اسمرار الرقبة عند الاطفال 2024.

ربي يحفظكم لبنات افيدوني بنوتي في عمرها 3 سنين رقبتها اسمر من جسمها وتشوفيها تقولي موسخه وانا مهتمه بنظافتها من نهار لي جبتها دايما ندوشلها بانتظام ….واش السبب في رايكم هي كانت سمونه من لي كانت صغيرة وكانت رقبتهها داخله كي كبرت ما ولاتش سمينه وعادت رقبتها هاكدا ..وش الحل ظركا وحده قالتلي رطبيها بغلسيرين صباح وعشيه وما تحكيهاش بزاف في تدواش وديريلها كريم مقشر واش هو الكريم المقشر انا ما نعرفش هاذ المستحضرات وعمري ما استعملتها انصحوني ربي يحفظكم خايفه تبقى هاك

ربي يحفظلك بنتك؛ انا نظن العرق و الرطوبة هي اللي تسبب الإسمرار و الأطفال يعرقو بزاف، أنت حاولي تخلي هاذ المنطقة ناشفة يعني كي تشوفيها عرقت أغسليلها و نشفيلها مليح و ديريلها التالك؛ نظن المقشر هو القوماج إذا كان هو ماننصحكش بيه على خاطر بنتك صغيرة وبشرتها طرية خاصة الرقبة؛ وإن شاء الله الأخوات يفيدوك خير مني.

اهلا اختي
لاتقلقي عليك بزيت الورد
خذي قطنة واغمسيها في الزيت ومرريها على رقبة ابنتك وسترين الفرق
موفقة لكل خير

الله يجازيكم خير على الاجابه زيت الورد هاذا وين نلقاه

اللهم امين
يتباع عند اللي ايبيع الاعشاب