الوسم: الشحمة

كسرة الشحمة او المخلعة
مشهورة بزاف عندنا في سطيف
خاصة في فصل الشتاء البارد
هي لا تختلف في الحشو عن المحاجب فقط هي فيها شحمة

تحضري عجينة الكسرة من سميد ملح وماء تعجني جيدا حتى تتماسك العجينة تقسميها قسمين
تقومي بطرح القسم الاول ومن بعد تطرحي القسم الثاني على شكل دائري طبعا ويكونو قد بعضاهم
تحطي الحشوة فوق الاولى وتحطي فوقها الدائرة الثانية ومن بعد تحاولي تغلقي الاطراف تاع العجينة وتلميهم مع بعض
تحطيها فوق الطاجين تطيب وتكوني دهنتي الطاجين بشوية زيت باه تحمار شوية وما تجيش يابسة
المهم
الاكثرية يديروها خشينة ويكثرولها الحشوة تجي ثقيلة والي عندو الكولون مسكين امممم يشوف برك وما ياكلش
لكن انا نحب نديرها رقييييقة ومام الحشو ما نكثرش بزاف لدرجة انو يغلب العجين
المهم هدي طريقتي نتمنى تجربوها وتعجبكم
اليكم الصور

اممممممم
هايلة شهيتيني
بصحتكم

شحال نحبها.
خرجتلك هايلة بصحتكم.

الله يسلمكم ربي يخليكم

تبان بنينة يعطيك الصحة
كيفاش تحضري الحشوة تاع الشحمة من فضلك

مظهروليش الصور اعععععععع

يعطيك الصحة ياسمين حنا نديروها خبزة مشي رقيقة هاك

اختي ياسمين احنا ثاني نديروها مي انتوما واش الحشوة تديروها
احنا نديرو شكشوكة

اممم مصمم وصلتني سخونة وحارة نحب نديرها كي تكون الشتاء الطيح ا+ممممممم
يعطيك الصحة

السلام عليكم ورحمة الله تعالى وبركاته

من مطبخي كسرة الشحمة بالطريقة التقليدية

المقادير

للحشو
بصلة كبيرة ثوم ، حبة طماطم كبيرة او زوج متوسطين، مغرف كبيرة طماطم مصبرة
2 حبات فلفل ، هريسة حسب الرغبة في لحرور ، وملح ،
شوي شحمة شايحة مملحة ، دبشة ، ونعناع يابس

تحضير الحشو ( ماصورتوش )
نقطعو البصل الفلفل ونقلوهم في الشحمة مقطعة رقيقة وشوي زيت زيتون وملح وثوم
ونزيدو الطماطم مقطعة ولمصبرة ولهريسة نقصو عليهم النار ونخلوهم يطيبو
وفي الاخير خلاص نزيدو الدبشة والنعناع ونغطوهم باش تدخل فيهم البنة

نديرو عجينة الكسرة عادية كيما في الوصفة هذي برك مانديروش السانوج
(حطيتها سابقا)
نحلو وحدة وتكون رقيقة

نديرو عليها شوي حشو ونوزعوه مليح

نحلو قرصة اخرى تاع كسرة وتكون اقل شوي من الاولى ونغطو بيها

نغلقوها مليح على لطراف باش ماتتحلش ونثقبوها بالفرشيطة

ونحطوها طيب على طاجين الطين او طاجين لحديد

حتى تتحمر على زوج جوايه

وتتقطع وتتكل وهي سخونة

وفي العادة ديما نديرو معاه سوب الخضار

وصفة لا سوب ( حسب الخضار المتوفرة )
2 حبات بطاطا ، زوج طماطم ، بصلة كبيرة ، 4 حبات زرودية ،3 سنينات ثوم ،
ملح ، فلفل كحل وتوابل ، زيت زتون ، معدنوس ، وسدر دجاج
نقطعوهم كامل ( مربعات ) ونحطوهم يطبو في الماء حتى يبدا ينشف الماء
كي يطيبو نرحوهم بالميكسور ونزيدهم الماء الي طابو فيه حسب مابغيناها ثقيلة ولا خفيفة
نصفوها وكي نقدموها نديرولها عصرة قارص وزيت زيتون

ان شاء الله يكون الشرح واضح وعجبتكم الوصفة
دعوة خير اخواتي ماتنسونيش منها

ودي لكن

الله ايبارك عليك
مشاء الله

ماشاء الله جات رووووعة و تشهيييي
مشكووورة أختي مووون على الطريقة الرائعة

alah ybarak tchahi

اممممممممم تشهي

مشكورة اختي يعطيك الصحة بالهناء والشفاء

الله يبارك الله يبارك يا مون ماخليتي شي ماحطيتهولنا ههههههههههههههههه حتى كسرة الشحم الي ديما نقول نديرها ومن بعد نكون كسولة ماشاء الله عليك بصحتكم اختي مون

الله يبارك جاتك هائله بصحتكم

الله يبااااااااااااااااارك جاتك تهبل و باينة بنينة مادام نعناع و دبشة و……… ربي يعطيك ماتتمناي و يحفظلك وليداتك

شكرا ياسمين

عندي زمان ما درتهاش ودرتها حاااارة ولولدي وحدة صغيرة مش حارة

يم يم تشهي يعطيك الصحة بصحتكم حبيبتي

مشكورين نورتو

انا يما كانت تديرهالنا بكري بصح مانحبهاش بالشحمة شكرا لمحافضتك علا التقاليد444444444444444444444

يم يمممممممممممممم يعطيك الصحة

اااااااااااااااه سخفتينى يا ليت كنت جارتى كون جيتك بصحتكم

هيا برك نزهة مشها بعيدة

السلام عليكم ورحمة الله وبركاته

بما أن البرد شديد اشتهيت خبز الشحمة وعملته وجاء رووووووووووووعة
أعتذر عن عدم وضع الحشوة نسيت الصور لكن هي تقريبا نفس حشوة المحجوبة الحارة لي دارتها صديقتنا دنيا

اليكم الصور

بالمكونات وطريقة التحظير
مع تمانياتي لكم بدوام الصحة والعافية ومشاهدة ممتعة

تقبلوا فائق الاحترام و التقدير

شوفي حبوبتي مونلايت الحشوة مكونة من بصل وثوم وفلفل اخضر حلو وحار وشحمة فلفل اسود كمون راس الحانوت قسبر وكرافس مقطع رقيق وطماطم العلبة + هريسة مع العلم ان البصل والفلفل والثوم كلهم فوتهم فالروبو الا الشحمة والقسبر والكرافس لي قطعتهم بيدي .
واياستفسار انا هنا هههه
شكرا على المرور .

وعليكم السلام ورحمة الله
هههههه أكيد درت الهريسة وزدت شللت القوطي هههه
راكي عارفة احنا الجزائريين مانخلوش القواطا فيهم الآثار ههههه
والله يحصلي الشرف ان تتذوقيه من عندي وياريت على ارض الواقع وليس في مجرد صور فقط
المهم وبالمناسبة مادام جابك ربي حتى لعندي هل انت هنا نور المديرة ام تشابه في الاسماء أم اعجاب بالاسم ولماذا اذا كنت المديرة وماهي الاسباب ههههه
كل مانجي نكتبلك رسالة شخصية نعجز وليوم جيتي عندي هههه
تحياتي .

يعني تقطعيهم قبل في الروبو و مبعد تقليهم؟؟؟؟؟شكرا حبيبتي

يعطيك الصحة اختي خوخة رائحتها من بعيد تشهي شـكــ وبارك الله فيك ـــرا لك … لك مني أجمل تحية .

واه حبوبتي مون لايت .. قليت الشحمة مع شويا زيت ثم وضعت كل ماطحنته في الروبو يتقلاو مليح مع باقي المكونات والملح وقليلا من جومبو خروغ ههه
راكي معولة يامون الشاطرة تبارك الله عليك ..
موفقة يارائعة .

الله يسلمك حبوبتي فتيحة سوف
نورتي الموضوع والتحية متبادلة

هههههه والله غير علابالي يامون بلي شاطرة صح وتخلعيه تاع الصح غير ماتخافيش
كوني اكيدة انك مرا ونصوويلا ماآمنش سعيد هههه يسقسينا نقولولو ههههه

السلام عليكم يعطيك الصحة يا خوخة الحلوة عجبتني طريقتك و باذن الله نديرها