salam 3alykoum ana 3andi 5ans nta3 mariage ou j’ai pas d’enfant ma3liche hajate rabi soubhanahou almouhime ana kounte nhabe rajli mais douka rani nhasse rouni manhabouche machi kima laoual ana wache rani nkoul balak qui ma3andiche drari ou le vide ktalni fi hyati ou zide bazyada mon mari mission nchoufou khatra fel 2mois ou ki yji normal manhasche balfarha hyati krahtha ou ma3labaliche wache andir et lui yhabni ou ymoute a3lia mais ana alhoub diali lih machi kima kan wache andir 3awnouni bnasiha fi wajhi allah
أختي كيما قلتي هده حاجة ربي و في بالي المشكل عندك الفراغ بزاف سورتو راجلك بعيد يعني ماشي معاك كل يوم أختي سيي ديري كاش حاجة و تعمري الفراغ اللي عندك أحفظي القرآن قومي الليل هدا عبادة و ثان تتقربي من ربي و دعي و ربي ان شاء الله يرزقك الذرية الصالحة هدا من جهة و من الجهة أنت كي يجي راجلك مالقري عندك بزاف ما شفتيهش ما تحسي والو انت رجعي روحك تحسي و معنى كلامي إلعبيها تحسي بينك و بين نفسك ديري روحك فرحانه علاش راني نقولك هدا لكلام ؟؟؟ كاين حديث يقول : إنّما العلم بالتعلم و الحلم بالتحلم يعني أنت ديري روحك راك تتوحشيه و تحبيه كيما كنت و أكيد الشي هدا رايح يأثر على نفسيتك و تولي كيما كنتي و أحسن بإذن الله تعالى
موفقة بإذن الله تعالى
حاولي تتراجعي و تحبي راجلك و اعتقد انك من كثر ما يحبك و من كثر ما راكي متاكدة ما عادش يهمك و اصبحت حياتك مملة
صل و استغفري و تهلاي ف راجلك لانه عاجلا ام اجلا راح يحس بهاد الشي
الله يوفقك
ما تخليش راجلك يحس بلي تغيرت وانصحك بالرقية و قراءة القرآن وكثري من الإستعفار وإن شاء الله ربي يرفد عليك هذا الهم والغم ويفتح عليك ويرزقك الذرية الصالحة إنه سميع مجيب انا حاسة بيك .
أولا، بالنسبة للإنجاب أكيد شيء صعب و يأثر على النفسية بشكل سلبي بصح لازم يكون إيمانك بربي قوي، ادعي في كل وقت، صلي، صدقي و إن شاء الله هو اللي يفرج و تفرحي كي اليوم
مشكلة الحب، أنا نقولك يا سعدك راجلك يحبك و يموت عليك (غرت….ههههه، اسمحيلي )، ديري المستحيل باش تعاود تحيا من جديد هاديك الشعلة اللي راهي مخبية لداخل و اللي أثر عليها نفسيا كيما قلت مشكل الإنجاب و مشكل البعد تاني، حاولي كي تكوني مع راجلك اخرجو بدلو الجو، و حتى في الدار ما ضيعيش الوقت في الميناج و الخ، الصقي فيه معليش ، ديري عشا شباب، سهرة فيها الضحك اللعب المهم كاين مواضيع في هذا الخصوص تقدري تطلعي عليها، حاولي مرار و تكرار حتى تعاود تتأجج العاطفة من جديد و تكون بداية موفقة إن شاء الله، حافظي على زوجك أختي، رغم كل شي مازال معاك و يحبك……..ربي يهنيك و يرزقنا بالحلال
