شاركينا باحلى حلوى من عندك 2024.

السلام عليكم اخواتي
ليعندها شي حلوى او قاطو تتعتز بها وتتقنها تشارك معانا بها باش تعم الفائدة
والكل يستفيد تنزل المقادير والطريقة ولو تكرمت علينا بالصورة نكونو ممتنين لها
اتمنى من الاخوات التفاعل مع الموضوع وشكرا لكم

ليعجباتها الفكرة تخلي كلمة

فكرة جميلة ام رايان بادن الله لي عودة والمشاركة

رح اكون اول وحدة تحط حلوتها انا حدمت حلوة الداي ولمن م طغستها في الطلية
المقادير.
250 غ زبدة
1بيض صفار بيضة
نصف كاس مايزينة
50 غ كاكاو
نصف باكي خميرة الحلوة
فاني
كاس سكر قلاصي
الطريقة:
نجيب الزبدة ونحطها في الصحن نحك ها مليح ومبعد نزيد السكر قلاصي ونحك ومبعد المايزينة ومبعد الفاني والبيض واكاكاو ومبعد الخميرة ونلمد بالفرينة حتى نتحصل على عجينة ملساء نحلها بلحلال ونقطعها بموال مربع
وندخلهم للفرن
ومبعد كي نخرجهم من الفرن نلصقها مع بعض بلمربى ونغطسهم فسي الشكولا الذائبة في حمام مائي
وتقدم
وها هي الصور

جااااااااااري تحميل الصور

هاي الصور جااااااااااااات

الله يعطيك الصحة اختي غزاااالة تبارك الله عليك

الحلوة ليتتعجبني بزاف ودائما عندي في الدار
حلوة ريش بوند
المقادير
3البيضات
صاشي فاني
1خمارة 7ج
كاس زيت
كاس ونصف سكر
ياغورت بنكهة الفاني
قبصة ملح
فرينة حسب الخليط تكون لينة
للزينة
مربى مشمش او برتقال سائل مسحن مع ربع كاس صغير ماء الزهر
الكوك
الطريقة
نخدمو المواد كاملة وتكور وتطهى غير تاخد لون دهبي فقط متحمرش كثير ولما تخرج
تفند في المربى ثم في الكوك وتقدم بالصحة والراحة

فكرة رائعة حبيبتي بارك الله فيك يعطيك الصحة
يقيم و يثبت لمدة 10 أيام، أتمنى تفاعل الأخوات بحلواتهن

شكرا لك احبيبة نور الهدى الله يثبت صالح اعمالك
انت اروع
يرت احبيبت لو تعدلي لي العنوان راه مع الزربة وكتبتو خطا
العنوان الصحيح شاركينا باحلى حلوى من عندك