الوسم: الخدمة

السلام عليكم
حبيت نحكو في موضوع المكوث في البيت بعد الزواج من خلال تجاربكم

الفتاة اللي تكون تخدم قبل الزواج وتحبس الخدمة بعد الزواج
هل رايحة تلقى صعوبات مع الوضع الجديد حتى واذا كانت حبست الخدمة بقناعتها؟
كيفاش رايحة تواجه الروتين اللي ممكن تتعرضلو؟

هل ممكن يجيها نهار وتندم؟

ياريت اللي عندها تجربة تشاركنا

السلام عليكم ورحمة الله وبركاته..

والله هدا الموضوع جا في وقته..

انا نخدم استادة لكن بصفة عقود ما قبل التشغيل..

وصراحة بعد ما جا ابني والعام اللي فات ماخدمتش تقريبا ومع العطلة تاع الصيف والفت الجلوس في الدار..

ومن يومين رجعت نخدم ..

وقاعدة نفكر نحبس..

لان شايفة بلي مكانش امل في الادماج وحاسة راني نضيع في وقتي..

لكن خايفة نندم كي نحبس..

الحمد لله حالتي المادية جيدة وحبيت نخدم باش ما نقعدش في الدار..

وزوجي عادي معندوش مشكل قالي كما تحبي..

درك راني محتارة خصوصا مع المشاكل اللي تواجه العاملين في عقود ما قبل التشغيل….

نشوف تجاربكم ونقرر…

ربي يوفقك اختي لاتخاذ القرار السليم

موضوع جد مهم يفيد كل اخت مقبلة على الزواج العاملة طبعا احلى تقييم
انا لم اشتغل ولا يوم في حياتي لذا ليست لي اية خبرة
ولكن من واقع قصص عديدة وتجارب اخوات اعرفهن ان معظم من تتوقف بعد الزواج عن العمل لا تحس في الايام الاولى ولكن بعد ذلك تصاب بملل شديد باعتبار التغيير الجذري في حياتها بعد ان كانت تنهض يوميا الى مكان ما وتقوم بروتين معين لتجد نفسها بين اربعه جدران \ لست ضد الشغل ولست ضد البقاء ايضا في البيت ولكن احكي مااسمعه
موفقات

مشكورة اختي اطياف على المشاركة
الحمد لله تهنيتي من تكسار الراس هههههههه

أنا بالنسبة ليا المرأة اللي توالف تخذم ما تقدرش تحبس
أنا نخدم عقود ما قبل التشغيل و راني نخمم كي تخلاص الكونترا وش ندير؟
قعاد الدار راني نكرهو و ثاني محتاجة الخدمة نحب نشري حوايج بزاف و زوجي ما يعطينيش يعني شوي بخيل هههههههه

و ثاني نعرف بزااف نساء حبسوا الخدمة بعد الزواج و ندموا ندم شديد و رجعوا يحوسوا عليها

ربي يسهلك اختي فيض المحبة وتلقاي خدمة

انا راني خدامة في لاكراش مي بعد الزواج راحة نحبس الخدمة ونقعد في الدار مارنيش خايفة من قعاد الدار لانني عيت وحابة نقعد في الدار مام الخدمة برا تعيي سيرتو المراة المتزوجة رغم انها تنظم وقتها مي لي قاعدة في الدار تعرف تربي ولادها تحس بروحها ام ومراة نتاع دار وللكل راي خاص

السلام عليكم ارجو ان تساعدوني في اتخاد القرار في صغري كنت تلك الفتاة المجتهدة والنشيطة وبقيت على هدا الحال الى ان تحصلت على الليسانس بامتياز بعد التخرج عملت في اطار عقود ما قبل التشغيل خلال هده الفترة تزوجت وكان شرط اهلي الوحيد هو ان ابقى اعمل …انتهت مدة العقد تزوجت ..جاء الطفل الاول والتاني والثالث انشغلت بتربيتهم في الحقيقة لم ابحت عن عمل وحتى زوجي لم يشجعني على دلك فكان يرفض فكرة الحضانة لاطفال صغار …………………… ومرت الايام والسنين فندمت على بقائي في البيت واحسست ان تلك السنوات ضاعت مني خاصة عندما ارى زميلاتي في مراكز مرموقة وفي وضعاجتماعي احسن مني 00واليوم عندما قررت العمل فالناس المقربين يسخرون مني ويقولولي لي خدم خدم بكري .سمحولي طولت عليكم

أنا نصيحتي شوفي زوجك و إحتياجاتك المادية
إذا كنت محتاجة سواء مادية للمال أو معنويا للترفيه عن النفس و إتباع الطموح و كان زوجك موافق و مافيهش ضرر للأولاد إتكلي على ربي
أما إذا كنت مهنية و شايفة أنو زوجك رافض الفكرة غير ماكان لاه

Edar khir akid

madomk konti trabi fi wladk ya3ni makhsarti walou wmaday3tich wktek khsara khami mlih wchawri zawjek wrabi ysehlek
wa hadi nfse mochklti ana tani hayra bin wladi lwalfthom wa el khadma li jamis jarbtha

احتي مثل ما قالت الاخت..ثقتي بربي……

رنزيدك حاجة…لوكان راك تخدمي…ومراكيش متزوجة…يقولولك…واش نفعاتك هذ الخدمة…دوك تدي لا روترات وتلقي روحك وحدك كي الغولة لا راجل لا ذرية……
ويبداو يندموا فيك على النهار لقريتي فيه وخدمتي فيه……

اختي ارضاء الناس غايز لا تدرك..وخصوصا اذا كان الأمر…يخصك شخصيا…والله ماعلابالي بوااااااااااااحد…..خليهم يهدروا…..
اختي الشيطان لما ميقدرلكش يبعثلك شيااااطيييييين الإنس……

اختي احمد الله…زوج……ذرية….بيت……مستووووووورة….و اش حابة اثر من هاك وتاليتها المووووووووت…..
اختي شوفي حالك مع الله……..هو الصح…اما الناس كيما تقول امي ينحولك اللباس من فوقك….( قالتنا زمان كان عندي فستان وجميل…ولكن ةل ما تجي وحدة تقوللها حاجة عليه حتى كرهاتو وبااااااااعتوووووووووو)…

اختي الله اختارلك الزواج…والسترة….فلا تختاري ما يرضاه الناس…وينقلبوا عليك….لا حقا……

البيت نعمة…….لا يراها الا من حرمها!!!!!!!!!!!

ربي يوفقك اختي ونظن البنات فادوك