سلام عليكم حبيباتي العد التنازلي بدأ علي الخاتم نتاعي راني باغيا تعاونوني بافكاركم وتسلكوني لاني ماعندي حتي حد من غيركم عندي اختي اكبر مني متزوجة في فرنسا مكانش كي توقف معايا والله غير كلشي طاح علي راسي سمحولي طولت عليكم شوية.. مذابيكم تقولولي لي فاتو علي هذه المرحلة كي فوتو هذا النهار قولولي واش نلبس والحلويات تاني معرفتش واش ندير اعطوني رايكم راني متوترة بزااف راهي غايبتلي في بزاف صوالح مالقيت حتي حد يعاوني راني غير انا وماما وهي ماتعرف والو تقولي غير دبري راسك سمحولي يلا قلقتكم معايا ربي يجازيكم
ربي يكملك حبيبتي و ربي يهنيك ان شاء الله و و الأهم يكون صح هذا الراجل هو للي يستاهلك و يحطك في عينه ..
المهم العادات تختلف من منطقة لأخرى ، انت تقصدي الخاتم هي الخطبة الرسمية ماشي الشوفة ؟
الأكيد علابالك شحال راح يجيب من ناسه و انت شكون رايحة تعرضي بالتقريب كم عدد الأفراد وواش من وقت رايحين يجوك ، بعد الغداء او غداء او عشاء ؟
اهلا اختي اولا مبروك عليك ربي يتمم بالخير .
ثانيا ما عندك علاه تتقلقي كلش يجوز هايل باذن الله.
تلبيس الخاتم يعني الشوفة تكون عادة صغيرة يجو اهلو فقط يشوفوك اول مرة و يلبسوك الخاتم .
ديري 3 او 4 اصناف تاع حلوي بريزونتابل او اكثر اذا قدرتي . و البسي حاجة سامبل و انيقة . او خليجية او قفطان شباب .و شعرك ديريلو تسريحة سامبل .
شوفي كل منطقة و عاداتهم . رح نقولك في الشوفة تاعي كيف درنا .
طبعا وجدي كلش قبل ما يجو ( عيطي لخالتك او عمتك تعاونك او اي وحدة من بنات العايلة او صديقتك المقربة مستحيل تسربي وحدك نتيا و امك لازم تقعدو معاهم )
حطولهم اول حاجة البغرير و المشروبات الغازية و العصير . ثم القهوة و الحليب و الحلويات .
و من بعد احنا درنالهم عشاء شخشوخة و شوربة فريك و مثوم و سلطة …. وش تقدري
و بعدها لاتاي و مكسرات و حلويات معسلة. ( احنا طولو شوية عندنا لانهم جاو من العاصمة)
و كي جاو رايحين اعطيناهم بلاطوات تاع حلوي و بقلاوة و سميد ووونسيت اكزاكت حسب عاداتنا
و انا درت هدية لعجوزتي.
اتمني اكون افدتك
ثانيا ما عندك علاه تتقلقي كلش يجوز هايل باذن الله.
تلبيس الخاتم يعني الشوفة تكون عادة صغيرة يجو اهلو فقط يشوفوك اول مرة و يلبسوك الخاتم .
ديري 3 او 4 اصناف تاع حلوي بريزونتابل او اكثر اذا قدرتي . و البسي حاجة سامبل و انيقة . او خليجية او قفطان شباب .و شعرك ديريلو تسريحة سامبل .
شوفي كل منطقة و عاداتهم . رح نقولك في الشوفة تاعي كيف درنا .
طبعا وجدي كلش قبل ما يجو ( عيطي لخالتك او عمتك تعاونك او اي وحدة من بنات العايلة او صديقتك المقربة مستحيل تسربي وحدك نتيا و امك لازم تقعدو معاهم )
حطولهم اول حاجة البغرير و المشروبات الغازية و العصير . ثم القهوة و الحليب و الحلويات .
و من بعد احنا درنالهم عشاء شخشوخة و شوربة فريك و مثوم و سلطة …. وش تقدري
و بعدها لاتاي و مكسرات و حلويات معسلة. ( احنا طولو شوية عندنا لانهم جاو من العاصمة)
و كي جاو رايحين اعطيناهم بلاطوات تاع حلوي و بقلاوة و سميد ووونسيت اكزاكت حسب عاداتنا
و انا درت هدية لعجوزتي.
اتمني اكون افدتك
هادي فالشوفة . بصح الخطبة تكون تعرضي احبابك و جيرانك و تعملي حفلة كبيرة و هوما يجوك بزاف
هنا تكري لا غوب تاع الخطبة و تديري نفس الشي و ممكن توزعي عليهم علب تاع الحلوة . و عادة احنا تكون نهار الفاتحة او العقد الشرعي . و يعطوك الصداق .
هنا تكري لا غوب تاع الخطبة و تديري نفس الشي و ممكن توزعي عليهم علب تاع الحلوة . و عادة احنا تكون نهار الفاتحة او العقد الشرعي . و يعطوك الصداق .
حبيبتي جنة روحي الشوفة الاولي صرات هادي خاتم والفاتحة وبعدها بايام العقد وغادي تجي ام زوجي و 2 خواتاتو و3 خالاتو ومرت خالو ومرت عمو علي حساب علمي وحنا تاني خالاتي وجداتي و3 زوجات خوالي والله ماعلي بالي وقتاش يجو راهي بين الفطور ولا مع العشية المهم نديرو فطور ولا عشاء
انا من الغرب راح نساعدك لازم تديري حريرة و طاجين زيتون بالللحم و سلطة و الحلو و القهوة لاتاي حلويات يكونو شابين و الخاتم طبعا راح يجيبو الاهل البسي قفطان ولا اكري غوب برانسيس يكون شباب و شعرك اعمليلو ليبوكل عاديين و ان شاء الله كلش يفوت على خير و نزيدلك حاجة لازم الاهل يجو يسربو ماشي نتيا نتي حتى يتقهوو و يفطرو عاد تدخلي عندهم الف مبروك
ايه كيما راكي تقولي عزيزتي لينا نعرضو لفامي وهوما يعطولنا الصداق والفاتحة تاع الشيخ وبعدها ايام ونعقدو
كيما قالتلك الاخت العادات تختلف من منطقة لاخرى
انا من رايي حاجة سامبل؛ صواري خفيفة
بالنسبة للقاتو ديري قراقش وقاتو اوخر جاهز بالمكسرات
ربي يهنيك حنونة والفايدة في الهنا و ما تكلفيش روحك ياسر
ونشا الله نكون عاونتك
انا من رايي حاجة سامبل؛ صواري خفيفة
بالنسبة للقاتو ديري قراقش وقاتو اوخر جاهز بالمكسرات
ربي يهنيك حنونة والفايدة في الهنا و ما تكلفيش روحك ياسر
ونشا الله نكون عاونتك
ربي يكملك حنونة
شوفي البسي القفطان لي شريتيه ياك نتي صاحبتو ولا رني غالطة الابيض ؟
شعرك روحي للحفافة ديري بغوشينغ وماكياج خفيف لاتبالغي المبالغة تنقلب ضدك ^^
وديري عصير مع بسكوي غولي ولا كاش عفسة
ومبعدا القهوة ولاتاي ديري حلوة لاتاي مثلا مقروط ولا قريوش ولا كاين انواع نتي ومقدورك
الحلوة ديري عرايش تشاراك مسكر ودزيريات برك
وطبعا عمري سنيوة مخلطة كيجور اايحين اعطيهالهم
وبالتوفيق هادا منعرف انا
شوفي البسي القفطان لي شريتيه ياك نتي صاحبتو ولا رني غالطة الابيض ؟
شعرك روحي للحفافة ديري بغوشينغ وماكياج خفيف لاتبالغي المبالغة تنقلب ضدك ^^
وديري عصير مع بسكوي غولي ولا كاش عفسة
ومبعدا القهوة ولاتاي ديري حلوة لاتاي مثلا مقروط ولا قريوش ولا كاين انواع نتي ومقدورك
الحلوة ديري عرايش تشاراك مسكر ودزيريات برك
وطبعا عمري سنيوة مخلطة كيجور اايحين اعطيهالهم
وبالتوفيق هادا منعرف انا
ان شاء الله لبنات تاع اليوم الصغارات واللي غيرما تزوجو يفيدوك ربي يكملك على خير ونحي القلق والتوتر مراحش يخلوك تفكري مليح الف مبروك
سلام حبيت ليوم نوريكم صور من قاعة حفلات بنت عمي بالعفرون رووووووووعة
سني الحنة مثلا
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 692×389.
