اللهم صلً و سلًم على سيًدنا محمد و على آل سيًدنا محمد
يا الغاليات,
عرس اختي قريب بقي له 20 يوم بالضبط و علابالكم هاذ المرة حبيت نصنع جزء كبير من قاطو العرس .. الحاجة اللي تدي اليدين و الوقت..
منزلنا كبير من طابقين و سطح آخر مرة عملت فيها ميناج كبير من البلافون للارض كيما يقولو قبل رمضان مع الجو عندنا السخانة و غبار دايما ما يبان فيه نقا 3 ايام على بعضاها…
و ايام العرس يجو عندنا ضياف مقيمين يعني لازم كل شي يكون top تعرفوا كل قجر و كل باب وين يتفتح يكون منظم..
مع تجهيز ملابس اختي لاني ادرى منها في كي الملابس و تطباقها و تنظيمها في les valises
و الاعمال المنزلية الاخرى المعتادة طبخ و غسيل 
الحمد لله انا سريعة شوي في الاعمال المنزلية لهذا ماما و اختي ( اللي لاتيين في الخياطة 
و التصديرة) متكلين عليا مائة بالمائة حتى المنظًفة اللي كانت تجينا في المناسبات يبانها مش قادرة تساعدنا هاذ الفترة ممكن تجي نهار او اثنين قبل العرس فقط..
نظن حطيتكم في الصورة …
حبيت تساعدوني بعفايس تسهل القيام بهاتي الاعمال اللي موالفين تسلكوا بيها رواحكم
مثلا اليوم بديت ب bahut نتاع الماعن رتبتو حسب الاولوية للاستعمال ايام العرس لانو مش راح يتمس هاذ المدة "إن شاء الله" 
يلا يا الحراير عاونوني و لا ارواحولي نضيفكم 3 دقائق برك هههه و مبعد التشمار
نستنى ردودكم
و ربي يتمم لاختك على خير
بما انك بديتي بالماعن حاجة مليحة
وزيدي غسلي الزربة ولفراشات و خبيهم و من بعد يبقى ليك غير الميناج انتاع الدار خليه كي يقرب العرس و ديريه باش تلحقي مع العرس قدقد
عليك بالدعاء وحنا تاني ندعيولك حنونة
بداي بالحواج الثقيلة والخفيفة خليها لآخر كيف ما بديتي بالماعن زيدي الفراش المهم الحوايج الي ماتستعملوهاش في هذه الفترة وباقي الي تخدمو بيه كل يوم خليه لآخر لحظة ونظفيه ورتبيه
يختي العرس هرس لماليه اولو شقا واخره شقا اما في وسطو كل الناس تعاونك
الله يسهل ويسخر ليكم
يعطيك الصحة على المساعدة بنت عين صالح نتهنى من اللي يشد نقاه ضرك
و كيما يقول المثل "اللي عشاه قلية (قمح محمص) يبداه بالقز ( المضيغ)"
آآآمين .. يسلمك اختي الواجب راني ندير فيه و الحمد لله مانيش نخدم هاذ الفترة
ربي يهنيك و يرضى عليك