الوسم: الماشينة

السلام عليكم ورحمة الله تعالى وبركاته
نتمنى مالخبيرات فالخياطة يساعدوني ماشينة مولاتش كامل تخيط كيما موالفة

دير النفدة عادي تخيط تخيط امباعد نلقاه خيط طويل برك يعني النفدة مكانش واش نديرلها

آه الماشينات يهبلو صح تصرالي ساعات بصح ما نفهمش نخربط حتى تتعدل ههههههه
نشوفو اللي يفهمو يفهمونا

ان شاء الله يفيدوك اهل الاختصاص حبيبتي

شوفي اللي يخدمهم ممكن يعدلها

انا. تاني. مهبلتني. وزيد. يتشبكو. الخيوط. وتتببوكا. مفهمتش.

نتمنى تدخل اخت احلام تساعدنا شكرا حبيباتي

حبيبة سوفي لاتونصيون انتاعها او حاولي اتريقليها راهو الخيط انتاعها اترخف دوري ابلاعقل حتى اتحسي بيه مضيوط اسوي او جربي حتى تصغار النفدة لاتنصيون راهي تلقايها امدورة او فيها ارقام من0 الى 9 يلسق فيها الخيط اي استفسار راني اهنا نستنى الرد اعدلتيها ولا لا

منذ ايام كان وقعلى نفس المشكل هبلتنى قريب خبطتها على … وكان السبب البوطو تاع الطونصيو
اختى كيما قالتلك اختنا baligo حاولى تعدلى فى لاطونصيو تاع الخيط من القفل تاع لاطونصيو موجود عادة فى اعلى الماكينة
خودى قطعة قماش و خيطى عليها مع تغيير الرقم تاع لاطونصيو فى كل مرة
اذا ممكن تقوليلى كيفاش جاك المشكل بدلتى الابرة او استعملتى قماش جيرزى او شيء اخر
حاولى تبعى الخطوات لى ذكرناهم و رجعيلنا الخبر و اذا ما صلحش رانا معاك حتى تمشيلك ان شاءالله

اهلًا اختي اولا قومي كل ليلة بعد الانتهاء من العمل بتزيتها مكان المسننات بعد نزع الكانات و البياسات لي لاصقة معاهم و نزع الخيط لي تخدمي بيه في الغد قومي بمسحها من الزيت الزائد و اعادة تركيبها جيدا راقبيها جيدا وخاصة الخيط قبل البدا في العمل جربي في قطعة قماش حتى تتاكدي من مسحها من الزيت
لازم الماشينة ترتاح و تتزيت لانه الغبار الناتج من القماش يسبب مثل هذه المشاكل

زغرتو راهي تمشي خدمها زوجي احم احم هههههههههه
مشكل انا كنت قالبة الابرة
راهي مانهار لي سييتلكم هاذيك الروبة حبست ولا لوكان كملتها