السلام عليكم و رحمة الله و بركاته
باغية نشاوركم في حاجة و نتمنى انكم تساعدوني و لو بكلمة
باغية نشاوركم في حاجة و نتمنى انكم تساعدوني و لو بكلمة
انا كيما علابالكم جبت طفل و ماتلي لحليب لي في صدري مش ناشف مع انو مارضعتش كامل شربت الدواء لي ينشف الحليب بصح صدري مازال فيه الحليب دبرو عليا ناس قالولي كون ماتفطميهش مش راح ينشف الحليب مافهمتش قالولي لازم نروح لقبرو و نطلب منو السماح باه نفطمو و ناس أخرين قالولي نعصر شوي حليب في حجرة و لا حاجة و نحطها فوق قبرو و نقولو هاو فطامك أولا أنا ماهنش عليا مسكين مارضعتو مانفطمو و ثاني خفت لاعادت حرام و لا حاجة نتمنى تنصحوني و لي فات عليها هاد اتفيدني بتجربتها
والله منعرف نتمن يفيدوكككككك
استغفر لله واتوب اليه ياختي ماهذه الخرفات التي تقولينها الولد مات ربي يرحموا ويخلف عليك خيرا منه
وهم يقولون لك هذا ولله انه للجهل بعينه والكفر والشرك ولعياذ بالله ياختي هذا لقالك راه جاهل ربي يهديك ويهديه وروحي لطبيبة تعطيك حبوب ينشف لحليب لراه في ثديك هذا ان كان فيك حليب وراه يوجع فيك اما اذا مكاش وجع خليه حتى ينشف وحدوا واكيد فيه اخوات مجربين يفيدوك باشيئ ليس فيه حرام وتركي عنك تلك الخرفات
للهم اغفر لنا وتب علينا
وهم يقولون لك هذا ولله انه للجهل بعينه والكفر والشرك ولعياذ بالله ياختي هذا لقالك راه جاهل ربي يهديك ويهديه وروحي لطبيبة تعطيك حبوب ينشف لحليب لراه في ثديك هذا ان كان فيك حليب وراه يوجع فيك اما اذا مكاش وجع خليه حتى ينشف وحدوا واكيد فيه اخوات مجربين يفيدوك باشيئ ليس فيه حرام وتركي عنك تلك الخرفات
للهم اغفر لنا وتب علينا
اختي الكلام هذا لاصحة له ماكان حتى تفسير علمي او شرعي يثبت صحته
لكن يقولوا المعدنوس يقطع والله اعلم نزيد نسقسيلك
لكن يقولوا المعدنوس يقطع والله اعلم نزيد نسقسيلك
اولا العوض بسلامتك ربي يخلف عليك . ثانيا روحي عند الطبيبة و هي تشوف وش ديرلك و ماتسمعيش للخرافات تاع الناس. لكن لازم تحبسيه . راني شافية لما ولدت ماما و ماتت الطفلة بعد شهر ( اختي) تحجرلها الحليب في ثديها مما استدعي تدخل جراحي بسيط جدا. لا اقصد تخويفك حبيبتي لكن عليك الاسراع للطبيبة او اسالي دوات الخبرة بعيدا عن الخرافات . ربي معاك.
شوفي اختاه مديريش على الاقاويل كل وحدة تعطيك نصيحة وهم جاهلين
اذا مازال عندك لحليب روحي لطبيبة هي تساعدك واتركي عليك الناس الجاهلة وربي ينور لهم الطريق سبحان الله مازالت الناس جاهلة لحد الان
استغفر الله العالي العظيم
السلام اختي انا ثاني ماتولي ولادي ومارضعتهمش وبقى الحليب في صدري بمجرد اللمس يسيل ويما قاتلي ماتشربيش دوا العرب قادر يروح ومايزيدش يدير المهم انا اعطاوني دوا في المستشفى يسموه بارلودال مي ماحملتوش قريب مت منو يدير الدوخة و الفشلة حبستو قعدت قريب عام وانا هكاك حتى رحت لطبيبة اخرى اعطاتني دوا مليح يدير حوالي 4000 دج دوستيناكس وماعندوش اثار جانبية تشربي حبة في الاسبوع فقط و ذركا راحلي الحليب ونتمنى ربي يعوضني ويعوضك في القريب العاجل
شوفي اختي الحليب الاول يقولولو اللبَّ و صعيب باه يروح و يضر كون يبقى في صدرك لازم طبيب يعطيك دواء يوالمك حتى ينشف