زوجي راح يهبلني 2024.

السلام عليكم
حبيت نطرح عليكم مشكلتي مع زوجي و ماذا بيا تعطوني الحل المناسب svp
زوجي خدام و الحمد لله و كل ما يخلص لا باي تاعو ما نجيبش خبر حتى نلقاها بح….كيفاش؟؟؟
والله ما يبان منها والوا غير الماكلة والا حوايج تقدرو تقولو تافهة.
راني حابة تعطوني طريقة باش يولي يقتصد و في نفس الوقت نعيشوا لاباس.
ما نطولش عليكم.
اللي تساعدني ولو بفكرة رايحة ندعيلها

اختي حاولي تطلبي منو انك انت تشدي المصروف تع الماكلة لان المراة هي تعرف واش يخصها وواش تطيب …الخ و هاكا انت حاولي بدورك توفري من مصروف الماكلة
وايلا ما حبش اطلبي منو يكون عندك مصروفك الخاص و هاذا حقك و ايلا ما حبش قوليلو لازم كل شهر يحط مبلغ في درج مثلا و واحد ما يمسو و يكون على حساب الشهرية و اقل شيئ 1000 دج و قوليلو الا قدر الله واحد مرض او مصروف مفاجئ كيفاش اديرو اوحتى انت كي يكون في الخدمة لا قدر الله كاش ما صرى تجري للدرج يعني خوفيه من المستقبل و الانسان لازم يتحصنلو
ان شاء الله لبنات يفيدوك اكثر

ربي يعينك يااختي لعزيزة
اولا لازم تتاكدي بلي زوجك يصرف كل دراهم عالدار والاولاد
ومن بعد اعملي ميزانية لمصروفكم
يعني لازم تعرفي شحال لازم تصرفي فالشهر وشحال لازم تخبي
وزلتخبيهم حاولي متجبديهمش خلاص
وزيد كتخرجي متهزيش معاك دراهم بزاف
على خاطر حنى النساء قادرين
نصرفو مليون في خرجة
وتلقاي روحك مشريتي والو مهم
على هذا هزي معاك قيس ماتحتاجي
وربي يقدرك ويعينك

حبيبتي هذا النوع من الرجال نعرفو مليح وسقسي لمجرب ..ديري في بالك غير المصروف اللي ما يعطيهولكش اما السقايط فهي عادة ما تقدريش تنحيها لانو كنت نعاني نفس المشكلة يعرف يشري غير القاطو والديسير واليايورت ..وحنين بزاف على الناس غير اللي ما قالوش اعطيني اما انا فلا هو اللي يصرف الشيء الوحيد الجميل انو كان يعطيني نشري صوالحي وحدي
المهم
الصح الصح ما لقيتش معاه حتى حل غير اني نخدم ونصرف بطريقتي وهو يصرف بطريقتو ما بدل والو
انا علي الاساسيات نتاع الاكل والنظافة وهو عليه اللبسة والسقايط وكيما حب اانا ما حبيتش نكسر راسي معاه ..والشيء اللي متاكدة منو انو صواردو ما كانوش يروحو في حاجة ما ترضيش ربي
وهذا هو المهم

شكرا على الرد و النصيحة لكن حبيت نقولك باللي احنا ساكنين مع اهل تاعو و ساعة ساعة يمد للاب تاعو مبلغ من المال باش يعاونو في المصروف
و المشكل الدراهم مخبيهم عندي بصح مانعرفش كيفاش يصرفهم انا خممت نحي منهم بلا ما على بالو بصح خفت من ربي يحسبهالي سرقة . وهو ما يخافش من المستقبل لانو يقول الرزق على ربي

شكرا حبيبتي ام سيرين
اولا راجلي يصرف غير على الدار و وليدنا
بصح ما يعرفش يصرف هذا هو و انا ما نخرجش وحدي معاه والا ماكانش الخرجة (سيستام تاع دار باباه) بزيادة انا مصروفي قليل

تقريبا راني كيما انت الفرق ان الدراهم يحطهم عندي و كيما قلتي المهم ما همش يروحو في حاجة اللي تغضب رب العالمين

اختي كابريسة الرزق على ربي صح لكن الانسان لازم يخبي ما علابالناش واش مخبيلنا المستقبل خاصة المتزوج و المسؤول على زوجة و اطفال كيفاش ياكل كامل الدراهم و ما يخبيش ؟ لازم تخلعيه هاذي دنية كيما يقولو القرش الابيض لليوم الاسود و حتى لنفسكم في الصيف باش تخرجو وليدكم و تحوسو او تشريو ملابس يعني لازم يبانو ماشي غير ماكلة انا كنت اكثر منك دورو ما يمدو حتى نهار اطرطقت عليه فعلا كرهت قلتلو مصروف الماكلة عليا و انا نقضي و ندبر راسي و ما نقولكش ما كفاونيش و الحمد لله هو راهو مستعجب ناكلومليح و شريت ذهب و كل ما تعجبني حاجة او تخصني حاجة نحشر بشوية مرة جبت روبو للكوزينة و كي نروح ضيفة يمدلي غير شوية مشحاح انا نزيد من عندي ومرة ريحة ومرة ماكياج و لوكان هو حاجة ما نشوفها …و هكذا صح ناخذ وقت باش نلم لكن في الاخير انلم و يبانو

يعطيك الصحة اختي هويدا و ربي يكملك بعقلك و تصريفك الحكيم

أ[size="5"]نا تاني عندي نفس اللمشكل و المصيبة الأكبر أنو هادو ليام جاه رابال 10 ملاين و أقسملك بالله وصدقيني في 15 يوم جيت نشوف وين دار الدراهم باش يدسهم فالبانكا قالي كملو و الله غير تقرمدت من راسي ما فهمت والو حتى وصلت حلفته على المصحف نقولك المشكل وين راه ؟ هاد الرجالة ما يخموش للبعيد يقولو ربي يفتح علينا كي نحتاجو و خصوصا إدا كانو عايشين في دار والديهم و احنا النسا نحبو نديرو الدار وحدنا و نعيشو لا باس علينا امالا نقولك واش درت من هاداك اليوم : تكلمت معاه غير بالسياسة و قتلوا لازم نبنو دار شابة ونديرو شمبرا للدراري و نشرو طموبيل شابة و من بعدها نروحو نضربوها بعمرة و لا حجة و الصلاة على النبي بصح باش نديرو ها لازم نقتاصدو قد اللازم و كنت شارية حصالة قتلو كل شهر أنا نحط 2024 دج و انتا تحط 2024 دج و هادي دراهمها مانتوشهمش أبدا إلا للضرورة و فتحت حساب بريدي و قلتلو شهريني كلها تاع السكنة (مع العلم أني خدامة) و السيارة جبناها فاسيليتي و هو يخلص دراهمها بسيف عليه و عوض باش يمد لوالديه الدراهم يشريلهم الحوايج لي خاصينهم كل شهر و هاكا الحمد لله بالشوية بدا يساعف فيا وبدا يوالف ما يضيعش الدراهم وننصحك بالحصالة حتى الصرف لي يبقالك وديريه فيها و كل ما يخلص قوليلو راني درت فيها با يقتنع و يوالف حتى هو يدير الدراهم فيها لازم تكون الحصالة من هادوك تاع الحديد لي ما يتحلوش ههههه