السلام عليكم اخوات رايحة نهبل كل مانجرب البغرير ماينتقبليش في الوسط قولولي وش الحل وكي تطيبوه النار كيفاش لازم تكون وشحال يخمر تع الفرينة ساعدوني وشحال لازم الما وكم مدة الخلط بالباتور و كي تحطوه في المقلة هل لازم تسقموه بالغراف او لا
مي ماعليهش نعاودلك هنا الوصفة
شوفي
زوج كيسان سميد
مع كاس فرينة
مغرفة صغيرة خميرة قاطو
مغرفة صغيرة خميرة خبز
مغرفة صغيرة سكر
الملح تاني مغرفة صغيرة
حبة بيض
وزوج كيسان ونص ماء دافئ تخلطيهم وحد الخمس دقايق فالخلاط
ومن بعد انا نحطهم قدام الفورنو مدة 5 دقايق
ومن بعد نحط المقلاة ع نار هادئة وندهنها بالزيت
وتطيبي مي كي تصبي الخليط متمسيهش فالنص اعدليه بلالوش غير من الحواشي برك
واصبري عليه حتى يطيب مليح
نورمالمو هكدا برك
انا درتو شحال من مرة ويجي خفيف مثقب فوووور
جربي ورديلي الخبر
هدا هو الي درتو بالوصفة الي كتبتلك
شوفي هدا الرابط
تبعي المقادير راح يخرجلك كيما الصورة
وعلى المقلاة انا مانديرش الصابون.
ديري سربيتة مشمخة حداك كل ما طيبي وحدة فوتي عالمقلاة بيها كي تنشف
اسكبي الخليط.