التصنيف: الحمل والولادة

السلام عليكم ورحمة الله وبركاته
مساء الخير دكتورة اسفة للازعاج لكن عندي استفسار بارك الله فيك
متل ما عارفة انا حامل والحمدلله عندي 16 اسبوع والجنين بخير الحمدلله
لكن الطبيب شوي خوفني لان لقى الي يقولو عليهم اخوات الصغير اظن المشيمة صح من تحت وتحت وهو المفروض يكون فوق الجنين وهنا العكس هل ممكن يتغير الوضع ويرجعه لمكانهم لان قالي يمكن تكون بعض الخطورة عليا بالشهر التامن
وخاصة انه الضغط عندي بيعلى
وصرت نشرب دواء الضغط بهاد الفترة مع انهم يسببه الم بالرأس رهيب
سؤالي التاني هل دواء الضغط يكون في احتمال حتى بعد الولادة نبقى نشربه يعني يكون ملازمني لان والله اصبت باكتأب لما وصفهولي

وتالت شي اعاني من الم فضيع وهو عرق النساء وصفلي الطبيب فقط فيتامين
لكن لم ينفع ولازال الم مستمر يعني الحركة بطلوع الروح
هل في شي يخفف متلا
وشكرا

شافاك الله

حبيبتي حنانور ربي يشافيك و يعافيك و يكملك حملك بخير بصح ما تقلقيش روحك بزاف هو كلشي يفوت لان القلق يزيد في كلش حاولي ترفعي معنوياتك بانك تشوفي لوليداتك الي راهم قدامك واظبي مع دكتور يكون مليح

طهورا بادن الله حبيبتي حنان هي فترة حمل وتزول بالولادة اليسيرة ان شاء الله
حافظي على نفسية عالية

جزاكم الله خيرا حبيباتي ورقكم الله الصحة والسلامة ان شاء الله
ان شاء الله فترة وتعدي والي كتبه ربي الحمدلله
المهم رضاه وعفوه علينا ان شاء الله
مشكورين حبيباتي واخواتي

الله يسلمك اختي بارك الله فيك وهادا الي انا خايفة منه الرقاد على ظهري يا ويلي وانا ولادي صغار شكون بيهم لكن يلا كتب ربي اهلا وسهلا
اما الم الظهر لا الطبيب قالي انه عرق لسان قالي يمكن عندما تحملي او يبدا البطن يكبر يتوشيلك كاش عرق والله اعلم
ولكن حتى انا الحمدلله يختفي بعد الولادة الحمدلله
بارك الله فيك على التوضيح اختي

اختي مفهمتش عليكي عوديلي رايحة نفيدك ةانا طبيبة اخصائية نساء وولادة وربي يشفيك

السلام عليكم ورحمة الله وبركاته
اهلا دكتورة نبال مش عارفة كيف نعاود الشرح المهم انا الطبيب لقالي المشيمة اظن هو قالي اخوات الصغار انا مانعرفش اسم اخر لهم نازلين تحت والجنين فوق وهو المفروض العكس وقال انه غريب ويمكن بالشهر التامن يكون خطورة لو مارجعوش لمكانهم واش هي الخطورة الله اعلم
وسؤالي التاني هو ارتفاع الضغط انا راني نقيسه نلقاه عادي الحمدلله ولكن سؤالي هل نبقى نشرب في الدواء الخاص بارتفاع الضغط حتى بعد الولادة

مديرتنا الغالية ان شاء الله تلدي بخير و الجنين يكون بخير أتمنى اني اساعدك ممكن فقط بعض الأسئلة لأن المشيمة عندما تسبق البيبي أنواع هل لديك نزيف أم لا؟

اهلا حبيباتي المرة الماضية قلتلكم راني خايفة نرجع للطبيبة باه تشوفلي نبض الجنين
الحمد الله اليوم درت الكوراج و رحت شفت النبض و طمنتني الطبيبة و الله فرحت و ريحت قلت نفرح خياتي معايا علابالي راكم متحيرين علي…………..لعقوبة لاختنا ملك سجود

الف الف مبروك حبيبتي
ان شاء الله ربي يثبتلك الحمل

ربي يثبت حملك

ربي لا تذرني فردا و انت خير الوارثين

الف مبروك
ربي يثبتلك الحمل

الحمد لله فرحتلك ربي يفرحك

ربي يكملك بحملك ويثبتهولك يا رب

الحمد لله حبيبتي و ان شاء الله يتمم ليك على كل خير ….الحمل يخليك تتخيلي اشياء و لكن نصيحة اشغلي بالك بامور اخرى ….انا تاني كنت كيفك دائما في تخيلات و لكن الان انا في نهاية الشهر ال تامن ….و راني غير نجري مع ميناج الدار و نوجد في حوايجي ..لعقوبة ليك

الحمد لله ربي يثبتلك اختى وتولديه بالسالم

سلام اخواتي الحوامل حبيت نشركم تجربة رائعة لتسهيل الولادة.ننصح كل وحدة في شهر 9 تتناول التمر بعدد فردي يوميا إضافة إلى زيت زيتون،أما لوصفة سحرية لتسهيل الولادة ولي لازم تديرها نهار تحسي بوجع الولادة أو تقول لك الممرضة أو طبيبة بقلك ساعات تولدي ؛تحطي 7 تمرات في مهراس وتحرسهم بالعلفة مشي بزاف من بعد تديرهم yerliw صفيهم وشربي .من الاحسن تكون معك وحدة تواجدها لك . صدقوني راها مجربة وتكون ولادة سهلا بيذن الله

السلام عليكم هو تمر وزيت الزيتون معروف لتسهيل الطلق للحامل باذن الله وهي مجربة بارك الله فيك ان شاء الله نجربها
وربي يسهل لكل حامل يارب

صح منافع التمر بلا حدود

بارك الله فيك على الموضوع القيم

بارك الله فيك
وربي يسهل لكل حامل يارب

السلام عليكم حبيباتي كيف احوالكن
انا حاملعندي شهرين واسبوع واعاني من السعال واصبحت اتالم في بطني وامسكه عندما اسعل لانني احس ان بطني تندفع الى الاسفل جربت العسل لكنه لم يفدني كثيرا وانا خاىفة لانني سبق لي الاجهاض فرجاءا لمن لديها اي معلومة لا تبخلني انا لا اريد ان اشرب ادوية لانني اتناول منها كثيرا حاليا

صباح الخير اختي ديانا مرت عليا التجربة بداني السعال من الشهر 3 وكمل معايا حتى زيدت اللي رحت للطبيب وعطاني الدواء لكن بلا فايدة اللي يشوفني يقولي تقعد معاك حتى الزيادة ( السعلة تاع الكرش ) حتى واحد النهار حبيبتي جابتلي زيت الزيتون لكن قاتلي بلي طايب يعنى جاز على النار .

والاخوات اللي عندها معلومة على هذا النوع من الزيت تفيدنا لانو حبيبتي عندى مدة ماكانش اتصال بيناتنا

سبحان الله

أول مره اعرف هالمعلومة

يعطيك العافيه عالموضوع

لاتحرمينا جديدكِ

سبحان الله معلومة جديدة
بس انا ولدت ابني بالشتاء والحمدلله طويل لانه هههههههههههههههههه شبهي
يعني اظن في الاول والاخير مالها علاقة لانه راح يشبه ابوه او امه
يعني لو اهله قصيرين معقول بيطلع طويل
مشكورة جدا ام وسومي على المعلومة الجديدة بارك الله فيك

[align=center][/align]

الحمل الغزلاني هو نزول دم الدوره في كل شهر ولكن بكميات قليله وقد تستمر الى 3 الاشهر الاولى او قد تستمر الى التاسع.
فبعض من النساء لا تظهر لهن بطن الحمل بسبب اتيان الدوره الشهريه في كل. وقد يبين الفحص وقد لا يبين الا في اشهر متاخره.

دائما مميزة
بارك الله فيك
يعطيك الصحة

السلام عليكم

نقولكم واش بحالي درك رحت لطبيبة النساء بسبب عندي بلوكاج مدة شهرين قاتلي لالا معندكش بلوكاج عندك خمول في الرحم بسبب حبوب منع الحمل ماخديتيش منهم راحة مالا عطاتني اوفستان ناكلوا مدة15 يوم وكي يلحق اليوم 10 نبدا معاه دوفاستون و صرا كيما قالت الطبيبة و كي كملت الدواء شرفت الغايبة بعد يومين بصح ما نحكيلكم حتي في الليل نغير مدة 4 ايام و خلاص و درك راه عندي 8 ايام من بداية الصلات ادا فهمتوني(نحشم هههههه) المهم بصح راه درك عندي وجع وانقباضات في الرحم كانها البداية الاول من الولادة بغيت تقولولي واش ندير و ادا وحدا تفسرلي واش هدا ادا كلات من هدا الدواء مع العلم انو راجلي قربلي في بعد ما صفيت و بعد يومين

الانقباضات ما جاتنيش بعد الدورة جاتني بعد 8 ايام من الدورة

[centerالله اعلم[/center]

يا اختي منيش خبيرة في امراض النساء ولكن بما انو قاتلك خمول في الرحم بلاك هد الاوجاع بسبب الادوية لاخدتيها مزال المفعول نتاعها يخدم انا انصحكي بالاتصال بالطبيبة واخبارها هكدا خير ومتسنايش كيتكون حاجة متعلقة بالجهاز التناسلي ارجعي لطبيبتك في اقرب وقت هي تعرف تاثيرات الادوية بصورة جيدة وتوضحلك اكتر الله يشافيك ومايكون غير الخير ان شاء الله

ختي ماعندي حتى فكرة
ان شاء الله يفيدوك الاخوات
و ربي يشافيك

كيما قالولك الاخوات لازم طبيب بصح ادا الالم ما تقدريش تحمليه والا متواصل ما حبسش يعني ادا خفيف عادي انتاظري حتى للدورة الثانية ادا بقا روحي للطبيبة انا ديفاستون و اوفيستان مدهملي الطبيب للمساعدة للحمل عادي ما ضرونيش بصح يديرو شوي قلقة انشاء الله يروح الالم ربي يشفيك اختي

rabi yachfik

بنات رحت لطبيبة و قاتلي هدا الدواء ينشط المبايض و درك راهم نازلين 2 بويضات يعني ادا تلقحوا يكونوا توام وانا درت العملية قيصرية في 30/12/2016 يعني مند عام و تلات اشهر و9 ايام واش ندير ما دبيا نحمل بتوام بصح خايفا من اني نعاود العملية رغم ان الطبيبة قاتلي الجرح باري و راكي روعة من ناحية العملية
واش ندير قولولي

اتوكلي على ربي راهي نعمة والعملية ممكن تعاوديها وممكن لالا ربي يسهلك اختي

صباح الخير يا احلى امهات
سؤال راودني اليوم كيف كان احساسك ايتها الام عندما اتجهتي للمستشفى لتلدي طفلك الثاني او الثالث وتركتي خلفك ابنك الاول او الاول والثاني
ماهي الافكار التي جالت بفكرك هل ذهبتي وانتي باكية ؟؟ ام ذهبتي عادي

انا عن نفسي من نشوف وليدي تجي دموعي تجري ههههههههه دك راني نكتب ونبكي ي ي ي ي هههههههه

لحد الان لم اجرب ذالك الاحساس

.
.
.
كنت رايحة للمستشفى و حمايا راح يدي بنتي لدار شيخي …
كي خَرجت تفكرتها قلت لزوجي رجعها نودعها …
واشمن بكى واشمن تعناق … خلعتها المخلوقة …
قلت خلاص ممكن نموت و ما نشوفهاش …
لما ولدت جاتني للمستشفى … حسيت عندي قرن ما شفتهاش …
مباعد ما خلاوهاش تجي عندي … كنت كل يوم نبكي عليها (خاصة في الليل نقول راهي وحدها ) …
.
.
.
اما هي المخلوقة …
قالي شيخي جابت كرسي و قعدت عند الباب تقارع …
تقولوا ذوك تجي ماما …
قالي قسمتني (اول مرة نعرف بللي شيخي سونسيبل ) …
.
.
.
قلب الام يا حفيظ يعذّب …
.
.
ربي يسلكك على خير و ترجعي لوليدك …
تفرحي بيه و يفرح بيكـ …
.
.

ربي يرزقك الذرية الصالحة

ربي يخليهالك ان شاء الله
الزيادة صعيبة وتخوف ربي يكون في العون ليا ولامة محمد

السلام عليكم ماجربتش مزال ممكن نبكي على زوجي لنخليه وحدوا ههههههههه

ربي يسلكك على خير حبيبتي

ربي يسلكك على خير حنونة

مازال ماجربتش رب يرزقني ذرية طيبة
ذكريات ضحكتيني ههههههههههههههههه

[QUOTE=ذكريات لا تنسى;973698]السلام عليكم ماجربتش مزال ممكن نبكي على زوجي لنخليه وحدوا ههههههههه

ربي يسلكك على خير حب
ههههههههههههههههههههه صح راي هو تاني تفكري فيه
انا اول مرة غاضني هو وكل ما يجيني للسبيطار تجيني البكية

اللهم امين ربي يرزقك ويرزق كل محرومة

السلام عليكم
البارح درت الايكو وقالت اطبيبة بلي عندي المشيمة هابطة شوية
وقالتلي بلي لازم نتفادا السيارة والميناج ووووووووووووو

والله خفت وعنجي زوج دراري شكون يقوملي بيهوم
وهي تقيلة بزاف ماجات تكمل خرجتلي قلبي وكان وقت نروحنجيب وليدي والمدرسة
ماقدرتش حتى نسقسيها ادا كان في خطر على البيبي ولا لالا
نتمنى مالاخوات الي عاناو من نفس المشكل يفيدوني قليلا كيفاش تعاملو معا هدا المشكل
وشكرا جزيلا اخواتي

اختي العزيزة الحقيقة مانيش انا لي سراتلي صاحبتي بصح كيما قاتلك الطبيبة لازملك الراحة تامة ممكن حتى شهرين والا ارتاحي العطلة هادي واخدمي بشوي المشيمة كي تكون هابطة قادرة تولدي سيزاريان يعني ماشي ممكن المشيمة تخرج قبل الصغير بصح على الجنين والله ما علابالي ريحي روحك برك وما يكون غير الخير انا صاحبتي ريحت روحها ولدت عادي

لاباس عليك أختي لازمة الراحة التامة كي يكونو لخوتات هابطين يعني سابقين الصغير تكون الحالة حرجة
إستهلاي في روحك وبسياسة ومنيش إنخوفك فيك بصح حالات مثلك يدخلوهم للمستشفى لأجل المتابعة الراااااااااااحة إذا رحيتي راح تفوت الأمور عاااااادي بإذن الله وسلامااااات

شكرا حبيباتي على الردود لازم نرد بالي اكتر خاصة اني مازلت فالخامس
شكرا مرة اخرى

خليتلك الشفاء ياليالي شوفي لزمتلك الراحة وزيد كاين لي كيما حالتك وكي جاو يزيدوا من الوجاع تعدل الصغير عندي اختي كيما هكا وزيدت نورمال ياختي حاسة بيك ام 2ولاد مش كيما3 ولاد انشاء الله اما كان يقولولي هكا ودرت الكوراج وعدات الايامات وكبروا شوية بصح غير يشوية نظمي وقتك ولي تقدري اخدميه ولي ماتقدريش عليه يعاونك فيه راجلك وسلامي

يا أختي استهلاي في روحك ونظمي روحك برك طيبي غدا وعشا مرة وحدا يعني كتري في الغدا با ه تبق الكم تعشوا بيها والميناج بعقلو اكنسي برك ولا أدا عندك أختك صغيرة يجبيها تعاونك زعما كي رانا نسيقو كل يوم وش ما راهو باين والو هههههههههه ربي يجيب الشفاء واللهانا تاني حامل ف7 أسابيع طلبت مني الطبيبة الاستلقاء على الظهر ورانا على أبواب رمضان ربي يجيب ساعة الخير

شكرا حبيباتي والله كي نهدر معاكم نرتاح وتهون عليا اموري
المشكل اني فالغربة ووحدي وولادي مازالو صغار وليدي عندو اربع سنوات والتانية عندها عامين
ربي يكون في عونا برك

اختي انا صارت لي في بنتي وقالت لي الطبيبة انها نزالا والمهم ما يكونش الوجع والكول محلول كيما قالو لي نساء الكبار في السن دايما البنت تكون المشيمة نزلا ممكن رايحا تجيبي طفلة ربي يسهل لك وتسلك خير علي خير