السلام عليكم
جاتني فكرة قلت نتناقشوا فيها وهي تتكلم عن الحوامل والنفسة
كل وحدة دقولنا علاش توحمت في قاع ولادها ؟؟؟
كل وحدة تحكيلنا كيفاش تنفست ؟وين تتنفسوا في بيت زوجها او اهلها وشعال دوم مدة نفاسها ؟؟؟؟؟؟؟؟
وهل هي من محبين ان تقوم بطهارة ابنها صغير وحتى يكبر ؟؟؟
ما هي التحضيرات ؟؟؟؟؟ يعني طمينة (تقنة) بركوكس شعال من انواع القاطوا
واش هي العادات اللي ديرها النفسة ؟؟؟؟؟؟؟؟؟؟؟؟؟
ارجوا كل واحدة تتفضل تشاركنا باش نعرفوا عادات بعضنا البعض
نخليييي المجربات بنفضلووووا للمشاركة ونشوفو العادات والتقاليد
الكلام على وحمي و نفاسي يتحط في فرغي قلبك ماشي هنا …
.
.
.
.
===============
راح نبدا بنفسي
انا توحمت في الياس على الدلاع فالشتاء وجابوهلي الحمد لله
وكي زيدت جاتني صعيبة والحمد لله فرحة كبيرة عقوبة للبقية
كي دخلت للدار شربت الحليب
وجات الوالدة جابتلي نفاسي وهو قاطوا 2 بلاوات كبار و دجاج والخضر والفواكه والتوابل وزيتون انتاع الطاجين والبرقوق والحنة ……..وقعدة معايا 3 ايام وهي للي دارتلي الحنة ربي يحفظها ادعولها راهي مريضة
ونديروا بركوكس كل يوم والنفسة كل يوم تاكل لحم مشوي خروف مع حاجات يتهلة فيها الزوج ودرنا الكسعة بعد مرور 8 ايام جابوا طيابة باش طيب بركوكس ودرنا التقنة 3 انواع والقاطوا بكل الانواع
وفي الليوم 15 طهرت ولدي يويوي
ومن غدوة قالتلي عجوزتي ايا نوضي كرهت مني هههههههه بالرغم من انني ما بريتش
العادات ما دوشيش حتى الربعين انا دوشت كي قلعت لي بوان باش ميعمروش
ما تتدخلش عليك وحدة باغية تزيد اي في شهرها
ما تقليش الكسوة دايما كثري لوكان فالصيف
هذي عادات منطقتنا وانتوما ؟؟؟؟؟؟؟
وب هذا البوبو الجديد توحمت على حاجة تقتل بالضحك هههههههههههه توحمت على الكبدة نتاع الدجاج مش نتاع المواشي ههههههههههههههههههه
اما نفاسي ايه اسكتي برك السيزاريان والسيزاريان ما نهدرش خير لا نخوف المقبلات على الولادة
نجوز نفاسي راقدة وتمونجي هههههههههههههههه وش رايحة ندير