هاذا اول موضوع ليا في القسم جيتكم بالبيني
راني درت كيلو الخطرة هاذي خاطر جربت لاروسات الخطرة اللي فاتت ب رطل و عجبتني بصح جاتني
شوية معجنة و هاذا على خاطر درتها خشينة شوية 
الخطرة هاذي صححت الغلطة 
المهم
في كيلو فرينة
4 بيضات كبار
80 غرام خميرة خبز يعني 5 مغارف قهوة تاع خميرة ..ماتقولوش بزاف راهو الحال بارد و خميرة ظرك
مليحة ماتعملش الريحة
100 غ زبدة ذايبة..كنت كاتبة كاس غير ربع زيت و زبدة بصح بزاف بزاف دهون خاطر راح تتقلى
140 غ سكر عادي
ملح
و باكي خميرة الحلويات باش تخففها 
وحليب دافئ لجمع العجينة
تخلطو المكونات على خطرة وحدة و تضيفو الحليب و انتوما تجمعو و تعجنو في نفس الوقت بصح ماشي تدلكوها
والسر يا بنات انكم تخلوها تخمر و تكسروها و تعاودولها 3 خطرات ..هاذا السر تاع عزوجتي الله يحفظها 
كي تكسروها 3 خطرات تلقاوها بعد طااااااااااااالعة تهبل
تحلوها نص سنتيمتر و تقطعوها و تزيدو تخلوها تخمر و بعد القليات طبعا على نار هادئة وبعد نفوتوهم في السكر
والعجينة هاذيك اللي تحلت و عاودت جمعتها خليتها ارتاحت و اخترعت منها بريوش
هاذا ثاني اختراع عزوجتي ههههههههههه 
يعني 2 في 1
نظافة ريحة و توفير هههههههههههه بصح هاذو 3 في 1
هاذو الصور يا حبوباتي و البيني جاو فارغين من الداخل
وزيد راني خبيتهم في الكونجيلاتور خاطر شمخت كيلو …وراني مجربتها من قبل
نخبيهم في صاشي تاع الخبز عادي وكي نسحقو نجبدوهم ..انا موالفة ديراكت نسخنهم في الميكرو اوند
ويرجعولي جدد
هاذو البيني
وهاذا البريوش
وراني درتهم خاطر راجلي يرجع من الخدمة نهار الخميس ان شاء الله ..هكذا مانطيب والو السمانة الاولى ههههههههههه
:smil e04:
اذا عجبكم طبقو وبصحتكم
الله يعطيك الصحة
: 1_140: و ارواحي هناتي نخبيلك حقك بصحتك
زوجك رايح يفرح بيك
:LOVE___by _Chibivill بصحتك و صحة الزوج المحترم ربي يجيبو بخير عزيزتي…
بيانسير و انا اول الطبقات و ان شاء الله غدوى نديرلك الصور…و البريو شفي واه طيبتيه؟؟؟؟؟؟؟؟؟