ما تعليقك؟ التجسس عن طريق الاطفال. 2024.

السلام عليكم ورحمة الله تعالى وبركاته
من العنوان تقدري تفهمي ما اقصده فالبعض هداهم الله يستمتعون باغراق الطفل باسئلة مجرد ما يلقاوه بهدف التجسس وكشف امور لا يستطيعون معرفتها
واش راهي دير ماماك ؟
شكون جا عندكم ؟
واش تغديتو؟
ماماك تضربك؟

واش يقول باباك لماماك؟
وين خرجتو البارح؟
وبزاف اسئلة ليست عفوية بل الهدف منها التجسس رغم ان ديننا الحنيف حذرنا من هذا الخلق الذميم
يقول تعالى
(يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَاتَجَسَّسُوا وَلَا يَغْتَب بَّعْضُكُم بَعْضاً أَيُحِبُّأَحَدُكُمْ أَن يَأْكُــلَ لَحْمَ أَخِيــهِ مَيْتــاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَــوَّابٌ رَّحِيـمٌ )
سورة الحجرات 12
بعدما عرفنا المشكل خلينا نبحث عن اساليب لتفاذي المشكلة بعلاجها من الجانبين سواء الطفل او الراشد الذي يتجسس.
موضوع خاص لثقتي بربي

ان شاء الله حبيبتي
و الله اعاني من المشكل خاصة مع ابنتي
عندها 5 سنوات و تخاف من عمتها
تقولها قوليلي و لا ما نديكش معايا
تولي بنتي تحكي الكاينة
ربي يهديهم

ياحبيبتي بنتك صغيرة وماتفهمش لعيب في لكبار لمهم كتكبر شوي وتولي تفهم درسيها مليح وخليها تعطيهم دق ههههههههههه

شكرا حبيبتي على الاهتمام
والله غير عندك الحق

ايضا اعاني من المشكلة بنتاي الكبيرة 6سنوات والتالية 5 سنوات دايرينهم رادار علي وعلى كل تحركاتي وسكناتي
شخصيا اعتبر المخطئ هو البالغ لانه يعلم ان اسئلته لا تجوز وهي تجسس وبالرغم راه يديرها
اما الطفل الصغير ولانه يحس باهتمام من الاكبر منه لما يسالو فراح يحكي ومرات يالف من عندو
كثيرا ما تجيني الفرصة يكون طفل عندي ويبدا يحكي مرات لا اهتم فقط لاني لا اريد ان اطلع على اسرار غيري

الله يلطف كاينة منها

علمي اولادك كلمة ما نيش عا رف وتلقائيا الشخص الذي يسئل يمل من السؤال