يقول ابن القيم في الزاد "العين سهام تخرج من نفس الحاسد والعائن نحو المحسود والمعين تصيبه تارة وتخطيه تارة"
وحديث ابن عباس عن النبي صلى الله عليه وسلم قال"العين حق ولو كان شيء سابق القدر سبقت العين واذا استغسلتم فاغسلوا" رواه مسلم
وعن ابي سعيد الخذري قال كان رسول الله صلى الله عليه وسلم يتعوذ من اعين الجان واعين الانس فلما نزلت المعوذتان اخذ بهما وترك ما سوى ذلك.
كلنا يؤمن بالعين بل يخافها ويتعوذ بالله من شرها غالبا يعجب غيرنا بنعم لنا جمال مال اولاد صحة زواج علم تالق طول سعادة سكن وظيفة … وغيرها كثيير قد تبدو لنا غير ملفتة وغيرنا يحسدنا عليها..
موضوعي يتعلق بالعين واثرها
على نعم العبد ..
اسئلة كثيرة بهذا الصدد
1هل تخاف من العين والى اي درجة ؟
2 هل تخفي نعمك الضاهرة تفاديا لاثرالعين ؟
3هل تذكر موقف ايقنت فيه ان العين كانت سببه؟
4 ما هو هذا الموقف ؟
5ما ذا تعمل لتجنب الاصابة بالعين ؟
6هل تؤمن ب "داري على شمعتك تضيء"؟
7ماهواكثر شيء يجلب لك العين؟
الموضوع من كلماتي
وتاليفي وابداعي هههههههه
اتمنى منكن التفاعل.
2 هل تخفي نعمك الضاهرة تفاديا لاثرالعين ؟نعم
3هل تذكر موقف ايقنت فيه ان العين كانت سببه؟نعم عندما تاتي عندي احد الصديقات اصاب باي امر في ذلك اليوم مرة اتت عندي وصنعت لها طبق تحبه وارتديت ملابس جديدة اصبت بالحمى والاسهال في تلك الليلة
4 ما هو هذا الموقف ؟اجبت في السابق
5ما ذا تعمل لتجنب الاصابة بالعين ؟اقرا المعوذتين واية الكرسي خواتيم البقرة والدعاء
6هل تؤمن ب "داري على شمعتك تضيء"؟ عند الحساد نعم
7ماهواكثر شيء يجلب لك العين؟اقولها دون افتخار اعتنائي بنفسي وصناعة الحلويات والماكولات
بارك الله فيك موضوع جميل احسنت الانتقاء
1هل تخاف من العين والى اي درجة ؟
اختي العين حق وكاين منها
2 هل تخفي نعمك الضاهرة تفاديا لاثرالعين ؟
ماعنديش وش نخبي قدنا قد الحال
3هل تذكر موقف ايقنت فيه ان العين كانت سببه؟
نعم
4 ما هو هذا الموقف ؟
نهار حنتي كي جيت معند الحلاقة
ةدخلت لدارنا جاو لافاميي تاع راجلي دخلوا
لبيتي تما طحت وبقيت نبكيي احساس
صعيب.عينيا يرمشو وحدهم .وسخانة تخرج من فمي نار نار.جا ابي وبدا يرقي فيا.
القصة طويلة
5ما ذا تعمل لتجنب الاصابة بالعين ؟
ندير الرقية في البيت ونغسل بماء مقروء
6
مافهمتش السؤال اختي
7ماهواكثر شيء يجلب لك العين؟
ممكن انا وراجلي متفاهمين
وكي نلبس ونخرج للاعراس نمرض
بزاف نعشي راسي يطرطق
رايحة نكون صريحة معاكي اييييييييييييييه نخاف مالعين
من قبل كنت نامن بلي الي يصرالي هو قضاء الله وقدره لكن مع الايام ومن كتر ماشفتو مالناس مرة مور اختها وليت نامن بيها
ماي مرة ماشي زوج اخر موقف كي هبطت للبلاد هبطت حامل فالشهر السابع مع العلم انو عندي 2اولادي حملت بيهوم وزيدت هنايا في فرنسا ماشافونيش فالبلاد حامل من قبل
المهم بزاف من فاميلتي ولاو يسقسيو حابين نشوفوها كيفاش جاها الحمل
وكان عرس خويا درناه فالصالة وحضرت شوي متاخرة علابالكوم الحفافات امنوني غير دخلت مالباب كامل دارو ليا خلعوني تقوشي طحت عليهوم مالسما
كامل يخزرو فيا ومافقتش الروحي انا خطيت خطوة وجيت مقلوبة فالارض طحت طيحة شيييينة ماعرفتش واش ندير تخيلو حامل فالسابع وجيت راقدة على ضهر ي وامنونة وحدة ماناضت ووجعها قلبها وجات عاونتني ولا سقسات عليا عير خالتي معا انهوم فاميلتي مقربين انا نبكي فالارض والناس تتفرج
ولبت مانحبش نحكي علا حياتي واش درت واش شريت وكي نروح عند واحد نعرف بلي مايحبليش الخير نروح ساااااااااااااامبل قد المستطاع ونقرا القران والمعودات ونخاف الكترة علا ولادي تخرج فيهم تم تم مساكن يمرضو يوصلو للموت
وادا هدرت علا حاجة رايحة نديرها والله ماتصدقلي
المهم انا نتكل علا ربي نامن بيها لكن مانيش موسوسة مخليتها علا ربي سبحانو
2 هل تخفي نعمك الضاهرة تفاديا لاثرالعين ؟احيانا
3هل تذكر موقف ايقنت فيه ان العين كانت سببه؟نعم
4 ما هو هذا الموقف ؟صراحة مواقف كثيرة ولكن اذكر مرة اشترينا فرش جديد جاوا عندنا ناس من العائلة كي دخلوا بقاوا يطلعوا ويهبطوا في الفراش شوية واحنا جالسين معاهم الا وكنسمعوا الزجاج نتاع الفورنو دشدش 100 مورسو مع انه ماكانش شغال وحد ماقرب ليه من بعد كي مشيت نعمل ليهم الاتاي تحرقت في يدي
5ما ذا تعمل لتجنب الاصابة بالعين ؟اقرا الرقية الشرعية
6هل تؤمن ب "داري على شمعتك تضيء"؟ نعم ولكني ماكنعرفش نخبي هههههه
7ماهواكثر شيء يجلب لك العين؟الصراحة حتى اتفه الاشياء مرات حتى ملابسي القديمة كي نقاد ونلبس ونناسق الالوان يقولو لي بالصحة شريتيها جديدة علما انهم شافوها عندي عدة مرات
شكرا على الموضوع حبيبتي ربي يحفظنا ويحفظ امة محمد الحبيب من العين
1هل تخاف من العين والى اي درجة ؟
طبعا انا اخاف من العين لكن ليس بدرجة كبيرة فانا اؤمن بالقدر و المكتوب .
2 هل تخفي نعمك الضاهرة تفاديا لاثرالعين ؟
امي تمنعني من اظهار جمالي .
3هل تذكر موقف ايقنت فيه ان العين كانت سببه؟4 ما هو هذا الموقف ؟
نعم العام الماضي اشتريت ساجدة جديده و بقي الكل يمدحني بنظرات ثاقبة في الجامعة وبعدها في نفس اليوم دخلت اشتري شكولاطة و عند دخولي كان البائع ينظف بماء الجافيل فارجع الساجدة ببقع بيضاء حتى الحذاء و الخمار لم يسلم , و الفتاة التي كانت برفقتي و بجانبي كانت ترتدي كل سيء اسود لم تقع اية بقعة بملابسها …
5ما ذا تعمل لتجنب الاصابة بالعين ؟
لدي ملح مرقي فيه من قبل راقي امام و قراءة المعوذات بعد كل صلاة …
6هل تؤمن ب "داري على شمعتك تضيء"؟
اكيد فالعين حق …
7ماهواكثر شيء يجلب لك العين؟
تقول امي ان جمالي فتنة وحركاتي تجذب الناس ….
1هل تخاف من العين والى اي درجة ؟
لا مانخافش من العين
2 هل تخفي نعمك الضاهرة تفاديا لاثرالعين ؟
نقدر غير شوي نداريها بصح منقدرش ما نقولهاش
3هل تذكر موقف ايقنت فيه ان العين كانت سببه؟
4 ما هو هذا الموقف ؟ نعم يوم ما لبست روبة حمرا ورحت لعرس ومن وقتها وانا نحك في صدري حتى رجعت لداري وصدري كلو ملتهب مانفني لادوا سبيطا نفتني غير رقية باش ريحت
5ما ذا تعمل لتجنب الاصابة بالعين ؟
.لاشيء مرات نقرا اية الكرسي
6
هل تؤمن ب "داري على شمعتك تضيء"؟مرات فقط مشكلتي اني مانعرفش نخبي سعادتي او زيادة اي شيء عندي
7ماهواكثر شيء يجلب لك العين؟
لبسي لاني سمينة بصح عندي فورمة مليحة قولو ماشاء الله ههههه امزح معكن ههههه وطبخي بنين ههههههه
شكرا لك على موضوعك الهايل
لا اخاف منها أبدا
2 هل تخفي نعمك الظاهرة تفاديا لاثرالعين ؟
من عادتي أني اقضي حوائجي في الكتمان الإعلان ما يخرجش عليا ههههههههه
3هل تذكر موقف ايقنت فيه ان العين كانت سببه؟
مهما يحدث معي لا أرجع السبب للعين
4 ما هو هذا الموقف ؟
لاحظت كي نعلن حاجة حابة نديرها جامي تصدق لكن لا أرجعها للعين
5ما ذا تعمل لتجنب الاصابة بالعين ؟
أتوكل على الله
6هل تؤمن ب "داري على شمعتك تضيء"؟
نعم
7ماهواكثر شيء يجلب لك العين؟
الجمال و السيرة الحسنة و خفيفة في الخدمة
دمتم ودامت مشاركاتكن