الوسم: البساط

ما شاء الله

بصح والله يتعبو انا قبل عرسي بيومين نحيت بساط بصح طحت مريضة

ويلا ف عقلك اخدمي بصح فرشي مليح تحتك باه متمرضيش

و كل ما زيرت يجي خير

ما شاء الله حبيبتي ام يوسف غير كملي راكي 444444444444444

يعطيك الصحة ختي راكي فحلة الله يبارك

بسم الله ما شاء الله خدمة متقونة غير واصلي

يعطيك الصحة و ربي يبارك فيك يا سعد من كسبك في دارو

ربي يعطيك الصحة مرا ونص
حبيت نسالك
ادا خدمتيهم بالصوف
وشحال طول الكتان
وكفاش شديتي اصراف الكتان
على خاطر الاخت بدرة ربي يحفظها ورات هدوك الخشبات
انت خدمت بهم ولا لا

قاع ماشي ملاح يليق تعاودي وحدا أخرى و تصوريها بالتفصيل من البداية تكترينا تصاور باه نعطوك نقطة مليح هههههههههههههه
عنداك هايلين علا هادا عاودي وحدا اخرى بالتفصيل باه نتعلم منك انا نخيط عادي و حابة نتعلم كيما نتاعك 02 الوان

الله يبارك شباب ماشاء الله هادوا يتخيطه بالماشينات ولا باليد

هذا يتخيطو بليد وأول مرة خرجو في ولاية برج بوعريريج ……. تقبلي مروري

السلام عليكم و رحمة الله و بركاته

حبيت نعلمكم طريقة صنع البساط الجزائري …
و لا أكتمكم سرا إذا قلت باني وجدت صعوبة بالغة في البحث عمن تعلمني … و لكن للأسف
أصبح معظمنا بخلاء جدا من هذه الناحية …

لمن يهمها الأمر …
تغلفي أربعة ألواح باقمشة مستعملة …

تخيطيغلاف البساط علىحواشي الالواح

تسوين الصوف جيدا في وسط الألواح

ثم تخيطي الغلاف الثاني …أو الغلافان إذا حبيتي صنع بساط مكوي

ترسمي الأشكال ألي حابتهم بالقلم

ثم تخيطين بالإبرة و الخيط متتبعة الخطوط أو الرسوم التي خططتها

هنا كي خلصت الرشمة تاعو …راني النحي فيه من الألواح … ألي حطيتهم على ميد أو طبوريات أو صناديق …الخ (باش يجي عالي و ما يغلبكش في الخدمة )

هنا تبداي تخيطي حواشي البساط بهذه الطريقة

تقصين أجزاء من رسوماتك على هذا الشكل

و بساطك جاهز للإستعمال

أرجو أن ينال إعجحابكم

الله يبارك كنت نتمنى نشوف كيفاش يتخدم يعطيك الصحة و الله يجعله في ميزان حسناتك حبيبتي

اختي بارك الله فيك فهميني كي تقصي المربع الحواشي تاعو تبقى مسنسرة وش درتيلها؟؟؟؟

نفس السؤال لي دكرتهولك أم عبد الرحيم راني حابة نفهم كيفاه دير لجناب كي تقطعي المربع فسريلي مليح تعجبني هاد الخياطة و مفهمتهاش انا نخيط عادي البساط نتاع زمان و ربي يحفضك

يعطيك الصحة كنت نتمنى نتعلم هاذ الطريقة انا نخيط غير العادي ربي يجازيك

حبيت نسقسيك اختي هاديك اللوحة لي نغلفها وين نلقاها انا نخدم البساط بيدي ونتعب فيه بصح اللوحة ماتعييش وين نلقاها اختي ويعطيك الصحة

اللى تحب تستفسر على كيفية لبساط انا فى الخدمة

لحواشى كتخيطهم كملى خياطة لبساط ومبعد احكمى ابرة واخيط ولفى الحاشية للداخل وخيطى خياطة العين الساحرة اجيك كانه خدمته بلمشينة متبانش خلاص الخياطة انتاعك واى استفسار انا فى الخدمة

كيما قالت أختي أم محمد الأمين …

و أستناوني ذرك نوريلكم الصور …

راني زربت حطيت الموضوع و كاين صور ماتحملوليش

النت ثقيلة …

مشكورات حبيباتي على المرور

ما شاء الله الله يبارك
جعله الله في ميزانك حبيبتي
علمك الله من علمه وانزل عليك من فضله يا رب