اللي مايصدقليهاش البغرير تجرب طريقة كروان 2024.

السلام عليكم ورحمة الله تعالى وبركاته
حبيباتي هذه طريقتي في صنع البغرير يجي ساهل وبنين وسريع من أول تجربة وليت نعمل فقط هذه الطريقة
3حبات بيض
500غ فرينة
مغرف ونصف خميرة خبز -على حساب خميرتك وحتى الفصل أنا
نستعمل في الصيف ملعقة واحد
2خميرة كيميائية
شوية ملح
مغرف سكر
نخلطو كلش في الميكسار -المكسار شرط- نخلوها ترتاح ماتديش وقت كبيريعني مانخلوهاش تخمر بزاف نكونو سخننا التيفال نطيبوها بالطريقة العادية ولكن دائما نحطو المقلة في الماء بين الحبة والاخرى باش ماتلسقش
جربوها وتشوفو يجي شباب وندهنوه بخليط العسل والزبدة

اللي جرباته وخرجليها وأكيد راح يخرج ليها تدعيلي دعوة نتاع خير
وسمحولي من المفروض نصورو ولكن مازال عندي مشكل في التحميل

السلام عليكم ورحمة الله وبركاته
هاذي حاجة جديدة انا موالفة غير تع السميد …مشكورة اختي على هذه الوصفة الجديدة …

حتى أنا ماصدقتش لما سمعتها بالفرينة ولكن بالتجربة هادي سنين وأنا نديرها خاصة لما يكونوضياف نتاع غفلة
سمحولي نسيت الماء الدافئ وهو الأساسي هههههههههه
ونشكرك أختي راقية على المرور

ياريت كان في صورة
مشكوة و الله يعطيك الف عافيه
بانتظار جديدك

يعطيك الصحة اختي كروان

اممممممم باين يجي خفيف ان شاء الله نجربو

شكرا لمرورك نور الياقوت راني وعدتكم بالصور لما نحل مشكل التحميل

شكرا على المرور هناء

جربيه أم كوثر وردي لي الخبر متأكدة أنو راح يعجبك

شكرااااااااا