ممكن مساعدتي اخواتي و طبيبات المنتدى 2024.

[size=6][/size]السلام عليكم اخواتي

اخواتي في الله عندي بزاف ما دخلتش المنتدى بسبب مرضي ان شاء الله نلقى منكن مساعدة

في اواخر شهر ديسمبر 2024 و2015 تجيني حكة في كل انحاء جسمي تبداني يالشوية من بعد تقوالي خاصة في الليل مصاحبة بحبوب مختلفة الحجم واللون كاين حبوب متلاصقة لونها يميل للبنفسجي واخرى كبيرة وصغيرة ومتفرقة ونبقى نحك بدون توقف والله نرجع نبكي ومانرقدش خلاص وكذلك نحس لحمي كامل يقرص وجلدي ساخن جدا وتستمر معايا هاد الحالة تقريبا شهرين ونصف من بعد تبدا تنقص بصح ما تروحش

زرت عدة اطباء جلد واحد ما نفعني ولا فهم حالتي والطبيبة الاخيرة اللي زرتها طلبت منيتحاليل وتبين انو عندي خمول في الغدة الدرقية ومن اعراضها خشونة الجلد اخواتي هل هذا هو السبب في حالتي راني نشرب في الدوا تاع الغدة بصح ما زالني نعاني من الحكة وهذا اثر على مزاجي وحياتي اليومية الله يخليكم اللي عندها وصفة مجربة لهاد الحالة تفيدني وندعيلها ليل ونهار راني خايفة تقوى علي والله نرجع ما نحملش روحي وحياتي جحيم
طولت عليكم بزاف سامحوني وهذا باش تفهموني سلام اخواتي

ينصح للوقاية من أمراض الغدة الدرقية بالحرص على تناول أنواع الملح التي تحتوي على اليود، وكذلك المواظبة على تناول الأسماك لاحتوائها على اليود الذي يقلل من الإصابة بأمراض الغدة الدرقية.
لي قريبة لها نفس مشكلتك لكن مع حكة قليلة وليست مزعجة كثيرا هي تعالج مشكلة الغدة ايضا لكن لم ينفع الامر ان شاء الله معك تكون نتائج افضل