يكون أحسن لك اثناء الخياطة
فالدار تكوني موجدة:
ساشي ديري فيها ليكيلوت تاوعك بزيادة ليسوتيان، ميامي و لا زوج، 2 غلافات تاع مخايد، 2 تاع ليدرا ، فيزو و خيمار
هادو اونكا و يلا قدر ربي و ولدتي سيزاريان (كلش ممكن مع الدقيقة التالية) يكونو على اليد باش يجبوهوملك باغسكو تبطاي فالسبيطار
نشالله نكون عاونتكم ماتنساونيش بدعوة خير ارجوكم
و ادا نسيت حاجة نتمنى من السيدات تضيفها و هاكدا نعاونو الأمهات الجدد
موضوع رائع
واكيد راح يكون مرجع لكل حامل
وان شاء الله يستفيد منه الجميع
بارك الله فيك
شكرا ام منذر اختي موضوع مفيد
انا في الشهر 6 وللان مازال ما وجدت والو ان شاء الله هد الاسبوع و قبل ال7 يكونو واجدين
و انشاء الله يرزقك ساعة ولادة سهلة و ميسرة ياذنه