كيف احوالكم البنات
بغيت نشارككم بهاد الافكار لتسهيل وقفتنا بالمطبخ بعضهم كلنا كنعرفوه والبعض جديد نتمنى تجربوهم وتخبروني بتجاربكم
للامانة هدا منقول لكن انا مجربتهم
مع تحيتي ومودتي
* الطريقة الاولى نغطسوه فماء مغلي بزااف و ديريكت اتقشر بلا ميتلصق فينا القشور ديالو
* الطريقة التانية تاخدي موس عريض بحال هدا
وتضغطي على الثومة حتى تشقق والقشرة ضغيا كتحيد
للحفاظ على الخرشوف لاطول مدة نديرو ساقو في الماء بحال الورد ولا اسهل
للحصول على حبة الافوكا طيبة وشادة فراسها شريها مزال خضرة وقاصحة وغلفيها فورق الجرائد وخليها تنضج على راحتها
باش الموز ميكحالش ليك قبل الاستهلاك غلفيه فورق الجرائد ودريه فبلاصة باردة
طريقة باش البيض اطلع ضغيا بحال الثلج زيدي شوية ديال الملح وباش تعرفيه جاهز فاش تهزي الطراب لاكريم خاصو الصق فيه ومينزل
اما بالنسبة للكريم شانتيي فنصيحتي قبل متبداي الخفق دخلي الاناء اللي غادي تطربي فيه القشدة للتلاجة لمدة نصف ساعة
مشكلة الشواء الكبيرة هي الدخان وخصوصا اللي معندهاش السطح او البولكون او جردة والدخان كيخرج من الشواء بسبب الدهون ولتفادي هاد المشكل رشي شوية ديال الملح على الجمر باش امتص الدهون وتانيا كيحافض على الجمر احمر
مشكلة اخرى ديما كنعيشوها بعد القلي وهي ريحة داكشي اللي قلينا كتبقى فالدار وباش تهناي منها جربي هاد الطريقة
زيدي خشيبة ديال الزعتر على الزيت ديال القلي بهاد الطريقة كتفاداي الريحة وحتى الفقاعات والانفجارات ديال الزيت زعما ميطرطقش ولا اسهل……..
فكرة اخرى بالنسبة للتجميد واكيد معروفة عند الجميع ولاباس بالتدكير لتجميد المواد الغدائية بجميع انواعها قسميها حسب الحاجة للاستعمال الواحد وتعباء في اكياس او العلب الخاصة بالتجميد وطبعا تنظف وتجهز للاستعمال فور اخراجها من المجمد
مع كتابة ملاحظة عن محتوى الكيس
اللي عندها جردة وكتعاني من الاعشاب الطفيلية جربي هاد الحل
مللي تسلقي البطاطا كبي الماء ديال السلق وهو سخون على العشب باش اموت
لتزيين كؤوس تقديم العصير ديري سنيدة فطبسيلة ولونيها بالسيرو احمر او اخضر اوحسب اللي عندك نتي وشدي الكاس قلبيه على بياض البيض او عصير الليمون تم غطسيه فالسنيدة ومن الاحسن تديري هاد العملية قبل التقديم بوقت باش تنشف سنيدة
زيدي نقطة ديال الخل للماء اللي غتسلقي فيه البيض باش الى تشققات القشرة ديال البيض ميخرجش البياض لبرا
وباش تعرفي واش البيض اللي عندك صالح للاستهلاق ولا انتهت صلاحيتو غطسيه فبانيو ديال الماء مع شوية ديال الملح الى غطس للقاع استخدميه والى طلع وطفا على السطح غير لوحيه
فكرة اخرى للحفاض على الخبز طري ديري فالسلة فين كتحتافظي بالخبز نصف التفاحة
واخيرا مشكلة ديال تقشير البصل الصراحة جربنا كلشي قالو الشمعة شعلناها قالو المعلقة درناها فمنا قالو قشري فالبانيو ديال الماء او الروبيني درناها ولكن كنملو وجبت لكم طريقة اخرى ساهلة من كل هادو وهي تشربي الماء و تخليه فمك متدوزيه حتى تكملي التقشير
كاين منها إلي نعرفوه و كاين منها الجديد
مشكورة لؤلؤة
الله يبارك عليك
نورتم صفحتي