أنا نحكم خيط بطول 02 متر و نحكم مخدة و نحزمو عليها و نركب عليها الخيطان لي هوما 30 خيط بطول 03 متر
نخدم 05 أسطر نوبلا و بعدها السطر لي بعدو نخدم نوبلا دوبلي يعني 03 نوبلا في العرض واحدة فوق الأخرى حتى نكمل السطر هذي باش ندخل فيها شريط الساتان للتزيين
و بعدها نخدم الفيستون نحكم الخيط من الجهة اليمنى حتى نكمل و نحكم الخيط من الجهة اليسرى ونخدم الفيستون للجهة اليمنى حتى نكمل العملية
وبعدها نوبلا 03 على الطول وبعدها نخدم المقروطة مغلقة كما هو موضح في الصورة و كي نكمل المقروط نعاودو نديرو نوبلا متتابعة 02 نوبلات عرض أيضا وتكون خمس أسطر و بعدها نخدم الفيستون و نخدم الجهة المقابلة لها بنفس الشكل أو لتسهيل العمل يمكنك عمل نوبلا عادية حتى للأخير و نديرو الفيستون و نعقد الخيوط الباقية من الاسفل جيدا و نخيط الصاط بلخيط لي عقدناه في الوسادة من الجوانب
وهذا يكون بعد ما نكونو غلفناه من الداخل وخيطنا جهة من اللابراغيت أو السنسلة
ونخدمو اليد و نلسقوها أيضا
الجهة الخلفية
نلاقي بين الجهتين بغرزة الفيستون
على ما أظن أنه واضح و يمكنك عدم عمل الفراشات و يمكنك تغييرها بمقروطات كما هو موضح في هذه الصورة أنت و ذوقك
الاخوات يطبقوها عمل رائع ومسلي
و شكر خاص لك اختي شوق الروح و أشكرك على تعبك و مجهوداتك ايضا التي تبذلينها
والله هذ الحرفة متعة خاصة كي تخدمي شي حاجة وتكمليها تفرحي بزاف
يعطيك الصحة حبيبتي ديما موفقة إن شاء الله
واصلي على هذا المنوال