قاطو السليلات للاعراس و المناسبات 2024.

اليوم جبتلكم قاطو جديد و بريزونتابل يصلح للاعراس بصح يحكم اليد

بسم الله نبداو
العجينة
3كيلات فرينة
1/2 كيلة سمن دايب و بارد
قرصة ملح
1 م ص فاني
العقدة
3 كيلات لوز ماش مقلي و مرحي متوسط
1 كيلة جوز مرحي
1/2 كيلة سكر عادي
1 م ص فاني
و نلمو بماء الزهر
بياض بيض للدهن
عسل
كيفية التحضير
نديرو مقادير العجينة في الروبو و نكبو ماء الزهر بالشويه حتي نحصل على عجينة متماسكة و متجانسة
نخليوها تريح 1 ساعة و نقسموها الى 3 اقسام
اقسم 1 .نحلوها في رقم 5 و نقص دويرات كبار و نبسطهم في سينيات مدهونين بالسمن
و نعمروهم بالحشو و ندهن ببياض البيض
القسم 2 .نحل العجينة في رقم 7
و نقطع دوائر صغار و نركبوهم باستعمال الكيردو
و القسم 3 .عجينة الوردة نحلوها في الرقم الاخير الرقيق خلاص و نقصوهم وردات
و الباقي موضح في الصور

نخليوهم يباتو ليلة كاااااااااملة و من بعد طيبيهم غير من تحت و عسليهم و هاو ليك الشكل النهائي

الله يبارك هايلين
مشكورة على الوصفة

ماشاء الله مشكورة حبيبتي

ووواووووووووووو يهبلو شكلهم

الله يبارك ويعاونك

الله يبارك ما شاء الله
يعطيك الصحة

فناااااااااااااااااااااااااااااااااانة بمعنى الكلمة وماشاء الله خارجين يهبله يهبله ربي يبارك يثبت موضوعك لحتى يفيد البنات شكرا اختي

شكرا اختي
هليل صح بصح خدمتو تهبلك

يا فرحتي يا فرحتي اول مشاركة ليا نكتبو في قسم الحلويات و الموضوع يثبت ممممممممممممممم
درتولي الكوراج نشمر على يديا و نحط جميع وصفاتي
شكرا

شكرا اختي طلعتيلي المورال

الله يبارك فيك فرحتينا بهذا الوصفة شكراااااااااااااااااااااا