السلام عليكم ورحمة الله تعالى وبركاته
صح فطوركم وعاشوراء مباركة للجميع
الاغلب صام والصيام مايحلى غير مع البوراك
لهذا جبتلكم بوراك سيقار محشي مرقاااز
ان شاء الله يعجبكم
المقادير
وراق الديول ، بطاطا ، هريسة ، بصلة مرابية ، معدنوس ،
فرماج ، ومرقاز وبيضة واحدة
التحضير
نطيبو البطاطا في الماء نقشروها ونهرسوها
نزيدولها شوي بصل والمعدنوس ولهريسة طبعا الي بلا بيها يسماط البوراك
ونخلطوهم مع بعض ونفقسو عليهم حبة بيض
البطاطا واجدة والمرقاز قليناه
نقطعو ورقة الديول نصفية
نحطو البطاطا بشكل مستطيل وغير شوي
من بعد حبة مر Gــاز في النص واذا جات البطاطا زايدا طول عليه نقصو منها
وفي الاخير الفرماج نقطعوه بالطول
نلفوهم ونقلوهم في الزيت
وهام ليكم واجدين خفاف وبنان
مقطع باش يبان الحشو
بصحتكم
وماتنسونيش من دعوة خير
السلام عليكم ورحمة الله
يا أختي مون واش هادا ثاني ؟
يالحبيبة ماعندي مانقولك غير ياسعدو راجلك ولوكان جيت راجل مانخليهش يديك غير انا لي نديك
هههه
لا أمزح فقط الله يهنيكم
وعلى فكرة ليوم درت مقارونك وجاني هااااايل راني صورتو ونوعدك نحط الصورة غير ماعنديش الوقت للرفع دوركا
احتراماتي واتمنى لك مزيدا من التألق
يعطيك الصحة مون و الله جاك يهبل اليوم بربي نديرو البارحة درت الورق الديول من منتدانا و جاو روعة و رانا صايمين اليوم تاسوعاء و ربي يتقبل
ربي يرزقك من خيري الدنيا و الآخرة