الوسم: المخطوبات

و الله الفكرة هذه أعجبتني حبيت نقرعج شوية

نوضو يالراقدات
حبيت نسأل المخطوبات على طريقة تعرفهم على خطيبهم ,وين شافهم وين شافوه أول مرة و حتى المتزوجات إذا مفيهاش إحراج

فكرة شابة مرسي ختيتوو

ايا عمرونا لقرع هههههههههههههههه

يا رب ترجع المياه لمجاريها ونفرحو بيك حبيبتي عروووووووووووووووووووووووسة في اقرب وقت قولو اااااااامين

أميييييييييييييييييييييييييييييييييييييييييين يارب يفرج علينا كامل بالزوج الصالح يارب

يا ختي فيحاء واش رايحة نقولك أسأل الله أن يجمعك به قريبا في الحلال يا رب
بصح ياك ما لقيتيهش خطب ولى اتزوج؟ إن شاء الله راه حر و ربي يكتبلك معاه عاجلا غير آجلا و نفرحو بيك

لعقوبة ليك يا بنت عين صالح و مون إن شاء الله ربي يرزقكما زوجا صالح عاجلا غير آجلا و الله غير تستاهلو كل خير

امين

يعطيك الصحة ختيتي جزاك الله خيرا
والله موضوع في قمة الروعة هكدا باش تخفف علينا يا خياتنا وين راكم جاوبونا هههههههههههههههه

انا راني مع الجهاااز والله ماعلابالي كي نروح نقوللك هههه

والله غير فكرة مليحة هكدا نستفادو منها

اانا على حساب منعرف اكتر حاجة يندمو عليها التصديرة طبعا لي يكترو انا فيراي نشري 3 حوايج شبان ولخرين نكريهم وحاجة باينة منكتر ش

اسمحيلي خرجت على الموضوع شويا

قصدك قنادر التصدير ة صح ؟؟؟؟؟؟؟؟؟؟

ايه قصدي متخيطيش كلش ثقيل خلي وحدة ولا 2 ثقال للمناسبات كيما الحنا والباقي مام يكون سواري دريه خفيف

انا رني حايبة نشري طايور وقفطان وعفسة وحدوخرا ونزيد نكري 2 و3

ايه ياميلينا كون تشوفي بنات الشرق واش يدة معاهم هههه
سقسي ستدريلا راه من الشرق وتقلك شحال من قندورة راح تدي معاها

يخاه مالا تفلسو داركم حنا تان يدو بصح انا منحبش نكتر باسكو عبالي منلبسش

[gdwl]

خطيبي كنت نعرفو قبل مايخطبني كان يعيطلي دائما و يحوس عليا
لكن بعد الخطبة ماولاش يعيطلي و إذاعيطلي كلامو سطحي جدا و بارد
[/gdwl]
واش رايكم

نظن هذا عادي فترة وتعدي

حاولي يكونو فيك حوايج جدد لكسر الروتين

وكيفااش يهدر معاك قبل الخطبة ياك أجنبي عليك
على كل فترة وتفوت
وربي يصلح الحال

ما تصمطيش عليه
مشكلة النساء هي الالحاح
واش بيك؟ اهدر؟ قولي نحبك؟ وين كنت ؟………………..

بالتالي تولي الهدرة ماش ممتعة تولي مملة …اجبدي روحك يامات و لما يعيطلك ديري روحك مشغولة

قولي ندير هادي راني لاتية مع الدار راني من راني من هكا يحسك غامضة و يسعى للتكلم معك

الله يسخرلك اختي

اضن اختي انو عادي لان هدي المشكلة ادا ماعانيتيش منها في الخطبة تعاني منها بعد الزواج وكيما قالو الاخوات تقلي روحك شويا عليه وربي يهنيك حنونة

حبيبتي لجاست لي جا خطبك يعني راه باغيكي تكوني شريكت حياته كما مثل ماقالوا الأخوات لا تكثري الكلام معه و خلي المدة طول شوية من مكالمة الى أخرى
و شيء عادي ماتخافي
الله يسخرلك أختي

أختي الكريمة حاولي تشغلي نفسك بأمور أخرى لتتغلبي على الفراغ الي فتحلك الوساوس و الاسئلة…. لما تغير معي خطيبي؟ ممكن هو مشغول بالعمل ، مركز على نفقات العرس ، عندو مشاكل ميش حاب يحكيلك عنها…الخ لا تزني عليه و ترهقيه بالأسئلة خلي كلشي في وقتو حلو و يبان كلشي مع الوقت أصبري و راقبي كلشي و إذا مارتاح قلبك حاولي تجلسي معو وجها لوجه و ليسفي الهاتف غحذري ليس في الهاتف حاولي تحكي معوو تكون بداية كلامك خالية من العتاب و اللوم لأن كثرته يروح الحبيب حاولي تسأليه إن هو مرتاح معك أم لا مقتنع ام تغيرت قناعتو..أخبريه انك دايما تحبي تسمعي حسو و صوتو، حاول تقنعيه أنو أسئلتك أمانو ليست إزعاج …كوني أم معه و سترين النتيجة …ربي يوفقك حبيبتي و ما تطوليش في مدة الخطبة لأنها تجيب سوء الفهم و المشاكل الفارغة اللي ماعندها معنى ….و الف مبروك على الزواج إن شاء الله عن قريب .سلام .

merci les filles rebi yhanikom

حتى انا صراتلي هكا بصح من بعد رجع نورمال

حابة نسال فضولية امممم كيفاه تعرفتي عليه اول مرة وكيفاه درتي . شكون بدا يهدر حشمتي كيفاه مسمياتو في البورطابل وكيفاه يناديكي

كنت في زيارة عند اختي ايا هو شافني كي جيت داخلة لا خاطرش هو صاحب راجل اختي

انا حشممممممممممت بزااااااف حتى هو حشااام بصح هو هدر قالي كيراكي قلت له لاباس بسسسسس ههههه

ما زال ما رانيش نهدر معاه

بصح ممكن نسميه نور حياتي هههههه
بارك الله فيك

انا نجي عند جداتي جارهم شافني تما رسل يماه وهو قالي راني ناويك للحلال وتاني ركبت معاه في عرس خالي عندها 3 سنين ملي ركبت معاه وهذا العام خطب ويناديني شريكتي و انا حبيبي عقوبالكم وي نهدر معاه