السلام البنات نتمنى راكم بخير و عافية ………ليوم جيبتلكوم شوية صور من واش بديت نشري لزواجي ان شاء الله …و لكن المشكل ما عرفتش واش نشري انا الكبرى فالعايلة و ماكنش لي تنعتلي واش ندي معاي….لحد الساعة اني عبيتها pyjama برك ههههههه الله يستركم ساعدوني لانو التصديرة ساهلة ولكن حوايج خلاف ماعرفتش…شكرا و في امان الله
اولا الف مبرووووك غاليتي
و نصيحة مني ما تكثريش الاشياء اللي ما تحتاجيهاش
كثري من فساتين البيت القصيرة و المغرية و خصوصا اذا كان بيتك لوحدك
و البيجامات اشري نتوع pantacour فمن غير المعقول انك تتڤمطي في بيجامات طويلة
و لا تنسي البارفانات و كريمات الجسم
و طبعا ملابس الخروج
آه نسيت اشتري ملايات
اشتري في الأحمر و الموڤ و يكون نوع القماش ستان
و أتمنى ان يفيدك العرايس
مبروك و ربي يكملك بالخير
حبيبتي ليس كل ما يعجبك وتقع عينك عليه تشريه
اقصد مثلا الحذاء في الصورة اشريلو صاك والحجاب الي تلبسيه معاه
ديري لبسة كاملة تاع الخرجة معاها خمارها والحذاء والصاك
ماشي لما تجي تخرجي تبداي تحوس واش يخرج على الحجابوووو
ملابس البيت اذا تسكني وحدك البسي القصير وووو وفي نفس الوقت ماتنسايش ديري لباس ولا جبات مستورة لكا يجوك ضياف
كل حاجة تشريها كمليها كل ما ينقصها مثلا شريتي جيب ذيريلو بودي ولا شوميزي متخليهش هكذاك
اشري من كل الالوان وكتتحصريش باللون الي تحبيه
تحتاجي سشوار مكواة ابرة خيط مقص ههههههه
اشري اكسسوارات الشعر حسب الملابس الي راح تلبسيها
ملابسك الذاخلية اختاريها بدقة
ملاحظة لي دو بياس هذاك الابيض والاسود شوية معجبنيش اشري الوان قوية اصفر اخضر برأي طبعا ولك الحرية
حاولي تكون ملابسك في اول ايامك فاتحة وزاهية
معذىة اشتري حفاظات لانك ستخجلين من طلب شىائها من زوجك
لا تكثري من نفس النوع من الملابس بل البسي كل نوع جينز كلاسيك قصير طويل عريض ضيق
اتمنى افذتك
ألف مبروك حنونة
كيما قالو الاخوات ما تكثريش عليك الدرابل أو مبعد تلبسهم الخزانة
أدي الفساتين مستورة و عريانة
النويزات و ملابس النوم راكي علابالك تاع شنطة تاع ستان نوعي الكتان و الموديل و الالوان كيما الروز الموف,,
البيجامات ديري تاع البونتاكور والشورتات زيدي قش الخرجة يكون انسومبل بالسك و الصباط اسورتي كيما نقولو يليق بيك كعروس
الكوسميتيك من مجاميعو برنوس الحمام و ما تنسايش كل ماله علاقة بالشعر من مشاطي برايش
الماكياج طبعا و طلاء الاظافر أنا ديت كل الالوان ,,,,
أكيد المساسك الابر كبة الخيط ,,, حتى مساسك لي ينشرو بيهم قش الغسيل هههه
سراج تاع الصباط شيتة تاع الزربية كتاتن مسيح الغبرة و نوافذ الزجاج طابليات الكوزينة ,,, باه تولي امراة تاع دار صح ههههه
الفراش و الغطاء من الالف الى الياء و الريدوات و الناب ,,,,
فاليزة تاع ليلة الدخلة
و الهدايا تاع أهل زوجك حنا في سطيف العروس لازم دير لبيت شيخها لكل واحد هدية تمدها بعد يوم أو يومين من العرس
هذا واش شفيت كاشما نزيد نتفكر نقولك
بالصحة و الهنا و لعقوبة للبنات ان شاء الله
الف مبروك
راهم الاخوات قالولك كل شي
اعملي بالنصيحة
الف مبروك حبيبتي تلبسيهم بالصحة والهنا
متكثريش اللبسة بيسك مور الزواج قاع نتنفخو نولو كي البالون ههههههههههه ادي شويا برك باش يشوفك الله الله اليمات الاولين امبعد ولي اخرجي معاه واشري
انا نحير فيهم كاين وحد النسا يدو القش تاع 7 سنين كيشغل راجلها راح يغلق عليها ومتزيدش قاع تشوف برا
اشري شويا لي دو بياس
شويا جبات باش كي يجو دارهم يشوفوك بالطبع
لي غوب ميني البيجامات كثري الطرونسبارو
الطالوات ادي ومتخافيش هذا واش يحبو الرجال والباقي راكي تعرفيه
الف مبروك اتمني لك السعادة والفرح والهنا
هادا هو الاساس الرجالة يبغو دايمن يلقوك مغيرة الحطة تجملي ليه دايما وربي
يهنيك
الله يخليكم البنات و الله راني حايرة فيها خلاص خاصة حوايج الدار انا فدار بابا والفت survette و الى الامام ههههههه دوك رايحة لدار راجلي و في نفس الوقت راهي دار عمتي و خالي اللتم المشكل …..و لكن الحمد الله راكم سلكتوني فقش الدار و انا واحدة لي متحبش تكتر فالقش لي تدي العروس…..و حوايج الخرجة باينة الحجاب طويل و المكياج مانديروش خلاص
ربي يهنيك حنونتي كلشي مبرروك
الله يخليك الزينة ربي يبارك فيكم الكل ان شاء الله
