هاذ البنيون كانو طلبوه مني الأخوات في موضوعي
حلويات أم منذر لعيد الفطر 2024
و التزين مقتبس من وصفة من كتاب سميرة الجديد
انشاء الله يعجبكم
المقادير
· نصف علبة حلوة الترك+ 2 علب شكولاطة + 2 علب بيمو مرحي جيدا + 250غ مارغرين (من الأحسن تكون زبدة ستار)+ فنجان صغير من العسل + شوية كاوكاو مرحي+ شوية جلجلان محمص.
· التزين: عجينة اللوز معطرة بالفانيليا مقسمة إلى 3 أقسام
القسم الأكبر يلون بالأصفر الفاتح ، القسم الثاني بالبني و القسم الأصغر بالبرتقالي
الطريقة
نذوب الزبدة و الشكولاطة فوق حمام مائي و لما تبدأ في الذوبان نضيف العسيلة و حلوة الترك
و لما يذوب الكل ننزعها و نضيف الجلجلان محمص مع البيمو المغربل و الكاوكاو و نخلط حتى الحصول على عجينة طرية جدا
شكلي منها كريات متوسطة الحجم
شكلي حربوش طويل من العجينة البنية و ضعي بداخله حربوش رقيق جدا من العجينة البرتقالية و أغلقي عليه جيدا ثم قطعيه إلى دوائر جد رقيقة
خذي عجينة اللوز الصفراء حليها فوق طبقة من النشاء أو ورق بلاستيكي و قطعيها بطابع دائري و بشكل عشوائي وزعي عليها الدوائر السابقة و اضغطي جيدا بإصبعك حتى تلتصق و تشبه جلد النمر
خذي حبة بنيون و غطيها بدائرة من جلد النمر (ممكن مسحه باللماع الغذائي الذهبي) و قدميها
يستحق التقييم +++++
هو فيه خدمة ولكنه يستحق العناء لانه تحفة فنية
حلوةرائعة
بارك الله فيك
راني نبحث على حلويات جديدة وبريزونتابل عندي عرس
وهذي في القائمة تاع الاقتراحات
تسلم الايادي
شكرا لك