اخواتي عضوات المنتدي لكل ام وبغض النظر عن عمرها كنت البارحة في زيارة للاهل وتبادلنا اطراف الحديث تحدثنا كثيرا وفتحنا موضوعا لم نتوصل بعد لنتيجة نهائية وكان الاشكال المطروح هل تربية البنات اسهل ام تربية الذكور؟؟؟؟؟
كانت من بين الحاضرات امين لهما اولاد ذكور وفقط قالوا ان تربية الذكور اصعب لانهم الجنس الخشن…. وانا قلت ان تربية البنات اصعب لان البنات ضعيفات القلب وينسقن وراء عواطفهن كثيرا
لان الموضوع لم ياخذ حقه في النقاش ولان الامهات لم يكن بكثرة احببت افتحه معكن
لنشارك جميعا ونجيب على السؤال المطروح اليكن الكلمة
انا من خلال اخواتي
لقول ان تربية الاولاد اصعب من تربية الابناء
اختي عندها ولدين والله دايرين بيها حالة ظل تنصح وتضرب بلا فايدة وديما يروحو غي الحاجة الدونجي والله يهبلو بسلامتهم
وعندي بنت عمي عندها 4 بنات ما شاء الله فيهم حقهم بصح مش كيف الدكور لانها من بعد صابت ولد والله دماير فيها التير ههههه
ومرت لد عمي عندها ولد هداوين عندو عام و3 اشهر والله مماه قد واعرة بصح يدير غير اللي في راسو
هدا راي الشخصي
tadrab khasatan wald am3a tatrab oukhtha sghrira ines 5mois et demi
sa3at tasma3ni w sa3at rasha khchin
oukhti andha 3 doukour wra ba3daha machalah rabh
kalatha ali tgoul
sa3at nod nabki ngoul balak marabithach mlih w sa3at ndir l courage ngoul malazemch nay aas
rabi isalaham inchalah w khsatn ahna aloi saknin fi diyar alghoraba
rabi yahdi benti yasmine inchalah
و البنات كدلك تربيتهن صعبة فترين الام تربي و تنصح و تعلم الا انه بمجرد خروج البنات الى المدرسة او الى الخارج انها تقلد صديقاتها و يؤثرن عليها بآراهن، و الله يهدي بنات الجيل الجديد ادا شافو واحدة عاقلة و خاطيها يرجعوها معقدة و رجعية و ادا كانت تلك البنت ضعيفة الشخصية ستبدل تصرفاتها حتى تثبت لهن انهن مخطئات و انها عصرية و مثلهن
يعني الوالدين يربو و يقرو و يفهمو و ينصحو و لكن للشارع و المجتمع دور كبير و للاسف في وقتنا دور سلبي اكثر مما هو ايجابي
يعني هدا حسب رأيي المتواضع
علابالي خلطها دارجة و فصحى مي ماعليش،هههههههه
انايا مثلا عندى اربع دكور وبنت ومع التجربة اكتشفت انا تربية الدكور و هوما اصغار ساهلة وكى كبرو صعبتلى امع الطلبات اديالهم والبنت مازالها اصغيرة عندها عامين شنشفتنى تبكى بزاف تتعلل متقبلش غير امعايا لازمها دايما تتعبا ..بالاك كى تكبر اتبدل …حتى قالولى حوستى اعلى الطفلة اشبعى من اوعارتها ..وكل واحد او كيفاه تيجى اضنايتو كاين الى لولاد ساهلين او كاين الى لبنات والله اعلم …شكرا على الموضوع يااخت …..