راني نتعلم نخيط البساطات و شفت البساطات ديال الشرق الجزائري و عجبوني بزاف و بغيت نشوف من عندكم أنتن يا مبدعات لي تعرف تخيطهم كيفاش تخيطي بساط كبير
و نحن في مناطقنا نقولولهم اللحيفات و عندنا 02 غرز لي نعرفهم هوما المقروطة و السينية
أما طريقة الورد ديالكم عجبتني بزاف
قولولي شحال يدخللكم كتان و لواط و البونج المستعمل كيفاش داير
لا تبخلو علي بمساعدتكن
هذه روابطها
كاين عدة غرز المقروطة ’السينية، الوردة و هذيك نتاع المربعات الصغار مثل الشكولا
و الآن خرجت غرزة جديدة تسمى خلية النحل شكلها رائع جدا جدا
لكن نريد رؤية غرزة خلية النحل
اللواط إذا كان عرضه 3 م اشري 2.25 تكفي للوجهين أما إذا كان عرضه ضيق تحتاجي الضعف
القماش تحتاجي 2.25 م لكل وجه اي 4.5 م للوجهين و إذا حبيتي نتاع الشرق نتاع اللونين
راح تحتاجي 4.5 م بلون + 2.25 بلون آخر لعمل الرشم
هذا واش نعرف
أنا درك نصورلكم لحيفة ديال المقروطة لي تعلمت فيه وجاتني شابة و ساهلة في الخدمة