المقادير
500غ مارغرين
6بيضات
5م ك عسل
4 علب قاطو (مرحي)اي نوع
4م ك كاكاو (انا مدرتش حبيتو يخرجلي باج)
4 خميرة+افاني
الفرينة
الكريمة=رايحين نلصقو بيها الحبات
3 كيسان حليب فايض وبارد
4 م ك مايزينة
قرصة ملح+ملون اصفر
2 م ك مارغرين +2 كيسان سكر ناعم +افاني +شوية عصير الليمون لتعطير ولذوق الحامض
التحضير
نمحم المارغرين ثم البيض ثم العسل ….القاط المرحي وووكل المكونات نخلطها ونلمها بالفرينة
تتحصلي على عجينة طرية ابسيطيها وحليها حسب الشكل الي بغيتيه انا درت شكل القلب وهكذا طيبي العجينة وبعدما تكملي خليها تبرد
من جهة راه نوجد الكريمة =ناخذ كسرونة وندير فيها الحليب والمايزينة والملح والملون والافاني ونخلط ثم توضع الكسرونة فوق نار هادئة وتحرك دون توقف حتى تخثار ماشي جارية وماشي عاقدة بزاف نحيها من النار وخليها تبرد شوية ومن بعد نضيفولها المارغرين والسكر الناعم والافاني والعصير وتخلط بالبرا اوالباتور حتى تولي رطبة
وخليها تبرد وكي تشوفيها بردت لصقي حبات القاطو نتاع (انا لصقتها في الليل وغدوة الصباح )درتلها الشكولاطة باش متنصلش على بعضاها ولكي الحرية في التزيين
نتمنى تجربوها .الي رايحة في العطلة لاهلها ولا جاينها ضياف والله تخرجلك روعة وطرية وبنة عظيمة لاتنسوني بالدعاء حبيباتي سيدات المنتدى
للعلم انا ثاني اول مرة جربتها رايحة نديها معايا لدارنا كي نروح عجبتني وحبيت انتم ثاني تجربوها
القاطو نرحيه مليح كما الفرينة ؟
والقاطو حبيبتي ارحيه في الميكسار مليح يولي بودوة كيما قلتي كي الفرينة
