التصنيف: إستفسارات ومشاكل الشعر

السلام عليكم اخواتي حبيت نسالكم على احسن ماركة صبغة شعر لانني نستعمل فالصبغة لوريات تاع دزاير لكن ما نكلش شهر حتى يعاود يظهر الشيب ميش في الجذور برك بل في كل الشعر على هذا حبيتكم نتصحوني باحسن نوع يكون تاع الخارج يطول شوية وشكرا لانو كثرت استعمال الصبغة دارلي حكة في راسي وشكرا مسبقا

يا لحنييينة لوريات راهي لخلا تاع الشعر خاطرش فيه مركب الامونيا بزااف و هذا المركب هو لي يخربلك الصبغة الطبيعية لي ينتجها الشعر في الجذور يعني هاذ الصبغة لي يشريوها كامل لانها رخيصة هي لي تدير الشيب كثر و اكثر
نصيحة لوجه الله لك و لكل سيدة اخطيكم من لوريات لانو بعد مدة رايحين تشوفوا شعركم شاب اكثر من الناس لي راهم في مثل سنكم.
شوفي انا كنت نستعمل غارنييه لكن اللون تاعها يزرب يتبدل مع الغسيل تاع الشعر و مؤخرا وليت نجرب palette تدير 55 الف و الله تهبل و اللون يطول و هو بنفس الدرجة تاع التلوين و كيما العلبة كيما يخرجلك

انا استعمل غارنيييه لم يحرق شعري والحمد لله
لكن كيما قالت الاخت يتبدل اللون

ان شاء الله نجرب بلات كيما قالت

excellence هي الافضل mais غالية شويه بصح la couleur تخرج هبال وتبان naturelle…

شوفي اختي انا جربت انواع الصبايغ برغم من انو مافياش الشيب و بالنسبة لي احسن مركة ماتخرج شيب ما طيح شعر ماتخشنو باختصار ماديرلو والو غير ايولي شباب ويهبل (لوريال) هيا غالية بصح مش خصارة وطول باش طروح واللون كيما يحب الخاطر

انا نقولك و ديري بنصيحتي و شوفي غارنييه belle color ديريها و ما تزيديش تبدليها انا كي نصبغ شعري بيها يتعالج و يولي يهبل loréal فيها trop d’ammoniac تهلك الشعرةوترجعها خفيفة بزاف وجامي تتخدعي في اللون تاعها انا جامي نبدلها مهما يكون

شكرا لكن جميعا ربي يبارك فيكم على هذه النصائح راكم ولهتوني لحوايج كنت نجهلها

ممكن تقولولي شحال ادير غارنيه

عرس خويا راه قريب و حابة نصبغ شعر العرس يبدا نهار لخميس ينفع نصبغه و لالا و ادا درت غانييه نديرها غي وحدي و لا عند لكوافيرا ؟

ماما ادير لوريات و الشيب يبان بسرعة

غارنييه تتباع 28 -30الف اذا كان شعرك قصير تقدري تديريها وحدك و انا واحدة من لي يصبغوا لرواحهم حاجة ساهلة برك احتاطي انو الصبغة تقيس كامل الشعر باش مايجيكش مطبب
bonne chance…..

السلام عليكن أنا شعري أماس ولكن يتساقط و دهني أريد منكن ىمساعدتي

ختي اول حاجة انتبهي للماكلة تاعك لازم يكون فيها خضار وفواكه لحتوائها على عدد هائل من الفيتامينات المفيدة لكامل الجسم خصوصا الجزر كتري منو تانيا معليش دهني زيدي ديري حمام زيت بزيت الخروع زيت السمسم زيت الزيتون مرتين في الاسبوع الشامبو والمناسب لطبيعة شعرك ان شاء الله تستفادي

اذا ما كانش عندك مشكلة مرضية شوفي نوع الشامبواقصد الماركة اللي تستخدميه و بالذات منين تشريه
فمثلا انا كان عندي نفس المشكل من فترة قصيرة و اكتشفت انه "هيداندشولدر" هو السبب
نتمنى نكون ساعدتك

اختي انا عندي انا وبنتي نفس المشكل وشفت طبيبة تع الامراض الجلدية اعطاتنا درنا تحاليل خرجو صافيين انا قاتلي ممكن تتعرضو بزاف للنرفزة وكذلك الغسول يمكن ما ساعدش نوعية الشعر وانا مع الاخت اللي نصحتك بتناول الخضر والفواكه والابتعاد عن الاكل اللي فيه الدهون مثل المقالي والمايونيز وتبعي من الافضل غسول طبيعي ونسيت نقلك بنتي تستعمل زيت الحشيشة الخضراء شراتو نظن ب68000 والله شعرها تحسن ونبتولها الفراغات نقدر نقلك 80 بال100 ربي يجعلك الشفا تحياتي

حبيبتى انا خبيرة تجميل من مصر بالنسبه للتساقط و دهنية الشعر هاتى عشبة الروز مارى و صبى عليها ماء مغلى و اتركيها لليوم التالى ثم ضعى منها على شعرك مرتين فى اليوم مره صباحا و مره مساءا اما بالنسبه للشامبوهات فلا اعرف الانواع الموجوده عندكم

انا في حيره نحول الشمبوا ليمليح ارجو منكم ان تدلوني حول شمبوا يكون مليح من فضلكم خوتاتي

السلام عليكم انا نفعني con3x . gliss

انا تاني نستعمل الساف مع البلسم والماسك والله مساعدني بزاااااااااااااف شعري جاف اذا شعرك جاف استعمليه
elsève

انا ننصحك ب dop روووووووووووووووعه تخلي الشعر يلمع و رطب و مغذي اانا استعملتها من قبل

wech hssebtiha hissa te3 chamssou hahahahaha
ana ndir head and shoulders te3 les amandes , hadek ja 3liya fooooooooooooort

كل وحدة و شعرها انا نستعمل غارنييه بالماسك و البلسم روووووووووووعة

انا ننصحك بشمبوا قليس

يا ختي لى حساب شعركروحي للحانوت يدبر عليك ما تخافيش و انا شخصيا كي عندي مشكل القشرة خرج علي غير بالموليف اللي ضد القشرة
و كل واحد و كيفاه

السلام عليكم حباباتي

راه جاي العرس تاغ خويا و راني حابة نقطع شعري و نصبغو و لا كوب راني حابتها تحفة

و الصبيغة ممكن تعطولي لوريات نيميرو 8 بلييز يا اخواتي و لا كاش صبيغة تكون بين

الاخضر و القهوي و لا blond très claire

stp mes soeures:smile1 5:

ادخلي لمواضيع ام صديق فهو اختصاصها
احدث و اروع واجمل قصات وصبغات للشعر 2024

شكرا اخواتي سأستشيرها و ارى

صبغة شعري أو بالأحرى ليماش راهي تروح راهي واصلة شوية تحت مشكلتي راني حامل في ثلاث أشهر منقدرش نصبغ شعري ومع صيف قرب وخرجات راني كارها من شعري إلي عند كاش واحدة من الأخوات صبغة طبيعية مجربتها من قبل تقولي عليها بالون أشقر كيما ألي راهي باقية فيها شوية مذابكم تفيدوني بيها مع علم إني قريت واحدة إلي بالبابونج بصح معرفتش واش هو الكاولين وكم عدد مرات نستعملو و لا قولولي إلا نقدر ندير الحنة.

كأني غير مرغوبة

اختي نقولك المراة الحامل يستحسن ان تبتعد عن اي خلطة سواء كانت كيماوية او طبيعية لانه كاين حتى بعض الاعشاب الي تاثر على الحمل مكانش كما الجمال الطبيعي تقدري تكوني حسناء بلا ما تصبغي وربي يسلكك على خير ان شاء الله

السلام عليكم بارك الله فيكم على النصائح ربي يجازيكم

نصيحة من عندي ماتديري والو اثناء الحمل يستحسن عدم استعمال اي شي وادا الصبغة اللي بقات في شعرك قلقاتك قصي شعرك باش ماتبانش هكدا كنت ندير انا كي كنت حامل

مالا نقولك والله العظيم غير صبغت شعري مارون قلاصي من لا مارك نتاع اندريا دوتي وانا بالحمل في شهري 9 وزيدت و عادي و ماصرا والو ماعندها حتى تاثير

شعري راهو احمر نحوس على رقم تاع الصبغة لوريات باش نحي صبغة وندير ليماش كيما تاع ملك سجود يكون اشقر الله يخليكم

ما رايكم في زيت الاحلام

لم أسمع به
هل تستعملينه
أرجو الإفادة عن الموضوع

زيت الاحلام ولا في الاحلام
حنونة وين راكي حطيتي الموضوع و رحتي فيدينا

ana 3andi zit el ahlam
howa mlih mais ana madawamtch 3lih
normalement yamna3 tasakot w ytawal ch3ar
lokan dirih kol smana w dawmi 3lih talkay natija
ana katli 3lih el hafafa mais khsara manich mdawma 3lih
bsah lahadt beli nhar li ndirou cha3ri maytihch bzaf ki naghaslou hadak nhar
ya3ni lazem modawama hadi hya

السلام عليكم انشاء الله تكونو ملاح حبيت نعرف طريقة تكريبي الشعر بالمواد الطبيعية

غلي الماء و الحلبة خمس دقائق ….و خليها تبرد بعدها شلي شعرك بيها و نشفيه

يعطيك الصحة بالصح ريحة الحلبة تبقى ولا تروح

انتي ما غاديش تكثري الحلبة شوية برك نص ملعقة اكل في 02 كيسان ليموناد ماء

شوفي ختي نضن ام منذر تعطيلك لاستوس هي الي تعرف هاذ العفايس

وي ختي غندك الحق

نعم وصفة الحلبة صحيحة تقدري ديريها ورح نضيفلك وصفة اخرى 250غ من بذور السفرجل زيديلهم 280 ملل من الماء كي يغليو مدة 15د صفي الخليط وشلي بيه شعرك وخليه ينشف

اخواتي راني هاذي سيمانة ملي سبغت شعري بصبغة palette auberigine و ما عجبتنيش حبيت نغير و خاصة انو عندي عرس على شهر هل نقدر نغير فوق هاذ اللون و اش من لون تنصحوني مع العلم انو بشرتي بيضاء

سالي ام صديق خبيرة

اي موضوع اختي؟؟

بارك الله فيك اختي
هل صحيح ان المراة الحامل ماتقدرش تصبغ شعرها ؟

حبيبتي مريم يقولو انو المرأة في الاشهر الاخيرة ما يلزمش تسبغ شعرها هكذا سمعت والله اعلم
شكرا لك زهووووووووووور

ايه ماتصبغش شعرها
يعطيك الصحة

شكرا على النصائح بارك الله فيك وهل عندك حلا لمشكلة الشيب

شكراااااا