جديدة بينكن تهديكن كرواسون بنين وخمس انواع من السوفلي 2024.

* 500 غ فرينة
* 200 غ حليب دافئ ( حوالي كاس و ربع إذا كان الكاس كبير و كاس و نصف إذا كان متوسط )
* 100 مل زيت ( أقل من نصف كاس )
* 10غ خميرة الخبز ( أنا حطيت 2 ملاعق صغار )
* 1 ملعقة صغيرة خميرة الحلويات
* 1 بياض بيضة ( نحتفظ بالصفار لدهن الكرواسون )
* 2 ملاعق صغيرة ملح
* 2 ملاعق صغيرة سكر
* للتوريق : 100 غ زبدة توريق
الطريقة:
نخلط المقادير الجافة ثم نضيف بياض البيض والزيت ونزيد نخلط واخيرا الحليب الدافيء حتى نتحصل على عجينة طرية اصبعك يدخل فيها بكل سهولة اذا مكانتش طرية ممكن تزيدي شويا حليب وتعجني حوالي ربع ساعة شخصيا مزدتش ثم نضع الخليط في اناء ونغطيه بورق بلاستيكي ونخليه يخمر حوالي ساعة
نشكل كويرات متساوية ونخليها مغطية بغلاف بلاستيكي ترتاح 15 دقيقة انا شكلت منها 8 كريات ممكن تشكلي اكثر او اقل
نحلل الكويرات اذا لقصتلك استعيني بالفرينة نحللها رقيقة وندهنها بزبدة التوريقة المذابة ونحلل واحدة ثانية ثم نحطها فوق الاولى وندهنها كذلك وهكذا حتى نكمل الـ 8 كريات ثم نحللهم مع بعض حتى يولي سمك القرصة المحصل عليها نصف سم ثم نقطعها مثلثات انا حبيتهم شويا كبار قسمتها على 8 مثلثات اذا حبيتيها اصغر ممكن تقسميها على 16 مثلث
نلوي الحبات من الجزء العريض الى الرقيق ونرخف يدي باش نعطيلها مكان وين تتخمر ونحطها في سينية الفرن مدهونة بالزبدة ونباعد بن الحبات قد ما نقدر ممكن تدير 4 في بلاطو
ندهنهم بصفار البيض مخلوط بملعقة صغيرة حليب دافيء وملعقة كبيرة عسل
ونخليها تخمر ساعتين ساعتين كاملين
ندخلها للفرن المسخن مسبقا على درجة حرارة 200د لمدة 15 دقيقة

وهاهي بعد ما طابت
واش رايكم:



والان نخليكم مع اشكال السوفلي الخمسة هههههههه

الشكل الاول:



الشكل الثاني:

الشكل الثالث:

الشكل الرابع:

الشكل الخامس والاخير:

والان ارجو منكن الدعم للمزيد من الطبخات

ما شاء الله على الإبداع يعطيك الصحة

و لي الشرف أن أكون أول من ترد على أول مواضيعك

فألف مرحبا بيك بيننا نتمنالك إقامة ممتعة

روعة ماشاء الله أختي مزيدا من التألق
أنتظر جديدك دائما

اولا اهلا بيك بيننا في بيتك حواء الجزائر مشكورة على الوصفة المتميزة لدا يتبت الموضوع مزيدا من النجاح