كان يا مكان وحد النهار ملقيتش واش ندير و نفحتلي فالحلوى
المهم عندي زوج حبات بيض
تفكرت صبيعات لعروس
المهم شوفي واش ديري ::
2 حبات بيض
2 فناجين سكر
فاني
تخلطيهم مليييح حتى يصير اللون أبيض
تضيفي فنجان زيت + 2 فناجين حليب سائل
وتخلطي
بعدها ضيفي 1 خميرة كيمياوية أنا استعملت نوارة و رشة ملح و الفرينة نجمع بيها العجينة
غطيها ودخليها للثلاجة شوي
و بعدها شكلي صبيعات رقاق كيما هاك
خليهم شوي يرتاحوا وحظري مقلاة تكون عميقة و حطي زيت على نار هاااااااااااااادئة ركزي هنا
وخليهم يتقلاو على براحتهم
رايحين يتنفخوا
وبعد ما يتقلاو حطيهم على ورق باش ينشفوا شوي واغطسيهم فالعسل و الجلجلان أو
رشيهم بالسكر رطب
كما هاك
و هنا عن قرب
و المفاجأة شحال حبة تقطعلك ؟؟؟؟
80 حبة أو أكثر جاتني 3 صحون
و الطعم روووووووعة مقرمشة من برا و من داخل تقولي كيكة إسفنجية خفيييفة
جربوها وادعولي
يعطيك الصحة ياشاطرة
العفووووووووووو خيتي إن شاء الله تعجبك