حماتي 2024.

السلام عليكم و رحمة الله تعالى و بركاته
اختي راني قريت قصتك كامل و على حساب واش فهمت حماتك مريضة و يلزملها رعاية خاصة
اختي ديري روحك في بلاصتها لوكان انت لا قدر الله تكوني في حالتها تحبي وليدك كي يتزوج يروح و يخليك و ما تقوليليش عندها بناتها لانو انت ما تتعانديش معاهم و ادا سمحو فيها بناتها من حق راجلك ما يسمحش فيها لانو يماه و انت كي جا خطبك الراجل هدا كنتي علابالك بمرض يماه على ما أظن يعني من الأول كنتي ما تقبليش به
شوفي انا علابالي بلي حاجة صعيبة و تأثر سلبيا على حياتك و بزاف تحرمي روحك من امور لكن حتى واحد فينا مراهش عايش كيما يحب هو كامل عندنا نقائص
اختي الزواج ماشي كيما تشوفي فالمسلسلات الزواج مسؤولية و انت من نهار اللي جا خطبك فيه كنتي عارفة انو رايحة تعيشي معاهم كامل يعني تكوني مسؤولة على دار كبيرة ماشي غير على راجلك
انا من وجهتي نظري راجلك عندو الحق كي قالك غير يما اللي ما نسمحش فيها
نعرف وحدة كانت عايشة مع عجوزتها و عجوزتها قبيحة بزاف و تحب المشاكل و تخيلي معاها في دار 7 ولاد (خاوت راجلها) و وحدة اختو هي تاني عيات و كرهت قالتلو لراجلها نعيش وحدي قالها انا علابالي بلي يما قبيحة و كامل نعرفو الشي هدا قالها مي هدي تبقى يما مع العلم انو ماكانتش من المريضة و قادرة تقوم بروحها وحدها
يعني ما تستنايش من راجلك يسمح في يماه علاجالك حتى لو عندك منو ولاد و هدا هو المطلوب يعني لازم يدير هك

حبيبتي
اذا زوجك سمح في يماه على جالك خافي منو يوم آخر يسمح فيك ببساطة مثل ما سمح في أعز انسان عله
كامل الناس عندهم حاجة تنغصلهم حياتهم و هذي حكمة ربي سبحانو
و انت اعملي هذا الشيء لنفسك بحيث مثل ما تعاملي حماتك رايحة تلقي خيرا أو شرا….
صدقيني و الله ما راح ادوم الحالة هذي أبدااااااااااااااااا على قد ما تتصوري مش راح تبقى الظروف هذي
اذا انت أخدمي عجوزك مش على جال زوجك بل على جال نفسك ؟ ايه باش تلقاي انت السعادة النفسية
بينك و بين نفسك و في عائلتك زوجك و أولادك….