الوسم: الرمضانية

سمحولي هدا فين تعلمت نرفع الصور

لا يوجد صور حاولي مرة اخرى

عاودي حمليهم

تحية طيبة وبعد….
هذا رمضان على الابواب
ولازم كل واحدة تعمل كم من طبق
وتنوع كل ليلة
طبعا من منطلق الثقة المتبادلة في نجاح الطبق
واش تقولو لو نعملو فيها قعدات نحكو فيها على الطياب تاعنا
طبعا مناطقنا ثرية بالذ الاطباق
هذي حلويات
هذي تحليات وعصائر
هذي سلاطات
هذي طواجين وشربات
باختصار اذا تبادلنا الخبرات مانلقاو مشكل مع التفكير
وتتنوع الموائد من ايدي الشاطرات حواء الجزائر
هيا انا عازمتكم على قعدة اخوية فيها قهوة من عندي والحلوى عليكم هههههه
اتمنى التتفاعل والتقييم والافادة والاستفادة
والله من وراء القصد

اختكم ام ادريس

وين راكم يا حواء الجزائر
ولا ماعجبتكم الفكرة حتى الان لا ردولا تفاعل
صراحة انا عاجبتني بزاف
لان مسالة التفكير في طياب رمضان تطرحها كل النساء
فقلت احنا نبسطوها بيناتنا ونتبادلو التجارب هنا
مازال عندي الامل في حواء الجزائر
تحية طيبة

السلام عليكم ورحمة الله وبركاته

وأنا أيضا عاجبتني الفكرة وخاصة اجتماع الأخوات الحبيبات أتمنى لكن قعدة مريحة إن شاء الله وكل رمضان وأنتن الى الله عزوجل أقرب.

نورتي الموضوع حبيبتي الجنى الداني
اضن ان الفكرة عجبتنا احنا اثنين فقط
اين بقية الاخوات
المهم اني سابدا باسم الله
شربة فريك
في قدر تضعي قطع اللحم +البصل مقطع+سنينات ثوم مبشور+ البقدونس مقطع +الملح+الزيت +التوابل+الطماطم المصبرة +حبة طماطم مرحية او مبشورة+كمشة حمص منقوع وتقلي على نار خفيفة ثم تمرقي بنص كاس ماءوتتركيها تتغلى حتى تتداخل المكونات
ثم اضيفي من 2ل ـ3ل ماء ولما يتغلى الكل + الفريك المنقى والمغسول
خففي النار واتركيها حتى ينضج اللحم وتثقال المرقة طفي النار ورشي عليها قليل من التوابل وحكي كذلك بين كفيك النعناع اليابس او قطعي البقدونس وغطي القدر
ملاحظة البعض يحطو بطاطا و قرعة حتى تقل
وبالصحة والهنا والبنة الهايلة

حتى أنا عجبتني الفكرة
راح نسبق الجميع ونقولك على أول يوم لامضان عندنا
للفال يقولو لازم يكون اليوم الأول فيه الحلو باش يفوت كامل الشهر حلو
أنا مائدتي لأول يوم يكون فيه الحليب والتمر والحريرة
البوراك
وأيضا من عادات عائلة زوجي أنهم يديرو شطيطحة دوارة والملفوف كل يوم أنا تعلمتها وبقيت نديرها
لورداف يومي لازم تكون على الطابلة لأنها خفيفة وغنية بالخصر
الفلفلة أيضا اللي تسموه في الشرق الحميس
طاجين حلو أنا اليوم الأول نجمع قيه البرقوق والزبيب والمشماش الجافين
وأيضا طاجين الجلبان والفواكه
هدي عادتي كل سنة في أول رمضان

مشكورة حبيبتي كروانة
لكن هل ممكن توضحيلي عكيفاش تعملي طاجين الجلبان و الفواكه

أم ماريا صباح الخير
أنا كنت نقصد طاجين الجلبان وحده
والفاكه وحدها
الجملة جات لاصقة ههههه
بصح في رمضان ولأنو راه الحمان يعني السخانة نبغي ندير سلطة الفواكه تجي خفيفة بعد أكلة دسمة

ايه لصقت الكلمة و دارت طاجين جديد
أنا بروحي قلت ما شي معقول الجلبان مع الفاكهة
المهم ربي يحفظك ان شاء الله
مشكورة

واش راكم يا البنات
مع هذا السخانة تنفع غير القراتان في الفطور
وهذي تاع الرز
طيبي الروز وحدووتبليه
طيبي الحم المفرووم مع البصل والتوابل والبقدونس وحدو عادي
ثم في صحن الفرن المدهون بالزبدة تحطي طبقة روز وطبقة لحم وفوقو الروز
وتسقيه بشوية صوص وفوقو فرماج
دخليه الفرن مدة ربع الى 20 د غير ينشف
وبالصحة والهنا
اللي عندها انواع كراتان تفيدنا بها
على خاطر المشكلة دايما في الطبق الثاني
واللي عندها استفسار تطرحو على اخواتها دون تردد
حتى تعم الفائدة

السلام عليكم يا البنات
أنا فيما يخص مائدة رمضان
الطبق الأول هو الحريرة و لا استغناء عنها و لا ممكن نبدلها بأي نوع من أنواع الشربات الأخرى (لا يجوز هههههه )

الطاجين الحلو
في اليوم الأول نطيب طاجين حلو باش الشهر يمر حلو هذه عادة و أيضا في ليلة النصف
و يكون إما طاجين البرقوق/ طاجين السفرجل/ طاجين الفواكه الجافة(مشمش،أناناس ، شريحة) أو طاجين الزبيب المعسل

المقبلات و المعجنات
عندي نهار بنهار نطيب البوراك أو الفلفل الحلو أو معقودة هي أطباق لازمة في مائدة رمضان بصح ما نعملهاش كل يوم أنوع كل يوم طبق

السلطات
ضرورية و لا استغناء عنها و كل يوم نوع
– سلطة الأرز بالخضر و المايونيز
– سلطة الباربا
– سلطة الجزر المشرمل
– سلطة متنوعة

الطواجين .
– طاجين الجلبانة
– طاجين البرانية
– طاجين الزيتون
– طاجين الفطر بصلصة البيضاء

أو نستبدل الطاجين بطبق في الفرن
– أي نوع من القراتان
– يسطيلة
– سمك في الفرن
-خضار محشية بالكفتة
– الدجاج المحمر في الفرن

و في بعض المرات تكون إضافات
– دجاج كنتاكي
– السمك مقلي
– كروكيت
و القائمة طويلة

و مرة على مرة نجرب وصفة تكون جديدة من كتاب أو حصة تلفزيونية أو من النت

و في الأخير كاين الديسير
نحب نعمل الفلان- محلبي – مهلبية- الديول بالكريمة – القطايف- بسبوسة أو الصامصة ……..

و في الأخير نتمنى لكم رمضان كريم
و كيما يقولوا أولاد بلادي صح رمضانكم

تجهيزاتي انا حواءالجزائر الرمضانية (متجدد)اليوم جبتلكم بعض من تحظيراااتي البسيطة لرمضاااااان شوفوها معايا

اولا شريت المرمز للحريرة راها غالية شريتها ب50 و60الف وكاين حتىب70الف للكيلو وهي لالالالالالالالازم عندنا

تحظيراتي وجدت الثوووووم وطحنتها اي غابيتها وعمرتها في بلارة ونحطها في المجمد نلقاها واجدة

ومن قبلها وجدت لاشابلييييييغ باش نلقاها واجدة

وشريت الزبيب ونقيتو باش حتى هو يكون واجد
وشريييييت راس الحانوت والفلفل الاحمر فلفل اسود باش نخملهم

ومن تحضيراااتي ايظا جبت الفليو وحطيتوييبس
وشريت النعنااااااااع وظروك نيبسو

وشريت كيلو تمر توجااااد للاحتياط من ارتفاع الاسعاااار ههههههههه لازم

مشاء الله عليك نور عينيااا اقصد نور هان
الله يبارك ليك
هاذا اول رمضان ليا في بيتي
مام انا وجدت البهارات
الرند يبستو _زعيترة_قصبر_زريعة البسباس حبة لحلاوة_الكبابة_شيبة الشيخ_جوزة الطيب_
النعناع يبستو اليوم لقيتو يبس الفلفل الاسود _نجمة الارض_ القرفة _الزعفران
تشيشة المرمز غربتلها ودسيتها مزالي الزبيب وصوالح اخرى
شابلير عندي من قبل ونزيد
بديت في الميناج غسلت كامل الصالون البيبلوتاك النافذة سيقتها مسحتلها المابل والشمبرا ثان لي يقعدو فيها النسا تهنيت منها باه مباعد نعاود غير حاجة خفيفة
باه مبعد تبقالي غير الكوزينة نتلهى بيها مليح

يعطيك الصحة نوورهان منكم نستفيد

مشكوووورات يا الغزلالالالات

ياريت صورتيلنا توجادك يا الغالية ياندى الجزائرية هكا نتعاونو ونستفادو من بعض بالصور وانا ما فهمتش بعض العقلقر لوااش يصلحو مثل

شيبة الشيخ ”

عرفتك تسالي عليها ههههههه
شيبة الشيخ تندارللشوربة تجي روووووووووووعة وترمي غير شوية قد ظفرك لخاطر الا كثرتي تمرر الشوربة
والثوم احنا موالفين نقوه ونخلوه في بلارة غير نجبدو نرابو اما فكرتك مليحة باذن الله نجربها
والله غير اصلا كنت رح نصور انتظروني~~

ان شااااااء الله نشوفو توجادك بالصور ومشكورة على الاظااااااح

عفوا حبوبة

شكرا نورها ن جميلا مافعلت مزيدا من الءجتهاد واصلي

الله يبارك عليك يانورهان استفدت بزاف.
انا راني مع الميناج هاد الاسبوع اليوم غسلت الغرف وغدوة باذن الله ندير الصالون في الحقيقة غسلت كامل الدار في افريل جات اختي عاونتني والان راني نجوز حاجة خفيفة. ان شاء الله كي نكمل الميناج نعاندك ونرحي الثوم ونكونجليه. بالنسبة للتوابل ( راس الحانوت والعكري) والفريك شريناهم زوجي وصا قريبو من بسكرة جابهوملو. وباقي التوابل شريتهم من السوبيرات.

يا عمررررررري عليكم نورهان وعمتوا ندى يا فحلاااااااااااااااااااااااااااات
شفتوا عمتي شاطرا مانش خارجا ليها واعععععععععععععععع
صحة وعافية هيا صح
الله يعطيكم صحة
ندوشة والله كي قريت عرفتها تسالك على شيبة شيخ
سر عائلة علاه تقولي
هههههههههههه

لا كرام من صنعي

اles fausses cuisses

قلب اللوز تع ماما

دولمة طرشي اممم جات هايلة

كباب

تحلية

اطباق البارح

اليوم

تارت او سيتحون

قطايف

و الحمد لله

السلام عليكم
ماشاء الله كلشي هايل ويفتح النفس
الله يديمها نعمة ويحفظها من الزوال

وعليكم السلام
شكر ا ليك
ااامين

تبارك الله ما شاء الله …
تسلم الايادي امونة ….
الله يدومها نعمة حبيبتي …
٤٤٤٤٤٤٤٤٤٤٤٤٤٤٤

4444 كلشي متحوف ويشهي سخفتيني ربي يدوم النعمة

روووووووووووووووووووعة اطباق بتشهي

خاصة التحلية يممممممممممم واش درتيلها
القلب اللوز رائع

-بصحتكن اختي امونة
كل شئ رائع و متقن صح رمضانكم
اتمنى ان تكتبي لي وصفة قلب اللوز

كلشي ممتاز ويشهي يا الفحلة يعكيك الصحة

كلش هايل ويعطيك الصحة الله يدومها نعمة

الله يهنيك وان شاء الله راح يدي مرا ونص

فحلة الله يبارك ياسعدو اللي انتي من نصيبو ربي يتمملك على خير ونشوفو كوزينتك كيف ترتبيها يا الفحلى
صح رمضانك انتي وكل العايلة [/center]

يعطيك الصحة صندريلا اديتينا في جولة للمطبخ تاعكم وانتي بارك الله فيك

ماشاء الله طبعااااا يتكلو عليك يا لقافزة ان شاء الله هكذا كي ترتبي بيتك و تفرحي يااارب

ما شاء الله عليك مرا و نص

الله يبارك
اكيييييييييييييييييد نتكلو عليك

السلام عليكم ورحمة الله تعالى وبركاته
نرولا عند طلب اختي سامورة
حبيت نوريلها طريقتي في طبخ الشربة فريك او كيما نقولو حنا في الشرق الجاري
صدقوني تجي بنينة ومكانش اللي ما ذاقهاش وما عجباتوش
بنينة وخاثرة

المقادير
زوج حبات بصل متوسطةالحجم ثلاث سنات ثوم حبة جزر صغيرة حبة طماطم مرحية صغيرة شوي كرافس التوابل لحم ودجاج زيت
فريك يكون من النوع الجيد
طماطم مصبرة
دبشة

حطي كلشي مع بعض مايهمش ترابيهعم خليهم قطع كبيرة لانك رايحة ترحيهم من بعد
خليهم يتقلاو على نار متوسطة

كي تتقلى ضيفيلها الماء

الماء ماتكثريش بزاف \ظƒظٹظ…ط§ موالفة تعملي \

مرقي ومبعد تغلي شوي نحيها من على النار وصفيها ارحي كلشي كيما في الصورة وكي ترحيها ضيفيلها للشربة

زيديلها طماطم مصبرة

وحطيها على نار متوسطة

كي تغلي ضيفيلها الفريك ونقصيعلى النار خلاص
ماتنسايس حبة فلفل حار ماتحليهش خليه مقفول واذا تحبوالحار حليه

حركي مرة على مرة

وشهية طيبة
هذه هي طريقتي في الشربة ان شاء الله تعجبكم

يعطيك الصحة أختي أنا نزيد الكورجات و نرحي ممبعد

ياه الميكسور تاعك زي تاعي شوربة هايلة انا تاني نحبها

يعطيك الف عافية شكرا

امممممممم جاري وعليه لكلام انا نرحي كلش علول ونقلي. ومنديرش الزرودية فيه. ان شاء الله نجرب طريقتك حبيبتي .بصحتكم

الله يعافيكم ويسلمكم منورات

مشكورة اطياف علي تقديم الوصفة بالخطوات المصورة
انا طريفتي زي خلاف شوي
ان شاء الله نحط طريقتي وتشوفوها
هكا نتعرفو علي انواع طهي الشربة (جاري)
شهيتيني فيه
بصحتك

امممممممممم تشهي الوصاف .بارك الله فيك اختي ….من فضلك واسمحي لي في منتدى مكتوب ياريت تحذفيه .

رائع بارك الله فيك

شكرا على الطرح عجبتي الوصفة الأخيرة تاع الروز وطبعا ماش راح نستنى رمضان ههههههه راح إنجربها

الله يعطيك الصحة

مشكورة حنونة يشهيو
رايحة نجرب منهم بإذن الله لأنهم ساهلين
بوركت على النقل

yaaaaaaaam
surtout riz

والله اول مارايت كلمة حنيفيات قلبي بدا يدق بسرعة وقلت هذي حبيبة قلبي ام الحلوات
توحششششتك
وتوحشت اكلاتك المميزة
هايلين ان شاء الله نجرب طريقتك اثق فيك
صح رمضانك

دعائي لك الله يحفظلك الزوج الكريم والحلوات حبيبات قلبي عريساتي في زوج واحدة للؤي وواحدة ليحي واللي جاية لمعاذ هههههه حكمتهم كامل

يعطيك الف صحة وعافية واشكرك على كرمك وطيبتك والقائك المتميز للوصفة

ربي يتقبل جميع اعمالك الصالحة

مشكورة اختي

يعطيك الصحة روعة

يعطيك الف عافية
ساهلة ماهلة
قيد التجريب ان شاء الله

توحشتك حنونتي …
كان مكانك مميز و مواضيعك و وصفاتك تشهي …
الله يعطيك ما تتمني و يكملك واش ناقصك ، الله يحفظلك زوجك و بناتك الغاليات …
راهي تشهي ….
سخفتيني …

السلام عليكم
ايسموهم ايضا المريوحات صح؟
بارك الله فيك او ربي يعطيك واش تتمناي اختي
شكرا