واش حوالكم حبيباتي واش راكم مع شغل الدار
انا ان شاء الله راح ندير في هذا العيد المخبز و لكن لاول مرة و نتمنى تعاونوني و تعطوني وصفة ساهلة و مضمونة
و غادي نديره بالكاوكاو وقرية في مواضيع العضوات انه لازم ندير عطر اللوز الحلو و انا عندي عطر اللوز المر هل هذا يؤثر على الوصفة ؟
بلييييييييز ما تبخلوش عليا بالنصيحة رادي نديره اليوم
و لكم مني احلى تحية
اسمحيلي انا منعرفش الوصفة..
بصح الاخووات يفيدوك ويفيدونا ايضا…
صح فطورك
دك نمدلك الوصفة اصبري عليا و مضمونة و تنجحلك ان شاء الله
ـ 1كلغ كاوكاو.
ـ فنجان كبير فرينة.
ـ شوي ماء الزهر.
ـ قشور ليمونة او برتقالة.
ـ 1 كيس خميرة حلويات.
ـ فانيلا.
ـ كاس سكر.
ـ من 4 الى 5 بيضات.
للقلاصاج:
ـ 3 بياض البيض.
ـ عصير ليمونة كبيرة (صفيه ).
ـ ملعقة كبيرة الى 3 ماء الزهر (اذا حابة تضيفي ملون غذائي حليه في ماء الزهر)
ـ نصف فنجان ماء بارد.
ـ ملعقة زيت.
ـ سكر ناعم و لازم تختاري نوعية مليحة ميكونش فيها نسبة كبيرة تاع نشا و احسن نوعية (نونورس او المرجان).
ملاحظة: باش يجي مليح و ناجح لا تخفقي البيض بل حركيه بالفرشاة حتى يمتزج فقط و لا تستخدمي الخلاط أبدا غربلي السكر جيدا حتى لوكان كان يبدو جيد حلي المولون في الماء او ماء الزهر.
طريقة التحضير:
لتحميص الكاوكاو حطيه في بلا تاع الفرن و بمجرد ما يسخن ضيفي فوقه عطر اللوز الحلو و خليه 5 دقائق (ملازمش يحمار) برديه و ارحيه اخلطي جميع المكونات السابقة و من بعد اجمعيها بالبيض حتى يصبح عجينة من بعد حطيه في الثلاجة ليلة كاملة يرتاح و اخر خطوة شكليه كيما تحبي و دخليه الفرن 10 دقائق و ماتخليهش يحمار ينشف فقط و في الوقت اللي تخليه يبرد اخدمي القلاصاج اخلطي البياض بالشوكة دون الخفق ثم أضيفي الماء و العصير و ماء الزهر ثم اضيفي السكر تدريجيا و لكن بكميات كبيرة يعني الكيلو حطيه على 3 مرات خلطيه بالملعقة دون خفق حتى يمتزج اضيفي الزيت بالاخير و حركي قليلا لاعطاء لمعة و كي يبرد القاطو تاعك غلفيه بالقلاصاج و خليه يوم الى يومين حتى يجف.
و الوصفة رائعة
راح نجرب الوصفة ان شاء الله و نرجعلك الخبر
لكن مادا عن استفساري هل عطر اللوز المر يضر بالوصفة ؟
اختي نور الهدى بارك الله فيك و جعلك من اهل الجنة ان شاء الله
اختي صراحة انا ما عنديش فكرة انا درتو بعطر اللوز الحلو و نظن انو يأثر على الطعم و الله أعلم
آمين و إياك